Ndị Filipi 1:20 - Ika

²⁰ M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Ndị Filipi 1:20 ပူးပေါင်းရင်းမြစ်များ

Ẹbụ-ọma 119:116

Dodo, dọnmẹ m kẹ i dọn kwe nkwa; kẹni m rị ndụn; anịkwọl'a kpuye m.

Ẹbụ-ọma 119:80

Obi m y'a kụrụ ọtọ ebe idọnmẹ iwu i rị, amamgbe ifẹnrẹn e mẹ m.

Ẹbụ-ọma 25:2

ịyụ wụ Chuku m kẹ m gi dọn ẹnya. Anịlẹ ifẹnrẹn mẹ m, anịlẹ ndị-iṅẹnrẹn m mẹri m.

Ẹbụ-ọma 62:5

Chuku sụọ kẹ m tụkwasị obi, ịya kẹ m gi e dọn ẹnya.

Itẹn 10:28

Onyẹ ezi-omumẹ k'a hụn ihiẹn ọ rị e lee ẹnya a, ghọghọ, kanị onyẹ eje-omumẹ ahụnkọ ihiẹn ọ rị e lee ẹnya a.

Itẹn 23:18

makẹni elu k'a rịrịn'ị mma ihun, okpuyekọ ị.

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 50:7

Makẹni Di-nwọnni-ẹnyi wụ Osolobuẹ hụ e yeni m ẹka, afanị m. Elekọ m ẹnya azụụn; a marịnghọ m nị afakọ m.

Azaya 54:4

Atụlẹ egun, ifẹnrẹn emẹkọ ị. Atụlẹ egun ịfa — y'a fakọ. I k'a zọdẹ ifẹnrẹn hụn mẹn'i kẹ ị rị nwagbọọ; y'a nyanhankọzị ụya i ri kẹ m la ị tọ rịkẹ onyẹ di nwụnnahịn.

Jọnụ 21:19

(Jesu gi ihiẹnni o ku ghọsị ụdị ọnwụn Pita jẹnkọ d'a nwụn gi wẹhẹni Osolobuẹ ọghọ). Jesu e kugụ ihiẹnni, ọ nọ sị Pita, “Sọnmẹ m!”

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 21:13

Ya kẹ Pọlụ nọ sị, “Kị ụnụ rị e mẹdẹ — a kwan ẹkwan, e tiwa m obi? A kwademẹgụọ m nị m jẹnkọ Jerusalẹm, ọsụọn'a nị wẹ k'e kẹn m ẹgbụn, ọ sụọdẹn'a nị m k'e gi ufiri ẹfan Di-nwọnni-ẹnyi wụ Jesu nwụnhụn ebẹhụ.”

Ọrụn Ndị-ozi 4:31

E mẹgụ wẹ ekpereni, ebẹhụ wẹ nọ zu nọ mẹhunmẹ, Mmọn-nsọ nọ jun wẹ ile, wẹ hụ e kushi oku Osolobuẹ ikẹn.

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Rom 5:5

bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Ndị Rom 6:13

ewelẹ ni mkpamkpa ẹhụ ụnụ ye njọ gi họnrin ihiẹn-ọrụn o gi e mẹ eje-ihiẹn. Ka wechanrịn nị enwẹn ụnụ ye Osolobuẹ nọkẹ ndị wẹ ghagụ ọnwụn weli hụn rị ndụn; ụnụ e wechanrịn mkpamkpa ẹhụ ụnụ ile ye Osolobuẹ n'o gi họnrin ihiẹn-ọrụn ezi-omumẹ.

Ndị Rom 6:19

(M rị e ku ẹ hụ kẹ ịhịan e ku kẹni ọ nị ụnụ ghọha.) Kẹ ụnụ te dọn we mkpamkpa ẹhụ ụnụ ye ihiẹn-ụrụ lẹ eje-obibi nọkẹ igbọn — hụn ụnụ gi rị e bi eje-obibi, e biwaye, gizi ni nwan ẹrịra we mkpamkpa ẹhụ ụnụ ye ezi-omumẹ, kẹni ụnụ rị nsọ.

Ndị Rom 8:19

Ihiẹn ile Osolobuẹ ke rịzị e che nị Osolobuẹ ye ụmụ a ọghọ ahụn lalanịnị wẹ.

Ndị Rom 9:33

kẹ Ẹkụkwọ-nsọ dọn ku ẹ, sị, “Lee ẹnya, e butọgụọ m ọmụma imẹ Zayọnụ, ọmụma ịhịan a kpọgburu a dan, nkumẹ hụn k'e mẹ wẹ dan. Kanị, o kpuyekọ onyẹ kwerinin'ẹ.”

