Ndị Filipi 2:8 - Ika

⁸ o welụa enwẹn ẹ alị, e humẹ isi, d'e ru ebe ọ nọ kweri ni wẹ gbu ẹ — kweridẹ hụn wẹ gi kpọgbu ẹ elu obe!

Ndị Filipi 2:8 ပူးပေါင်းရင်းမြစ်များ

Ẹbụ-ọma 22:16

Ndị-iṅẹnrẹn e kehunmẹgụọ m kẹ nkitẹ; itu ndị-ejẹ e kehunmẹgụọ m, dọyịya m ụkụ lẹ ẹka kẹ ẹwọrọ e mẹ.

Itẹn 15:33

Egun Osolobuẹ e zin ịhịan amamihiẹn, onyẹ welụagụ enwẹn ẹ alị kẹ wẹ e ye ọghọ.

Matiu 17:2

Ya Jizọsị nọ nọ idẹnya wẹ nwọnhutọ: ihun ẹ e nwunmẹ kẹ ẹnyanwụn, ẹwuru ẹ hụ e gbukepụ kẹ ukpẹ.

Matiu 26:39

O jẹnshi ihun ẹkẹrẹ, ọ nọ tụha enwẹn ẹ ye alị, bu ihun kpumẹ alị, mẹ ekpere, sị, “Baba, omẹni ọ rịghọ nfe, anịlẹ m ra mkpuni; kanị, uche i y'a mẹ, ẹlẹ uche m.”

Matiu 26:42

Ọ nọ pụzị nke mgbe ẹbụọ, mẹ ekpere, sị, “Baba, omẹni mkpu afụnfụnnị asaẹka ghafe mmanị m ra, uche i ya mẹ.”

Luku 9:29

Ebe ọ rị e mẹ ekpere, ihun ẹ nọ nwọnhutọ, ẹkwa o yi nọ gbukemẹ.

Jọnụ 10:18

Onwọnni onyẹ rị a napụ m ndụn m; mmẹ rị e gi uche m e ye ẹ. Iyen'ẹ lẹ iwerizin'ẹ rịchanrịn m ẹka. Ẹrịra kẹ Nẹdi m gwa m.”

Jọnụ 14:31

kanị, m rị e mẹ nị ụwa marịn nị ihiẹn Chuku-Nẹdi a sụọ m a sụọ, nị ihiẹn Chuku-Nẹdi sị m mẹ kẹ m'e mẹ. Lihi ni nwan nị ẹnyi pụ ebeni.

Jọnụ 15:10

Omẹni ụnụ e mẹsọnmẹghọ ihiẹn m ku, ụnụ sikọ d'a wụsọnmẹ ndị ihiẹn wẹ a sụọ m — nọkẹ kẹ m dọn e mẹ ihiẹn Nẹdi m ku, e gi ẹ a wụsọnmẹ onyẹ ihiẹn ẹ a sụọ Nẹdi m.

Jọnụ 4:34

Jizọsị nọ sị wẹ, “Ihiẹn-oriri m wụ imẹ uche onyẹ zini m lẹ ịrụnchanrịn ọrụn a.

Ọrụn Ndị-ozi 8:33

Wẹ nọ kpari ẹ; wẹ nọ ma a ikpe — bụ onwọnni ihiẹn o mẹ. Onyẹ jẹnkọ d'e kuzi oku ụmụ a, ebe o mẹni wẹ gbuchu ẹ egbuchu elu ụwa?”

Ndị Rom 5:19

Makẹni, kẹ ndị bu ọda dọn họnrin ndị njọ makẹni okẹnnyẹ ohu hụ wụ Adam nupụ isi, ẹrịra kẹ Osolobuẹ k'e dọn nwan mẹ ndị bu ọda wụrụ ndị ezi-omumẹ makẹni okẹnnyẹ ohu hụ wụ Jizọsị humẹ isi.

Ndị Kọrẹntị Nke Ẹbụọ 8:9

Makẹni, ụnụ a marịnghọ ẹfọma Onyẹ-nwọnni-ẹnyi wụ Jesu Kristi mẹ: nị, ọsụọn'a n'ọ wụ ọdanfịn, o gi ufiri ụnụ họnrin ogbẹnnyẹ kẹni ụnụ gi ogbẹnnyẹ o dan wụrụ ndị ịdanfịn.

Ndị Galeshịa 3:13

Kraịstị gbapụha ẹnyi imẹ abụmọnụ rị imẹ Iwu ghahanị igi ufiri ẹnyi wụrụ onyẹ wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ wẹ hogbu elu osisi a wụrụọlẹ onyẹ wẹ bụ ọnụ.”

Ditrọnọmi 21:23

ahatukwọlẹ ni ozun ẹ ye elu osisi ahụn eki e we fọn. Ụnụ sikọ d'e lirịrị a ụhụọhịn ahụn, makẹni onyẹ wẹ hogbu elu osisi a wụrụọlẹ onyẹ Osolobuẹ bụ ọnụ. Emẹrụkwọlẹ ni alị ahụn Osolobuẹ wụ Chuku ụnụ rị e ye ụnụ n'ọ wụrụ ukuu ụnụ.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Hibru 12:4

Ụnụ eke che njọ ọgụn ụnụ rị e che ẹ d'e ru ebe ọ nọ napụ ụnụ ndụn ụnụ.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,