Ndị Filipi 2:15 - Ika

¹⁵ kẹni ụnụ wụrụ ndị nwọnlẹni nkọrịanị, ndị ẹka wẹ rị ọchan; ụmụ Osolobuẹ obibi wẹ nwọnlẹni ntụpọ hụn bi imẹ eje-agbọ zinrinlẹni, e nwun, e ke, imẹ ụwanị kẹ kokisẹ.

Ndị Filipi 2:15 ပူးပေါင်းရင်းမြစ်များ

Ẹbụ-ọma 122:5

Imẹ Jerusalẹm kẹ ukpo-eze ndị wẹ nọ a han eṅẹn rịsọnmẹ, ukpo-eze ikpụlọ Defidi.

Ọpụpụ 34:35

a hụn w'a nị ihun ẹ rị e gbuke; Mozizi e gizi ẹkwa hụ kpumẹ ihun d'e ru mgbe o jẹn d'e duzi Osolobuẹ ku.

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Itẹn 8:8

Oku-ọnụ m ile rịchanrịn mma ẹnya Osolobuẹ, onwọnni hụn wịrịnị mọbụ hụn rụnị.

Azaya 60:1

Lihi ọtọ n'i nwunmẹ, nị ukpẹ i a bịagụọ — ọghọ Osolobuẹ a pụhaọlẹ ebe ị rị.

Daniẹlụ 6:4

Ya kẹ ndị-nkịkwama ẹbụọ hụ họdụnị lẹ ndị-ọkịkị ile nọ chọma ihiẹn alị-eze hụn Daniẹlụ rụnlẹni ọhụnma, kanị ahụnnị wẹ ihiẹn wẹ e gi kpe ẹ, a hụnnị wẹ nkọrịanị. Ahụnnị wẹ eje-ihiẹn ọwụlẹ ẹka a, makẹni ọ wụ ịhịan esi, ahụnnị wẹ ebe ọ nọ la azụụn mọbụ rụn ọrụn a zizizi.

Matiu 10:16

“Lee n'ẹ, m zikọ ụnụ kẹ atụnrụn wẹ ziye imẹ igunrun ẹwọrọ. E gi ni uche e bi — rịkẹ agwọ, ka rị nị kẹ nduru hụn ghalẹni a rụ ịhịan ẹhụ.

Matiu 17:17

Jesu nọ sị, “Heuu, agbọ nwọnlẹni okukwe! Agbọ zinlẹni! Nanị mmẹ lẹ ụnụ k'a nọhan? Nanị m'e dihannị ụnụ?! Wẹhẹ ni ni m'ẹ.”

Matiu 5:45

kẹni ụnụ wụrụ ụmụ Nẹdi ụnụ rị elu-igwee nke-esi. Makẹni, o mẹ anwụn a e tikpu kẹ eje-ịhịan kẹ ezigbo ịhịan, e mẹ mirin e zueni kẹ ndị ezi-omumẹ kẹ ndị eje-omumẹ.

Matiu 5:48

Zu ni nwan oke kẹ Nẹdi ụnụ hụn rị elu-igwee dọn zu oke.

Luku 1:6

Wẹ ẹbụbụọ wụ ndị ezi-omumẹ ẹnya Osolobuẹ; w'e dọnmẹchanrịn iwu lẹ ọdịnalị Di-nwọnni-ẹnyi, onwọnni hụn w'e gi kọrịanị wẹ —

Luku 6:35

Mba! Enwọn ni ihiẹn-ọsụsụọ ndị iṅẹnrẹn ụnụ, e mẹni ni wẹ ọhụnma. E zinye ni ịhịan, atụlẹ ni ẹnya ihiẹn ọwụlẹ, ụgwọ-ọrụn ụnụ jẹnkọ d'e hi-ogbe, ụnụ a wụrụ ezigbo ụmụ Onyẹ Hụ Kachanrịnnị. Makẹni, o mẹ ni ndị ọhụnma-ogodan lẹ ndị-njọ ẹfọma.

Jọnụ 5:35

Jọnụ te rị a dụn, e nwun kẹ ukpẹ; ụnụ a ghọghọghọ nị ukpẹ ẹ ẹkẹrẹ ogẹn.

Ọrụn Ndị-ozi 2:40

Pita a gwazịghọ wẹ ihiẹn bu ọda, gi ẹ dọ wẹ ẹka-ntịn, a sị wẹ, “Zụọpụha nị enwẹn ụnụ imẹ agbọnị zinlẹni!”

Ọrụn Ndị-ozi 20:30

Ụfọdụ imẹ ụnụ jẹnkọ d'a fịma ezioku kẹni wẹ dọrị ndị nsọnmazụụn Jizọsị.

Ndị Rom 16:19

Ịhịan ile a nụgụọ kẹ ụnụ dọn rị e humẹ isi, ọ hụ a sụọ m; kanị m chọ nị ụnụ e gi uche e mẹ ihiẹn rị mma, e dọnmẹ ẹka ụnụ ọchan ebe eje-ihiẹn rị.

Ndị Kọrẹntị Ibuzọ 1:8

Onyẹ-nwọnni-ẹnyi Jizọs Kraịstị k'e mẹ ụnụ turu d'e ru njẹndemẹ, makẹ ụnụ gha e nwọn nkọrịanị Ụhụọhịn Onyẹ-nwọnni-ẹnyi Jizọs Kraịstị.

