Ndị Filipi 2:17 - Ika

¹⁷ Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Filipi 2:17 ပူးပေါင်းရင်းမြစ်များ

Ọgụngụn 28:6

Ọhụn wụ ẹjan w'a dụn ọkụn wẹ nọ Ugu Saịnaị tumẹ nị w'a chụ a ụhụọhịn-ụhụọhịn, kẹni ishin ẹ sụọ Osolobuẹ, wụrụ oyiye wẹ gi ọkụn ye Osolobuẹ.

Ọgụngụn 28:7

Oyiye-manya e sọnn'ẹ k'a wụ manya wẹ bama hụn k'e jun mkpu kọstadị-nta ohu; ịya k'e sọn nwa-atụnrụn ohu-ohu. “Hu ni oyiye manya ahụn yeni Osolobuẹ imẹ Ebe Ahụn Rị Nsọ.

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 21:13

Ya kẹ Pọlụ nọ sị, “Kị ụnụ rị e mẹdẹ — a kwan ẹkwan, e tiwa m obi? A kwademẹgụọ m nị m jẹnkọ Jerusalẹm, ọsụọn'a nị wẹ k'e kẹn m ẹgbụn, ọ sụọdẹn'a nị m k'e gi ufiri ẹfan Di-nwọnni-ẹnyi wụ Jesu nwụnhụn ebẹhụ.”

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Rom 15:16

hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Kọrẹntị Nke Ẹbụọ 12:15

Ni m gichanrịnghọ ihiẹn m ile lẹ ndụn m yeni ụnụ ẹka. O mẹ nwan nị mmẹ nwẹn rị e nwọnwaye ihiẹn-ọsụsụọ ụnụ, nị ihiẹn m sụọbehi ụnụ nwẹn k'ọ sụọ ụnụ mbụ?

Ndị Kọrẹntị Nke Ẹbụọ 4:12

Ya wụ nị ọnwụn rị ọrụn ẹhụ ẹnyi, kanị, ndụn k'ọ rị a rụnpụha imẹ ụnụ.

Ndị Kọrẹntị Nke Ẹbụọ 6:10

ghahanị nị ẹnyi a ghọghọ ogẹn ile ọsụọn'a nị ihiẹn ẹkwan e mẹ ẹnyi ogẹn ile; ghahanị ịrị kẹ ndị igbẹnnyẹ bụ ẹnyi e mẹ ndị bu ọda a wụrụ ịdanfịn; ghahanị ịrị kẹ ndị nwọnlẹni ihiẹn ọwụlẹ bụ ihiẹn ile wụ nke ẹnyi.

Ndị Kọrẹntị Nke Ẹbụọ 7:4

Obi ru m alị banyeni ụnụ ọda-ọda; m'e gi ụnụ a dụ ẹka obi; ụnụ a gba m umẹ ọda-ọda; imẹ nsọngbu ẹnyi ile, m'e gi ufiri ụnụ a ghọghọ ọda-ọda.

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Ndị Filipi 2:18

Ẹfọ ya sụọzị ụnụ nwẹn ụsụọ, ụnụ e sọn m ghọghọ.

Ndị Filipi 2:30

makẹni ọrụn Kraịstị e d'a napụ a ndụn a, ebe ọ nọ bu ndụn a che ọb'ẹka n'o nọkin ẹnya ụnụ yeni m ẹka.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Ndị Kolosị 1:24

M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Ndị Tẹsalonika Ibuzọ 2:8

Makẹni ẹnyi e nwọnkẹ ihiẹn-ọsụsụọ ụnụ, ẹnyi nọ kwademẹ ni ẹlẹ oziọma Osolobuẹ sụọ kẹ ẹnyi k'e ye ụnụ, kanị enwẹn ẹnyi zi, makẹni ụnụ rị ẹnyi obi ọda-ọda!

Timoti Nke Ẹbụọ 4:6

Mmẹ nwẹn, wẹ rị nwan e hupụ m kẹ manya wẹ gi a chụn ẹjan; ogẹn m'e gi lama e rugụọ.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Jọnụ Ibuzọ 3:16

Ihiẹn ẹnyi gi a marịn ihiẹn-ọsụsụọ wụ ọnwan: nị Kraịstị gi ufiri ẹnyi we ndụn a ye. O furu nwan nị ẹnyi nwẹn ye ndụn ẹnyi makẹ ufiri ibe ẹnyi.