Ndị Filipi 1:23 - Ika

²³ M ri e roshi azụụnnị, e roshi azụụnnị: k'ọ rị m, a la m ụwanị tọ d'e du Kraịstị nọdị, makẹni ọhụn ka mma.

Ndị Filipi 1:23 ပူးပေါင်းရင်းမြစ်များ

Samuẹlụ Nke Ẹbụọ 24:14

Defidi nọ sị Gadị, “Ezigbo nsọngbu kẹ m rị imẹ ẹ. Nị ẹnyi danban nwan ẹka Osolobuẹ, makẹni omikẹn ẹ e hikẹ ogbe; ka anịlẹ m danban ẹka ịhịan.”

Ẹbụ-ọma 17:15

Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m.

Ẹbụ-ọma 49:15

Kanị Osolobuẹ k'a gbarị m ẹka ọnwụn; n'o werighọ m. Sẹla

Luku 12:50

Kanị wẹ jẹnkọ d'e gi afụnfụn mẹgụ m mirin-Chuku; ẹhụ efukọ m d'e ru ni e mẹgụ m ya wụ mirin-Chuku.

Luku 23:43

Jesu nọ sị a, “M rị a gwa ị ezioku, mmẹ lẹ yụ sikọ d'a rị Alị Ezumikẹn wụ Paradaịsị tannị.”

Luku 8:38

Okẹnnyẹ hụ eje-mmọn gha imẹ ẹ pụ nọ rịọ Jizọsị ọda-ọda n'ọ nị a sọnmẹ ẹ, kanị Jizọsị nọ zi ẹ la, sị a,

Jọnụ 12:26

Onyẹ chọ n'ọ gbanị m odibo ya sọnmẹ m, nị ebe m rị kẹ odibo m k'a rị; Nẹdi m jẹnkọ d'e ye onyẹ k'a gbanị m odibo ọghọ.

Jọnụ 13:1

Nị Mmẹmmẹ-nghafe d'e ru, Jesu a marịngụọ n'o rugụọ ogẹn o gi hapụ ụwanị laburu Nẹdi ẹ. Ebe o nwọn ihiẹn-ọsụsụọ ndị nke ẹ rị imẹ ụwa, ọ nọ nwan ghọsịchanrịn wẹ ya d'e ru isi ẹ.

Jọnụ 14:3

M jẹngụ d'a kwademẹni ụnụ ebe ụnụ jẹnkọ d'e bi, e kinhẹn m d'e weri ụnụ, kẹni ụnụ nwẹn rị ebe m rị.

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Ọrụn Ndị-ozi 7:59

Ogẹn wẹ gi rị a ma Stivini ọmụma, ọ nọ mẹ ekpere, sị, “Di-nwọnni-ẹnyi wụ Jesu, dodo nabanhan mmọn m!”

Ndị Kọrẹntị Nke Ẹbụọ 5:8

Ẹghẹẹ, obi e ru ẹnyi alị, nke wụ nị ọ kadẹ ẹnyi mma nị ẹnyi gha imẹ ẹhụnị pụ, laburu Di-nwọnni-ẹnyi d'a nọdị ụlọ ẹnyi rị ebe ọ rị.

Ndị Kọrẹntị Nke Ẹbụọ 6:12

Ẹnyi arị e zuemẹni ụnụ ẹfọ, kanị ụnụ e zuemẹ nke ụnụ.

Ndị Filipi 1:24

Kanị, m rị ndụn, ịya k'a ka ụnụ ẹka e yeni.

Ndị Tẹsalonika Ibuzọ 2:1

Umunẹ, ụnụ lẹ enwẹn ụnụ a marịngụọ nị ijẹn ẹnyi bịa ebe ụnụ rị alanị iwi.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Ndị Tẹsalonika Ibuzọ 4:17

ogẹn hụ a jụrụ wẹ ẹnyi ndị họdụnị rịkwọ ndụn cheni wẹ, ẹnyi ile e shi imẹ orukpu d'e kunrun Di-nwọnni-ẹnyi imẹ elu, ẹrịra kẹ ẹnyi a dọn buru Di-nwọnni-ẹnyi d'e sọn ẹ nọdị jẹnrin ejẹn.

Timoti Nke Ẹbụọ 4:6

Mmẹ nwẹn, wẹ rị nwan e hupụ m kẹ manya wẹ gi a chụn ẹjan; ogẹn m'e gi lama e rugụọ.

Rẹvẹleshọnụ 14:13

M nọ nụ olu gha elu-igwee sị, “De ihiẹnni: gha ogẹnni jẹnmẹ, ngọzi jẹnkọ d'a rịnị ndị nwụntọ imẹ Di-nwọnni-ẹnyi!” “E nwọngụọ wẹ ngọzi nke-esi! Wẹ k'e zu ikẹn ọrụn wẹ, ri ihiẹn wẹ rụn!” Ịya kẹ Mmọn-nsọ ku.