Ndị Kọrẹntị Ibuzọ 15:31

M'a nwụnhụn ụhụọhịn ile! Umunẹ m, ezioku rọ — k'o dọn wụrụzịkwọ ezioku nị m gi ụnụ a nyan isi imẹ Jesu Kristi Di-nwọnni ẹnyi.

Ndị Kọrẹntị Ibuzọ 6:20

Wẹ ṅọn ụnụ e ṅọn; e gi ni nwan ẹhụ ụnụ e ye Osolobuẹ ọghọ.

Ndị Kọrẹntị Ibuzọ 7:34

ẹrịra kẹ obi ẹ e kebe. Okpoho mọbụ nwagbọọ nwọnlẹni di e ro ihiẹn Di-nwọnni-ẹnyi, o ro k'o dọn dọnmẹchanrịn ẹhụ a lẹ mmọn a nsọ; kanị okpoho nwọn di e ro ihiẹn ụwa, o ro k'o dọn mẹ n'ọ sụọ di ẹ.

Ndị Kọrẹntị Nke Ẹbụọ 10:8

Di-nwọnni-ẹnyi ye ẹnyi ikẹn ẹnyi e gi du ụnụ: ikẹn ẹnyi e gi mẹ ụnụ sue imẹ okukwe — ẹlẹ ịdọtu ụnụ. Ya wụ, ọ sụọn'a nị m'e gikẹzi ikẹn ahụn a nyan isi, ọhụn emẹkọ m ifẹnrẹn.

Ndị Kọrẹntị Nke Ẹbụọ 3:12

Makẹni ẹnyi nwọn olilẹnya nọ ẹnịna, ẹnyi e ku, e kushi ikẹn;

Ndị Kọrẹntị Nke Ẹbụọ 4:10

Ẹnyi hụ e sọn Jesu a nwụn ogẹn ile kẹni w'e gi ndụn ẹnyi rị a marịn nị Jesu rị ndụn.

Ndị Kọrẹntị Nke Ẹbụọ 5:15

Ọ nwụnnị ịhịan ile ọnwụn kẹni ndị rị ndụn bibehini enwẹn wẹ, kama, nị wẹ e bini onyẹ hụ gi ufiri wẹ nwụnhụn, Osolobuẹ e gizi ufiri wẹ weli ẹ.

Ndị Kọrẹntị Nke Ẹbụọ 7:14

Ẹghẹẹ, ụnụ anịnị ifẹnrẹn mẹ m m gi gi ụnụ nyan isi ebe ọ rị. Isi ẹnyi nyan ebe Taịtọsụ rị e mẹgụọ nwan ezioku nọkẹ kẹ ihiẹn ile ẹnyi gwa ụnụ mbụ dọn wụrụ ezioku.

Ndị Kọrẹntị Nke Ẹbụọ 7:4

Obi ru m alị banyeni ụnụ ọda-ọda; m'e gi ụnụ a dụ ẹka obi; ụnụ a gba m umẹ ọda-ọda; imẹ nsọngbu ẹnyi ile, m'e gi ufiri ụnụ a ghọghọ ọda-ọda.

Ndị Filipi 1:14

Ngannị wẹ tụ m e mẹgụọzị obi rukẹnmẹ ndị itu-Kraịstị ibe ẹnyi bu ọda alị imẹ Di-nwọnni-ẹnyi, w'e kushi nwan oku-Osolobuẹ ikẹn karị kẹ w'e ku ẹ mbụ — egun arịzị wẹ ẹnya.

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Kolosị 1:24

M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Ndị Tẹsalonika Ibuzọ 5:23

Osolobuẹ lẹ enwẹn ẹ, onyẹ hụn udọn gha ẹka a bịa, ya dodo dọn ụnụ nsọ ụzọ ile: ya anịlẹ ụnụ nwọn nkọrịanị ọwụlẹ imẹ mmọn ụnụ mọbụ umẹ-ndụn ụnụ mọbụ ẹhụ ụnụ ogẹn Di-nwọnni-ẹnyi wụ Jesu Kristi k'e gi bịa.

Pita Ibuzọ 4:16

O mẹ nwan nị ị ta afụnfụn makẹ Kraịstị, y'e mẹlẹ i ifẹnrẹn, ka ja Osolobuẹ mma n'ị rị a za ẹfan Kraịstị.

Jọnụ Ibuzọ 2:28

Ẹghẹẹ ụmụẹka, nọdị nị imẹ ẹ, kẹni obi ru ẹnyi ile alị ogẹn o gi bịa, amamgbe ifẹnrẹn e mẹ ẹnyi ihun ẹ Ụhụọhịn o k'a bịa.