3 M'e ye Osolobuẹ m ekele ogẹn ile m gi a nyanhan ụnụ;
Kanị, ekele ya rịnị Osolobuẹ, nị, ọsụọn'a nị ụnụ te wụ igbọn njọ, ụnụ e gigụọ obi ụnụ ile humẹ isi, mẹ ihiẹn wẹ kuzi ụnụ kẹ wẹ dọn kuzi ẹ;
M'e gi ufiri ụnụ a kpanmịn Osolobuẹ ogẹn ile yeni ọhụnma o mẹni ụnụ imẹ Kraịstị wụ Jizọsị,
Euu, nị ẹnyi sa nwan ẹka kpanmịngụ Osolobuẹ yeni ụnụ lẹ ịghọghọnị ile ẹnyi rị e nwọn ihun Osolobuẹ, o gi mẹ ụnụ wuzo ẹnịna imẹ Kraịstị?!
Umunẹ, o furu nị ẹnyi gi ufiri ụnụ a kpanmịn Osolobuẹ ogẹn ile, makẹni okukwe ụnụ rị e sue ọda-ọda, onyẹ-onyẹ hụzị e nwọnwaye ihiẹn-ọsụsụọ ibe ẹ.
M hụ a kpanmịn Osolobuẹ m gha a nyanhan ị ogẹn ile m gi e mẹ ekpere uhinhin lẹ efinnaị, Osolobuẹ hụn hụn m rị e dọnmẹ obi m ọchan e fe kẹ ndị nẹdi m dọn mẹ.
