Ndị Filipi 1:21 - Ika

²¹ Makẹni, o mẹ nke m, m rị ndụn, m rịnị Kraịstị; m nwụnhụn, erere rọ.

Ndị Filipi 1:21 ပူးပေါင်းရင်းမြစ်များ

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Ibuzọ 3:22

kẹ Pọlụ-o, kẹ Apolọsụ, kẹ Kẹfasị wụ Pita-o, kẹ ụwa ile-o; kẹ ndụn-o, kẹ ọnwụn-o; kẹ ihiẹn rị ogẹnni-o, kẹ ihiẹn rị ihun-o, wẹ ile wụ nke ụnụ;

Ndị Kọrẹntị Nke Ẹbụọ 5:1

Makẹni ẹnyi a marịnghọ nị wẹ tikpọ ẹhụ ẹnyini, ọdụnị ẹnyi bi imẹ ẹ imẹ ụwanị, ẹnyi e nwọnghọ ụlọ Osolobuẹ tụn, ụlọ wẹ gilẹni ẹka tụn hụn rị imẹ elu-igwee, ụlọ hụn k'a rị jẹnrin ejẹn.

Ndị Kọrẹntị Nke Ẹbụọ 5:6

Obi e ru nwan ẹnyi alị ogẹn ile, ọsụọn'a nị ẹnyi a marịnghọ nị hụnnị ẹnyi rịkwọ ụlọnị wụ ẹhụ ẹnyi, ẹnyi arị ebe Di-nwọnni-ẹnyi rị,

Ndị Kọrẹntị Nke Ẹbụọ 5:8

Ẹghẹẹ, obi e ru ẹnyi alị, nke wụ nị ọ kadẹ ẹnyi mma nị ẹnyi gha imẹ ẹhụnị pụ, laburu Di-nwọnni-ẹnyi d'a nọdị ụlọ ẹnyi rị ebe ọ rị.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Galeshịa 6:14

O bugharị m! Egikọ m ihiẹn ọwụlẹ nyan isi wezụka obe Di-nwọnni-ẹnyi wụ Jesu Kristi. E gigụọ wẹ obe hụ kpọgbu ụwanị, ọ nọ wụrụ ihiẹn nwụnhụnnị ebe m rị, gizikwọ obe hụ kpọgbu m, m nọ wụrụ ihiẹn nwụnhụnnị ebe ụwa rị.

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Ndị Filipi 1:22

Kanị, m rị ndụn, e gi m'ẹ rụnpụhanị Kraịstị ihiẹn: amarịnzị m nwan hụn m k'a hanrịn!

Ndị Filipi 1:23

M ri e roshi azụụnnị, e roshi azụụnnị: k'ọ rị m, a la m ụwanị tọ d'e du Kraịstị nọdị, makẹni ọhụn ka mma.

Ndị Filipi 2:21

Ndị ile họdụnị e ro nke-wẹ, nke-wẹ, ẹlẹ nke Jesu Kristi!

Ndị Kolosị 3:4

Ogẹn Kraịstị hụn wụ ndụn ụnụ jẹnkọ d'e gi pụha, ụnụ nwẹn e sọn ẹ gi ọghọ pụha.

Rẹvẹleshọnụ 14:13

M nọ nụ olu gha elu-igwee sị, “De ihiẹnni: gha ogẹnni jẹnmẹ, ngọzi jẹnkọ d'a rịnị ndị nwụntọ imẹ Di-nwọnni-ẹnyi!” “E nwọngụọ wẹ ngọzi nke-esi! Wẹ k'e zu ikẹn ọrụn wẹ, ri ihiẹn wẹ rụn!” Ịya kẹ Mmọn-nsọ ku.