Ndị Filipi 2:16 - Ika

¹⁶ E kwọnkẹnmẹ ni oku hụn e ye ndụn, kẹni m hụn ihiẹn m'e gi nyan isi Ụhụọhịn Kraịstị k'a bịa, nị ọsọ m gba lẹ ọrụn m rụn alanị iwi.

Ndị Filipi 2:16 ပူးပေါင်းရင်းမြစ်များ

Ẹbụ-ọma 40:9

A gwaọlẹ m wẹ k'i dọn zụọpụha m imẹ ozuzu uku ndị nke i; m'a ra kpumẹ ọnụ m — ịyụ wụ Osolobuẹ a marịnghọ.

Ẹbụ-ọma 71:17

Chuku, ị hụ a kuzi m gha ẹhụ nwa-ndu m lala; m hụkwọ e ku oku ọrụn atụmẹnya ị.

Azaya 49:4

Kanị, mmẹ nwẹn hụ a sị, “A rụngụọ m ọrụn ọlaliwi; a rụngbugụọ m enwẹn m mmaka. Kanị, a marịnghọ m nị Osolobuẹ k'e ye m ihiẹn runi m, nị Chuku m k'a kụ m ụgwọ-ọrụn.”

Matiu 10:27

Ihiẹn m gwa ụnụ imẹ ishi, ku n'ẹ ifọnrin-ifọn; ihiẹn wẹ kagwa ụnụ, gi n'ẹ yi oro elu ụlọ.

Luku 12:8

“M rị a gwapụ ụnụ ezioku, onyẹ ọwụlẹ nọ idẹnya ịhịan kweri n'ọ wụ nke m, mmẹ wụ Nwa nke Ịhịan jẹnkọ d'a nọ idẹnya ndị mmọn-ozi Osolobuẹ kwerizikwọ nị onyẹ hụ wụ nke m.

Jọnụ 6:63

Mmọn-nsọ sụọ e ye ndụn, ịhịan mmaka asaẹka mẹ ihiẹn-anaị: oku ndịnị m rị a gwa ụnụ wụ oku imẹ-mmọn lẹ oku e ye ndụn.

Jọnụ 6:68

Saịmọnụ wụ Pita nọ za a, sị, “Di-nwọnni-ẹnyi, onyẹ kẹ ẹnyi burukọ? Ịyụ e ku oku ndị e ye ndụn itẹbitẹ.

Ọrụn Ndị-ozi 13:26

“Umunẹ m ndị ebọn Ebraham lẹ ndị a tụ egun Osolobuẹ imẹ ụnụ, e zihẹgụọnị wẹ ẹnyi oziọma nzụọpụhanị.

Ndị Kọrẹntị Ibuzọ 1:8

Onyẹ-nwọnni-ẹnyi Jizọs Kraịstị k'e mẹ ụnụ turu d'e ru njẹndemẹ, makẹ ụnụ gha e nwọn nkọrịanị Ụhụọhịn Onyẹ-nwọnni-ẹnyi Jizọs Kraịstị.

Ndị Kọrẹntị Ibuzọ 9:26

Ya wụ, m'a ra gba ọsọ kẹ onyẹ marịnlẹni ihiẹn ọ chụkọ; m'a ra dụ ịkpa kẹ onyẹ rị a dụ ufere.

Ndị Kọrẹntị Nke Ẹbụọ 1:14

kẹ ụnụ dọn nwan ghọta ẹnyi ẹkẹrẹ. Ẹghẹẹ, makẹni ụnụ a ghọtagụọ nị ụnụ k'a saẹka gi ẹnyi nyan isi Ụhụọhịn Di-nwọnni-ẹnyi wụ Jizọsị nọkẹ kẹ ẹnyi nwẹn a dọn gi ụnụ nyan isi Ụhụọhịn ahụn.