Ndị Kọrẹntị Nke Ẹbụọ 6:17

Di-nwọnni-ẹnyi sị, “Gha nị nwan imẹ igunrun wẹ pụha, ụnụ a rị ichẹn; emẹtụkwọlẹ ni ihiẹn rụnị ẹka: ogẹn ahụn kẹ m'e gi nabanhan ụnụ;

Ndị Ẹfẹsọsụ 5:27

kẹni o wepụha ụka ọghọ jun ẹhụ ihun ẹ, ẹlẹ ụka nwọn ntụpọ mọbụ se alịlị mọbụ ihiẹn ọwụlẹ nọ ẹrịra, kama n'ọ hụn ụzọ wụrụ ụka rị nsọ, nwọnlẹni ihiẹn wẹ gi kọrịan'a.

Ditrọnọmi 32:5

Kanị, ndị nke ẹ e mẹgụọ a arụ, ifẹnrẹn ya mẹgbu wẹ makẹni ẹlẹ wẹ ezigbo ụmụ a; agbọ rụnị, zinlẹni kẹ wẹ wụ.

Ndị Filipi 1:10

kẹni ụnụ hụn ụzọ sa ẹka a họrị ihiẹn ka mma sụọ, ụnụ a wụrụ ndị nwọnlẹni ntụpọ mọbụ nkọrịanị Ụhụọhịn Kraịstị k'e gi bịa,

Ndị Filipi 3:6

o mẹ nke adụdụ, m kpokpo ụka Kraịstị; o mẹ nke ezi-omumẹ Iwu Mozizi, enwọn m nkọrịanị.

Ndị Tẹsalonika Ibuzọ 5:23

Osolobuẹ lẹ enwẹn ẹ, onyẹ hụn udọn gha ẹka a bịa, ya dodo dọn ụnụ nsọ ụzọ ile: ya anịlẹ ụnụ nwọn nkọrịanị ọwụlẹ imẹ mmọn ụnụ mọbụ umẹ-ndụn ụnụ mọbụ ẹhụ ụnụ ogẹn Di-nwọnni-ẹnyi wụ Jesu Kristi k'e gi bịa.

Timoti Ibuzọ 3:10

Wẹ k'e lelegụrịrị wẹ. Omẹni enwọn wẹ nkọrịanị, wẹ rụnmanị ụka ọrụn.

Timoti Ibuzọ 3:2

Ya wụ, onyẹ-isi ụka k'a wụrịrị onyẹ nwọnlẹni nkọrịanị. O k'a wụrịrị onyẹ nwọn nwunyẹ ohu sụọ; onyẹ e kwọndọn enwẹn ẹ; onyẹ nwọn uche; onyẹ furu w'a gbaye, onyẹ ma nabanhan ọbịa; onyẹ ma kuzi nkuzi.

Timoti Ibuzọ 5:14

Ufiri ẹ, m sị ikpoho di wẹ nwụn kelẹni ka ẹgẹdi wẹ lụrụ di, wẹ mụ ụmụ, wẹ e lepụ ikpụlọ wẹ ẹnya, amamgbe eṅẹnrẹn a hụn ihiẹn o k'e ku.

Timoti Ibuzọ 5:20

Nke ndị hụn tọ njọ e mẹ, jụgbọ wẹ idẹnya ịhịan ile, kẹni egun hụn ụzọ tụma ndị họdụnị.

Timoti Ibuzọ 5:7

Hụn a nị y'e yezi wẹ iwu ndịnị amamgbe w'a hụn ihiẹn w'e gi kọrịanị wẹ.

Taịtọsụ 1:6

Onyẹ-isi ụka k'a wụrịrị onyẹ nwọnlẹni nkọrịanị, onyẹ nwọn nwunyẹ ohu sụọ; onyẹ hụn ụmụ a wụzị ndị kwerini lẹ ndị wẹ gilẹni eje-obibi mọbụ ịgba isi-akwanran marịn.

Taịtọsụ 2:10

w'e zunlẹ wẹ ohin, kama, wẹ ghọsịchanrịn nị wẹ furu wẹ gi e dọn ẹnya ogẹn ile, kẹni wẹ gi obibi wẹ e mẹ nkuzi Osolobuẹ Onyẹ-nzụọpụha ẹnyi a wụrụ ihiẹn a la ẹnya.

Taịtọsụ 2:15

Ya wụ, a kuzi wẹ nwan ihiẹn ndịnị, a gba wẹ umẹ, a jụgbọ wẹ. E mẹ ẹ kẹ onyẹ oku rịchanrịn ẹka. Anịkwọlẹ onyẹ ọwụlẹ legberi i.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Nke Ẹbụọ 3:14

Ezi umunẹ m, ebe o mẹni ụnụ rị a tụ ẹnya ihiẹn ndịnị, lịlịma nị nwan nị ụnụ wụrụ ndị nwọnlẹni nkọrịanị mọbụ ebe wẹ nọ rụ ẹnya a, ndị ẹgbata ya lẹ wẹ rị mma.

Rẹvẹleshọnụ 2:5

Nyanhan nị nwan ebe ụnụ gha dan, ụnụ e bihutọ ẹka, mẹmẹzi kẹ ụnụ e mẹ mbụ. Ụnụ jụ, a bịa m d'e wepụ obu-ukpẹ ụnụ ọnọdị a, mmanị ụnụ bihutọ ẹka.

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.