Ndị Filipi 1:27 - Ika

²⁷ Ka bisọnmẹni obibi furu oziọma Kraịstị, n'o mẹni kẹ m bịa d'a hụn ụnụ kẹ abịanị m, nị ntịn kẹ m gihụ nụ ukwere ụnụ, e gi m'ẹ dọn nị ụnụ gi mmọn ohu wuzo, gi obi ohu a lụ ọgụn ụnụ gi a kwadọn ihiẹn ile oziọma sị ẹnyi kweri;

Ndị Filipi 1:27 ပူးပေါင်းရင်းမြစ်များ

Ihiẹn Mẹni Nke Ibuzọ 19:12

Jụabụ sị, “Omẹni ndị Aram a karịma m ẹka, y'a bịa d'a zụọpụha m; kanị, omẹni ndị Amọnụ a karịma ị ẹka, a bịa m d'a zụọpụha ị.

Ẹbụ-ọma 122:3

Jerusalẹm, hụn wẹ tụn kẹ w'a tụn obodo: dọnyechanrịn ihiẹn ile rịn'a ọhụnma.

Ẹbụ-ọma 133:1

Lee k'ọ rịhan mma lẹ k'ọ sụọhan ụsụọ nị umunẹ rị e mẹgbama!

Itẹn 22:23

Osolobuẹ k'e kinni wẹ ọnụ wẹ, narịngwarị ndị narịn wẹ ihiẹn.

Jerimaya 32:39

M k'e mẹ wẹ e ro ihiẹn ohu sụọ, e mẹ ihiẹn ohu sụọ — hụn wụ ịtụ egun m ogẹn ile kẹni ọ rịnị wẹ mma, rịnị ụmụ wẹ lalanị mma.

Matiu 12:25

Jizọsị a marịngụọ obi wẹ, ọ nọ sị, “Alị-eze ọwụlẹ kebeni k'a dan; obodo mọbụ ikpụlọ ọwụlẹ kebeni atọkọ.

Ọrụn Ndị-ozi 2:46

Wẹ hụ e gi obi ohu e zu imẹ Ụlọ-nsọ ụhụọhịn-ụhụọhịn; e ri Oriri-nsọ ụlọ-ụlọ; e gi ịghọghọ lẹ ịshịapụ-ẹfọ e rigbama ihiẹn-oriri iwe wẹ,

Ọrụn Ndị-ozi 24:24

O mẹpụ akpọhịn ole, Fẹlisi lẹ nwunyẹ ẹ wụ Drusila nọ bịa. Drusila wụ onyẹ Ju. Fẹlisi nọ zi wẹ kpọ Pọlụ. Wẹ nọ gọnmẹ ẹ ntịn, ọ hụ a gwa wẹ oku ikweri ni Jesu Kristi.

Ọrụn Ndị-ozi 4:32

Ndị ile kwerini hụ e gi obi ohu e bi, e ro ihiẹn ohu; onwọnni onyẹ kpọ ihiẹn o nwọn nke ẹ, kama, wẹ weri ẹ nị wẹ ile gba nwọn ihiẹn ile.

Ndị Rom 1:16

Ifẹnrẹn oziọma arị e mẹ m, makẹni ya wụ ikẹn Osolobuẹ gi a zụọpụha onyẹ ọwụlẹ kwerini, ndị Ju wụ ibuzọ, o sọn ndị wụlẹni ndị Ju.

Ndị Rom 1:5

Osolobuẹ a ghalẹ nwan ẹka Jesu Kristini mẹni ẹnyi ẹfọma, gha ẹka a ye ẹnyi ọrụn ndị-ozi pụ-ichẹnni ẹnyi rị a rụn, kẹni ẹnyi hụn ụzọ wẹhẹ ndị alị ọzọ ile d'e kwerin'ẹ, humẹn'ẹ isi kẹ ndị kwerinin'ẹ, kẹni o gi ẹ ye ẹfan a ọghọ;

Ndị Rom 1:9

Osolobuẹ m gi obi m ile e fe ghahanị izisọnmẹ oziọma Nwa a wụ ọshẹri m nị m'a nyanhan ụnụ ogẹn ile m gha e mẹ ekpere.

Ndị Rom 10:8

K'ọ sị ịhịan mẹ? Ọ sị, “Oku Osolobuẹ rị ụnụ nsue — ọ rịdẹ ụnụ ụgb'ọnụ, rị ụnụ obi.” Elee oku rọ? Oku okukweni ẹnyi rị e kusọnmẹ:

Ndị Rom 15:16

hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Rom 15:29

M lalanị, a marịnghọ m nị m k'e buhẹ ngọzi Kraịstị mmagi-mmagi.