Ndị Galeshịa 2:2

M jẹn ebẹhụ makẹni Osolobuẹ ghọsị m ihiẹn; m nọ kọwanị wẹ oziọma m rị e zi imẹ igunrun ndị wụlẹni ndị Ju. Kanị nzuzue kẹ m nọ mẹ ẹ — ẹgbata mmẹ lẹ ndị wẹ weri nị wẹ wụ ndị-isi sụọ, amamgbe ọ wụrụ nị m rị a gba ọsọ ọlaliwi mọbụ nị hụn m gbapụ a lagụọ iwi.

Ndị Galeshịa 4:11

Egun ụnụ rị a tụ m, nị ikẹnkwọ ọrụn ile m rụn ebe ụnụ rị a lagụọ iwi!

Ndị Filipi 1:10

kẹni ụnụ hụn ụzọ sa ẹka a họrị ihiẹn ka mma sụọ, ụnụ a wụrụ ndị nwọnlẹni ntụpọ mọbụ nkọrịanị Ụhụọhịn Kraịstị k'e gi bịa,

Ndị Filipi 1:6

O weghọ m ẹnya nị Onyẹ ahụn bidọn ọrụn-ọmanị imẹ ụnụ k'a gha a rụn a d'e ru n'ọ rụnchanrịn a Ụhụọhịn Kraịstị wụ Jizọsị k'e gi bịa.

Ndị Tẹsalonika Ibuzọ 2:19

Ẹghẹẹ: ẹlẹ ụnụ wụ olilẹnya ẹnyi? Kị wụzị nwan ịghọghọ ẹnyi? Kị wẹ k'e gi tu ẹnyi ugọn? Onyẹ kẹ ẹnyi k'e gi nyan isi ihun Di-nwọnni-ẹnyi wụ Jesu ogẹn o k'e gi bịa? Ẹlẹ ụnụ?

Ndị Tẹsalonika Ibuzọ 3:5

Ufiri ẹ, makẹni ọ nịzịnị m din, m nọ zi ozi nị m marịn kẹ okukwe ụnụ nọ, amamgbe, ọ wụrụ nị onyẹ-ọnwụnwan a nwangụọ ụnụ, ihiẹn ẹnyi rụn a la iwi.

Hibru 4:12

Makẹni, Oku Osolobuẹ rị ndụn; ọ rụn ọrụn; ọ tụ nkọ, tụkarị ọpịa-agha ọnụnaị ọwụlẹ: o zubanchanrịn imẹ, d'e ru umẹ-ndụn lẹ mmọn, d'e rudẹ okẹn-ẹhụ lẹ ụmị ọkpụkpụ, o rudẹ obi ịhịan d'e lele iroro ẹ lẹ ihiẹn o bu obi.

Pita Ibuzọ 1:23

makẹni ụnụ a wụrụgụọ ndị wẹ mụdọnzi. Ẹlẹ mkpụrụ a nwụnnị kẹ wẹ gi mụdọnzi ụnụ, kanị oku-Osolobuẹ, oku ahụn rị ndụn, oku ahụn k'a rị jẹnrin ejẹn.

Jọnụ Ibuzọ 1:1

Ihiẹn ahụn rị gha mbidọn lala kẹ ẹnyi rị a gwa ụnụ oku ẹ, ihiẹn ẹnyi gi ntịn nụ, gi ẹnya ẹnyi hụn; ihiẹn ẹnyi lekpọgụ, mẹtụ ẹka. Ẹnyi rị e ku oku onyẹ ahụn wụ ndụn.

Rẹvẹleshọnụ 22:17

Mmọn-nsọ lẹ okpoho hụ ya lẹ Jesu jẹnkọ d'a gba ẹkụkwọ sị, “Bịa!” Onyẹ ọwụlẹ nụnị ya sịzị, “Bịa!” Onyẹ ọwụlẹ ẹgụn-mirin rị a gụn ya bịa! Onyẹ ọwụlẹ chọnị, ya weri mirin ahụn e ye ndụn, ya weri ẹ ọfẹ ra.