Ndị Filipi 1:6 - Ika

⁶ O weghọ m ẹnya nị Onyẹ ahụn bidọn ọrụn-ọmanị imẹ ụnụ k'a gha a rụn a d'e ru n'ọ rụnchanrịn a Ụhụọhịn Kraịstị wụ Jizọsị k'e gi bịa.

Ndị Filipi 1:6 ပူးပေါင်းရင်းမြစ်များ

Ẹbụ-ọma 138:8

Osolobuẹ k'a rụnzuchanrịnnị m ihiẹn o bu obi. Euu Osolobuẹ, ihiẹn-ọsụsụọ ị rị jẹnrin-ejẹn. Dodo, alatọkwọlẹ ndị i ke.

Jọnụ 6:29

Jesu nọ sị wẹ, “Ọnwan wụ ọrụn Osolobuẹ: ikwerini onyẹ hụn o zihẹ.”

Ọrụn Ndị-ozi 11:18

A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”

Ọrụn Ndị-ozi 16:14

Okpoho ohu w'a kpọ Lidia hụ e gọn ntịn; onyẹ obodo Tịatira rọ; o re ẹkwa a ṅanrannị; o sọn ndị Ju e fe Osolobuẹ. Di-nwọnni-ẹnyi shịapụ a obi, ọ nọ gi ihiẹn Pọlụ rị e ku dọn.

Ndị Kọrẹntị Ibuzọ 1:8

Onyẹ-nwọnni-ẹnyi Jizọs Kraịstị k'e mẹ ụnụ turu d'e ru njẹndemẹ, makẹ ụnụ gha e nwọn nkọrịanị Ụhụọhịn Onyẹ-nwọnni-ẹnyi Jizọs Kraịstị.

Ndị Kọrẹntị Nke Ẹbụọ 1:15

Ọhụn we m ẹnya haịn m te gi sị m k'a bịagụzị d'a hụn ụnụ, kẹni ọ wụrụnị ụnụ ngọzi nke mgbe ẹbụọ.

Ndị Kọrẹntị Nke Ẹbụọ 2:3

Ihiẹn m gi deni ụnụ ẹhụhụọ-ozi hụ m de wụ amamgbe m'a bịa, ụnụ nwẹn, hụn nkẹ e mẹ m ghọghọ, e mẹ m ihiẹn k'a fụnị m. Makẹni, a marịnghọ m ụnụ ile ọhụnma-ọhụnma, nị, m ghọghọma, ụnụ ile a ghọghọma.

Ndị Kọrẹntị Nke Ẹbụọ 7:16

M rị nwan a ghọghọ, makẹni obi ru m alị banyeni ụnụ.

Ndị Kọrẹntị Nke Ẹbụọ 9:4

amamgbe ndị Masẹdonia sọnhẹn m a hụn a nị ụnụ eke kwademẹ, ogẹn ahụn ifẹnrẹn e mẹgbu ẹnyi imẹ ihiẹnni, ọrịwụzị ụnụ lẹ enwẹn ụnụ!

Ndị Galeshịa 5:10

Kanị obi ru m alị imẹ Di-nwọnni-ẹnyi nị ụnụ erokọ ihiẹn ichẹn, sọnmẹ nkuzi ọzọ. Onyẹ hụ rị e nuhunmẹni ụnụ — onyẹ ọwụlẹ ọ wụ — k'a narịnrịrị afụnfụn rịn'a.

Ndị Ẹfẹsọsụ 4:12

O yesọnmẹ oyiye ndịnị n'o gi wẹ a zụn ndị nke Osolobuẹ ile ọzụnzụn ọrụn Kraịstị chọ lẹni o gi wẹ e mẹ ẹhụ Kraịstị wụ ụka e sue, a tụn a kẹ ụlọ.