Ndị Kọrẹntị Ibuzọ 1:10

Umunẹ, m gi ẹfan Di-nwọnni-ẹnyi wụ Jesu Kristi a rịọ ụnụ nị ụnụ ile e kuye ọnụ ohu ẹlẹ hụn nkebe e gi a rị imẹ igunrun ụnụ; e nwọnchanrịn nị obi ohu, a chụ nị ihiẹn ohu.

Ndị Kọrẹntị Ibuzọ 15:58

Ezi umunẹ m, turu ni nwan; emẹhunmẹlẹ ni; a rụn nị ọrụn Di-nwọnni-ẹnyi a rụnwaye, ebe ụnụ marịn nị ọrụn ụnụ rụn imẹ Di-nwọnni-ẹnyi alakọ iwi.

Ndị Kọrẹntị Nke Ẹbụọ 13:11

Nke ikpanzụụn, umunẹ m, ghọghọma nị; bihutọ nị ẹka; a gba nị ibe ụnụ umẹ; e nwọn ni obi ohu; e gi ni udọn e bi. Ụnụ mẹ ẹnịna, Osolobuẹ udọn lẹ ihiẹn-ọsụsụọ gha ẹka a a bịa k'a nọyeni ụnụ.

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kọrẹntị Nke Ẹbụọ 9:13

Okukwe ụnụ gi ẹ ghọsị jẹnkọ d'e ye Osolobuẹ ọghọ, makẹni ọ ghọsị ndị bu ọda k'e rin'ẹ nị ụnụ e humẹni oziọma Kraịstị ụnụ kweri isi ebe ụnụ nọ ye wẹ lẹ ndị ọzọ ọda.

Ndị Galeshịa 1:7

ẹlẹni oziọma ọzọ rị a rị nke-esi, kanị o nwọnghọ ndị rị e ye ụnụ nsọngbu, e mẹ obi eruzilẹ ụnụ alị, a chọ nị wẹ gbehutọ oziọma Kraịstị.

Ndị Ẹfẹsọsụ 1:13

Ụnụ nwẹn e họnrinzighọ ndị nke Kraịstị kẹ ụnụ nụ oku hụ wụ ezioku, kweri — oziọma ahụn ụnụ gi nwọnrin nzụọpụha. Ụnụ e kwerigụnị Jesu, Osolobuẹ nọ bu Mmọn-nsọ o kwe nkwa a che imẹ ndụn ụnụ, gi ẹ yi ụnụ ahịma a,

Ndị Ẹfẹsọsụ 1:15

Ịya haịn o gi mẹni, kete m nụlẹ oku okweri ụnụ kwerini Di-nwọnni-ẹnyi wụ Jesu lẹ ihiẹn-ọsụsụọ ụnụ nwọnni ndị nke Osolobuẹ ile,

Ndị Ẹfẹsọsụ 4:1

Mmẹ hụn wụ onyẹ-ngan makẹni m rị e jẹnni Di-nwọnni-ẹnyi ozi rị nwan a rịọ ụnụ nị ụnụ bi obibi furu ọkpụkpọ Osolobuẹ kpọ ụnụ.

Ndị Filipi 1:5

makẹni ụnụ hụ e yeni m ẹka imẹ ọrụn oziọma ghakwọrị ụhụọhịn ibuzọ hụ ụnụ nụ oziọma d'e rukwọ nwan ogẹnni.

Ndị Filipi 2:12

Ufiri ẹ, ndị nke m, kẹ ụnụ dọn e humẹni m isi ogẹn mmẹ lẹ ụnụ gi rị ụzọ ohu, e mẹkẹnmẹzidẹ ẹ hụnnị m rịlẹn'a, mẹsọnmẹ ni nwan ẹrịra: e gi ni egun lẹ ẹhụ-ọmụma-nni e bi, e mẹ ihiẹn ile Osolobuẹ e gi zụọpụha ụnụ.

Ndị Filipi 2:24

Obi e ruzịghọ m alị imẹ Di-nwọnni-ẹnyi nị mmẹ nwẹn lalazị ẹgwa.

Ndị Filipi 3:18

Makẹni, ndị bu ọda e bi nọkẹ sị wẹ wụ ndị-iṅẹnrẹn obe Kraịstị. A gwaọlẹ m ụnụ ya mgbe ole-lẹ-ole mbụ; m gi nwan ẹnya-mirin a gwazị ụnụ ya.

