Ndị Filipi 2:5 - Ika

⁵ A gụn nị agụngụn ohu hụ Kraịstị wụ Jizọsị gụn:

Ndị Filipi 2:5 ပူးပေါင်းရင်းမြစ်များ

Matiu 11:29

Yiri ni agbụn yoku m, ụnụ a mụnarịn m; makẹni, m rị jụụ, e welụa enwẹn m alị imẹ obi. Ụnụ mẹ ẹ, umẹ-ndụn ụnụ e nwọnrin ezumikẹn.

Luku 22:27

Onyẹ kadẹ ibe ẹ? Hụn rị e ri ihiẹn-oriri ra hụn rị e jẹn ozi rịn'a? Ẹlẹ hụn rị e rini? Kanị mmẹ nwẹn rị nwan e bi imẹ igunrun ụnụ nọkẹ onyẹ e jẹn ozi.

Ọrụn Ndị-ozi 10:38

kẹ Jizọsị onyẹ Nazarẹtị hụn Osolobuẹ tumẹ, gi Mmọn-nsọ lẹ ikẹn gbajun, dọn jẹnhunmẹ, e mẹ ihiẹn rị mma, a zụọ ndị ile Ekwensụ rị e kpokpo, makẹni Osolobuẹ nọyen'ẹ.

Ọrụn Ndị-ozi 20:35

E gigụọ m ihiẹnni ile ghọsị ụnụ n'o furu ni ẹnyi a rụnshi ọrụn ikẹn ẹrịra e gi e yeni ndị zelẹni ẹka, a nyanhan oku Di-nwọnni-ẹnyi wụ Jesu lẹ enwẹn ẹ ku, sị, ‘Iyeni ka ngọzi a wụ karị ịnarịnnị.’ ”

Ndị Rom 14:15

K'osilẹrị, omẹni ihiẹn y'e ri rị e ye nwẹnẹ i nsọngbu, ya wụ nị y'a rịzị e gi ihiẹn-ọsụsụọ e bi. Egikwọlẹ ihiẹn-oriri y'e ri tikpọ onyẹ Kraịstị nwụnnị ọnwụn!

Ndị Rom 15:3

Makẹni Kraịstị emẹni k'ọ sụọ a; o mẹhụ ihiẹn hụ Ẹkụkwọ-nsọ ku, nị, “Mkpari ahụn wẹ kpari i, mmẹ gi isi buru ẹ.”

Ndị Rom 15:5

Osolobuẹ hụn e ye ndidin lẹ nkasị-obi, ya yeni ụnụ ẹka e gi obi ohu e bi, makẹni ẹrịra k'ọ furu imẹ Kraịstị wụ Jizọsị,

Ndị Kọrẹntị Ibuzọ 10:33

Ẹrịra kẹ mmẹ nwẹn e mẹ: m'a lịlịma ụzọ ile nị m'e mẹ n'ọ sụọ ịhịan ile, m'a ra chọ nke m, kanị nke ịhịan ile, kẹni wẹ hụn ụzọ nwọn nzụọpụha.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Filipi 1:1

Pọlụ lẹ Timoti de ẹkụkwọ-ozini. Ẹnyi wụ igbọn Kraịstị wụ Jizọsị. Ẹnyi rị e dejẹnni ndị ile rị imẹ Kraịstị wụ Jizọsị, ndị nsọ Osolobuẹ, hụn rị Filipi, uwẹ lẹ ndị-isi wẹ lẹ ndị-ọrụn ụka wẹ.

Pita Ibuzọ 2:21

Ịya kẹ wẹ kpọnị ụnụ, makẹni Kraịstị tazịkwọnị ụnụ afụnfụn, latọ nị ụnụ ihiẹn ụnụ e leri, kẹni ụnụ hụn ụzọ e sọn nzọmụkụ a.

Pita Ibuzọ 4:1

Ebe o mẹni Jizọsị ta afụnfụn elu-ụwanị, bu n'ẹ nwan obi nị ụnụ nwẹn jẹnkọ d'a ta afụnfụn. Makẹni, onyẹ gi ẹhụ a a tanị Kraịstị afụnfụn imẹ ndụnnị a jụgụọ njọ.

Jọnụ Ibuzọ 2:6

onyẹ hụn sị n'ọ rị imẹ ẹ sikọ d'e birịrị k'o dọn bi.