Ndị Filipi 1:10

kẹni ụnụ hụn ụzọ sa ẹka a họrị ihiẹn ka mma sụọ, ụnụ a wụrụ ndị nwọnlẹni ntụpọ mọbụ nkọrịanị Ụhụọhịn Kraịstị k'e gi bịa,

Ndị Filipi 1:29

Makẹni Osolobuẹ e yeọlẹ ụnụ oghere, ẹlẹ hụn ụnụ e gi kweri ni Kraịstị sụọ kanị hụn ụnụ e gizi tan'a afụnfụn,

Ndị Filipi 2:12

Ufiri ẹ, ndị nke m, kẹ ụnụ dọn e humẹni m isi ogẹn mmẹ lẹ ụnụ gi rị ụzọ ohu, e mẹkẹnmẹzidẹ ẹ hụnnị m rịlẹn'a, mẹsọnmẹ ni nwan ẹrịra: e gi ni egun lẹ ẹhụ-ọmụma-nni e bi, e mẹ ihiẹn ile Osolobuẹ e gi zụọpụha ụnụ.

Ndị Filipi 2:13

Makẹni Osolobuẹ ya rị ọrụn imẹ ụnụ ogẹn ile, e mẹ ụnụ a sa ẹka a họrị uche ẹ, e mẹzikwọ uche ẹ.

Ndị Filipi 2:16

E kwọnkẹnmẹ ni oku hụn e ye ndụn, kẹni m hụn ihiẹn m'e gi nyan isi Ụhụọhịn Kraịstị k'a bịa, nị ọsọ m gba lẹ ọrụn m rụn alanị iwi.

Ndị Kolosị 2:12

E mẹgụọ wẹ ụnụ mirin-Chuku gi ligbama ụnụ lẹ Kraịstị, wepụha ụnụ imẹ mirin gi weligbama ụnụ lẹ ya, makẹni ụnụ gi ikẹn Osolobuẹ dọn ẹnya, Osolobuẹ hụn gha ọnwụn weli Kraịstị.

Ndị Tẹsalonika Ibuzọ 1:3

Ẹnyi hụ a nyanhan ụnụ ihun Osolobuẹ ẹnyi wụ Nẹdi ẹnyi: ihiẹn ile ụnụ rị e gi okukwe ụnụ a rụn, kẹ ụnụ dọn rị a lịlịma makẹni ụnụ nwọn ihiẹn-ọsụsụọ lẹzi kẹ ụnụ dọn rị e gi olilẹnya ụnụ nwọn imẹ Di-nwọnni-ẹnyi wụ Jesu Kristi e dingbu ihiẹn ile.

Ndị Tẹsalonika Nke Ẹbụọ 1:11

Ya haịn ẹnyi gi e mẹni ụnụ ekpere ogẹn ile, a rịọ Osolobuẹ ẹnyi n'o mẹ ụnụ a ghọsị nị oku ọ kpọ ụnụ alanị iwi; n'o gi ikẹn ẹ mẹ ihiẹn-ọma ile ụnụ chọ lẹ ọrụn ọwụlẹ ụnụ gi okukwe a rụn;

Ndị Tẹsalonika Nke Ẹbụọ 3:4

Obi ru ẹnyi alị makẹ Di-nwọnni-ẹnyi nị ụnụ hụ e mẹ ihiẹn ẹnyi sị ụnụ mẹ, nị ụnụ k'e mẹsọnmẹzi wẹ.

Filemọnụ 1:21

M rị e deni i ihiẹnni makẹni a marịnghọ m n'i k'e humẹ isi; a marịnghọ m n'i k'e mẹkarịdẹ ihiẹn m gwa ị.

Hibru 10:35

Ya wụ, etuhulẹ ni nwan okweri hụ ụnụ kwerikẹnmẹni Di-nwọnni-ẹnyi, makẹni ụgwọ-ọrụn rịn'a e hikẹkwọ ogbe.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Pita Nke Ẹbụọ 3:10

Kanị Ụhụọhịn Di-nwọnni-ẹnyi lala idẹnmizi nọkẹ ohin. O ru, igwere sikọ d'e gi okẹn ụzụn fopụ, ọkụn a rịnranpụ ihiẹn ile; ụwa lẹ ihiẹn ile ịhịan nọ imẹ ẹ mẹ a pụha ifọn.