Ndị Filipi 1:15 - Ika

¹⁵ O nwọnghọ ndị gi iwe-ẹnya e zi ozi Kraịstị, nị wẹ gi ẹ mẹkarị ibe wẹ. Kanị, ndị ọzọ bu ihiẹn rị mma obi e zi ẹ,

Ndị Filipi 1:15 ပူးပေါင်းရင်းမြစ်များ

Matiu 23:5

“W'e mẹ ihiẹn ile w'e mẹ kẹni ịhịan legha wẹ: wẹ chọ nị wẹ yiri mkpọ filatrị ahụn w'e deye oku-Chuku w'e yi ezimezi ihun, e yiri wẹ hụn hi ogbe. Wẹ gha a kwaye tasẹlụ ahụn w'a kwaye ẹkwa ekpere, e mẹmẹ nke wẹ n'o sue, kẹni ịhịan hụn wẹ.

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ọrụn Ndị-ozi 11:20

Kanị, o nwọnghọ ikẹnnyẹ gha alị Saịprọsụ lẹ Saịrini lụaha imẹ ndị ụka gbayiyanị hụn ru nwan Antịọkụ, gwama ndị wụlẹni ndị Ju oku-Chuku, e zi wẹ ozi Di-nwọnni-ẹnyi wụ Jesu Kristi.

Ọrụn Ndị-ozi 5:42

Ụhụọhịn ile, kẹ imẹ Ụlọ-nsọ kẹ ụlọ-ụlọ, wẹ hụ a kuzi, e zi ozi nị Jesu wụ Onyẹ Hụ Osolobuẹ Tumẹ, akụsịnị wẹ kaka akpohu!

Ọrụn Ndị-ozi 8:35

Ya kẹ Filipu nọ gha ebẹhụ okẹnnyẹ hụ rị a gụn zimẹ ẹ oziọma banyeni Jizọsị.

Ọrụn Ndị-ozi 8:5

Filipu nkẹ nọ jẹn isi-obodo Sameria, gwa wẹ oku Kraịstị.

Ọrụn Ndị-ozi 9:20

Ozigbo, ọ nọ kumẹ oku Jesu imẹ ụlọ-ofufe ndị Ju rịsọnmẹ ebẹhụ, a sị wẹ, “Ịya wụ Nwa Osolobuẹ!”

Ndị Rom 2:8

Kanị, Osolobuẹ k'e gi iwe-lẹ-ọnụma a sọn ndị hụn a chọ nke-wẹ nke-wẹ, a jụ ezioku, e sọn eje-ihiẹn;

Ndị Kọrẹntị Ibuzọ 1:23

Kanị ẹnyi hụ e zisọnmẹ ozi Kraịstị wẹ kpọgbu elu obe: ebe ndị Ju rị, ihiẹn pụ-ichẹn w'a ghọtafie rọ; ebe ndị wụlẹni ndị Ju rị nzuzu rọ.

Ndị Kọrẹntị Ibuzọ 13:3

Ọsụọn'a nị m wechanrịn ihiẹn ile m nwọn ye ndị igbẹnnyẹ, ọ sụọkwọn'a nị e kweridẹ m nị wẹ kpọ m ọkụn yeni okukwe m kẹni m gi ẹ nyan isi, omẹni enwọn m ihiẹn-ọsụsụọ, onwọnni erere o bannị m!

Ndị Kọrẹntị Nke Ẹbụọ 1:19

Makẹni Nwa Osolobuẹ wụ Jesu Kristi hụn mmẹ lẹ Sivanọsụ wụ Saịlasị lẹ Timoti zi ụnụ ozi ẹ ẹlẹ onyẹ a sị “ẹghẹẹ,” a sị “Mba;” ihiẹn rị imẹ ẹ ogẹn ile wụ “ẹghẹẹ.”

Ndị Kọrẹntị Nke Ẹbụọ 11:13

Makẹni ẹlẹ wẹ ndị-ozi pụ-ichẹn nke-esi; ndị-ndufie kẹ wẹ wụ. Wẹ rịhụ a za ndị-ozi pụ-ichẹn Kraịstị e gi ẹ e kpumẹ ihun.

Ndị Kọrẹntị Nke Ẹbụọ 12:20

Egun rị a tụ m nị ikẹnkwọ, m bịa, ahụnkọ m ụnụ kẹ m dọn chọ, ụnụ nwẹn ahụnkọ m kẹ ụnụ dọn chọ; egun rị a tụ m nị, ikẹnkwọ, ikpe lẹ ẹnya-ụfụ lẹ eje-olulu jẹnkọ d'a rị; nị ụfọdụ imẹ ụnụ k'a gha e ro enwẹn wẹ sụọ; nị ikuja oku ịhịan, oku-azụụn, mpache lẹ isusu jẹnkọ d'a rị.

Ndị Kọrẹntị Nke Ẹbụọ 4:5

Makẹni ẹlẹ oku ẹnyi lẹ enwẹn ẹnyi kẹ ẹnyi rị e ku; ozi ẹnyi wụ nị Kraịstị wụ Jizọsị wụ Di-nwọnni-ẹnyi, nị ẹnyi nwẹn wụ idibo ụnụ makẹ ufiri Jizọsị.

Ndị Galeshịa 2:4

kanị ndị ahụn gi nzuzue banhan, e mẹ nọ kẹ sị wẹ wụ ndị kwerini, e te kughọ oku ịkwa ugun. Wẹ bịa d'e lele ụdị inwọnrin-enwẹn hụn ẹnyi nwọn imẹ Kraịstị Jizọsị, kẹni wẹ buzi ẹnyi che imẹ igbọn.

Ndị Filipi 2:3

Emẹkwọlẹ ihiẹn ọwụlẹ n'i gi ẹ chọrị nke i sụọ mọbụ nị wẹ hụn ị. Ka e welụa nị enwẹn ụnụ alị, e ye ibe ụnụ ọghọ karị enwẹn ụnụ.

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.