Ndị Filipi 3:20

Kanị o mẹ nke ẹnyi, ẹnyi wụ ụmụ di-alị elu-igwee; ẹnyi rị nwan a tụ ẹnya Onyẹ-nzụọpụha, Di-nwọnni-ẹnyi wụ Jesu Kristi hụn gha ebẹhụ lala.

Ndị Filipi 4:1

Ezi umunẹ m, hụn rị a danị m, ịghọghọ m lẹ ugọn m! Ndị nke m, turukẹnmẹni nwan ẹrịra imẹ Di-nwọnni-ẹnyi!

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Kolosị 1:4

Makẹni, ẹnyi a nụgụọ kẹ ụnụ dọn rị e gi Kraịstị wụ Jizọsị e dọn ẹnya lẹ kẹ ụnụ dọn ri e nwọn ihiẹn-ọsụsụọ ndị nke Osolobuẹ ile,

Ndị Tẹsalonika Ibuzọ 3:6

Hụnnị Timoti ghagụ nwan azụụn nke ụnụ lụaha, wẹhẹni ẹnyi ozi rị mma, nị okukwe ụnụ lẹ ihiẹn-ọsụsụọ ụnụ hụ mma; nị ụnụ hụ a nyanhan ẹnyi ọhụnma-ọhụnma ogẹn ile lẹ ni ẹnyi hụ a da ụnụ kẹ ụnụ dọn rị a da ẹnyi;

Ndị Tẹsalonika Ibuzọ 4:1

Umunẹ ẹnyi, igi mẹkin, ẹnyi gi ẹfan Di-nwọnni-ẹnyi wụ Jizọsị a rịọ ụnụ: bisọnmẹ ni obibi hụ ụnụ mụnarịn ẹnyi nị ya a sụọ Osolobuẹ ụsụọ, obibi ahụn ụnụ rị nwan e bi; bikẹnmẹ ni ẹrịra.

Timoti Ibuzọ 1:11

Ezigbo nkuzini rị imẹ oziọma hụn Osolobuẹ, Onyẹ hụ furu w'a ja mma, buche m ẹka.

Timoti Ibuzọ 1:19

e kwọnkẹnmẹ okukwe lẹ idọnmẹ obi ọchan. O nwọngụọ ndị latọ idọnmẹ obi wẹ ọchan, gi ẹ sụkpọpụ okukwe wẹ.

Timoti Nke Ẹbụọ 4:7

A lụgụọ m ezigbo ọgụn ahụn! A gbagụọ m ọsọ ahụn! E sọngụọ m ụzọ okukwe Kraịstị!

Taịtọsụ 2:10

w'e zunlẹ wẹ ohin, kama, wẹ ghọsịchanrịn nị wẹ furu wẹ gi e dọn ẹnya ogẹn ile, kẹni wẹ gi obibi wẹ e mẹ nkuzi Osolobuẹ Onyẹ-nzụọpụha ẹnyi a wụrụ ihiẹn a la ẹnya.

Filemọnụ 1:5

Makẹni, m hụ a nụ k'i dọn rị e nwọn ihiẹn-ọsụsụọ ndị nsọ ile lẹ k'i dọn kwerikẹnmẹni Di-nwọnni-ẹnyi Jizọsị.

Jemisi 3:18

Ndị-udọn ma gi udọn kụn mkpụrụ, ọ mịpụha ezi-omumẹ.

Pita Nke Ẹbụọ 3:11

Ebe o mẹ ni wẹ k'e tikpọpụ ihiẹn ndịnị ile ẹnịna, o furu nị ụnụ e bi obibi rị nsọ, e gi egun Osolobuẹ e bi,

Pita Nke Ẹbụọ 3:14

Ezi umunẹ m, ebe o mẹni ụnụ rị a tụ ẹnya ihiẹn ndịnị, lịlịma nị nwan nị ụnụ wụrụ ndị nwọnlẹni nkọrịanị mọbụ ebe wẹ nọ rụ ẹnya a, ndị ẹgbata ya lẹ wẹ rị mma.

Judu 1:3

Ezi umunẹ m, o te dụka m nị m deni ụnụ oku nzụọpụha hụn ẹnyi ile nwọn, kanị a hụn m'a n'ọ rịka mkpa nị m deni ụnụ hụnnị gi sị ụnụ shikẹnmẹ ọnwụn chedọn Ụzọ-okukwe ahụn Osolobuẹ bugụ che ẹka ndị nsọ, ndị nke ẹ.