Ndị Filipi 1:11 - Ika

¹¹ makẹni o ru a hụn w'a nị ndụn ụnụ a mịjungụọ mkpụrụ hụn wụ ezi-omumẹ, hụn gha ẹka Jesu Kristi a bịa. O k'e wẹhẹni Osolobuẹ ọghọ lẹ ọjịja-mma.

Ndị Filipi 1:11 ပူးပေါင်းရင်းမြစ်များ

Ẹbụ-ọma 1:3

Onyẹ hụ nọ kẹ osisi wẹ kụnye mkpẹnrẹn-mirin, hụn a mị mkpụrụ a udu ẹ, hụn ghalẹni a gbụ ẹhụhụọ. Ihiẹn ile onyẹ ahụn buche ẹka a gha ihun.

Azaya 5:2

Ọ dụkpọ alị a, kpọnpụchanrịn ọmụma junn'ẹ, gbọ ezigbo vaịnị ye ẹ. Ọ tụn ụlọ-nche ye imẹ ẹ, nọzịkwọ ọmụma rị alị tụ ebe wẹ nọ a pịnpụha manya vaịnị. Ọ nọ tụma ẹnya ogbe vaịnị rị mma, kanị ọ mịn'a vaịnị rịlẹni mma.

Azaya 60:21

Ndị nke ụnụ ile k'a wụchanrịn ndị ezi-omumẹ; wẹ k'e nwọnrin alịnị jẹnrin-ejẹn. A wụrụ wẹ ihiẹn m gi ẹka m kụn, ọrụn ẹka m — hụn k'e wẹhẹni m ọghọ.

Azaya 61:11

Ẹghẹẹ, kẹ ẹjan dọn e mẹ ihiẹn e pu, kẹ alị-ugbo dọn e mẹ mkpụrụ wẹ kụn imẹ ẹ e sue, ẹrịra kẹ Di-nwọnni-ẹnyi wụ Osolobuẹ jẹnkọ d'e mẹ ihiẹn o k'e mẹ, alị ile a hụn ezi-omumẹ ẹ, gi ẹ ja a mma.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Jọnụ 15:16

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Jọnụ 15:2

Agalaba m ọwụlẹ mịlẹni mkpụrụ, o bepụ a; kanị agalaba hụn mị mkpụrụ, o befọn ẹ, kẹni ọ mịkẹnmẹ.

Jọnụ 15:8

Ụnụ mị mkpụrụ ọda-ọda, o k'a ghọsị nị ụnụ wụ ndị nsọnmazụụn m: ọhụn jẹnkọ d'e wẹhẹni Nẹdi m ọghọ.

Ndị Rom 15:28

M rụngụ ogboni, wegụ egho ahụn wẹ tụnị wẹ che wẹ ẹka, m k'e jẹn Speni. M jẹnkọnị a banhan m d'a hụn ụnụ.

Ndị Rom 6:22

Kanị, hụnnị Osolobuẹ gbapụhagụ ụnụ ẹka njọ, ụnụ e họnrin igbọn Osolobuẹ, erere ụnụ wụ ịrị-nsọ hụn sikọ d'e wẹhẹ ndụn itẹbitẹ.

Ndị Kọrẹntị Ibuzọ 10:31

Kẹ oriri kẹ ọrịra kẹ ihiẹn ọzọ ọwụlẹ ụnụ e mẹ, e mẹni wẹ ile ụzọ o gi wẹhẹni Osolobuẹ ọghọ,

Ndị Kọrẹntị Nke Ẹbụọ 9:10

Osolobuẹ hụn e ye ịhịan ihiẹn o k'a kụnye lẹ ihiẹn o k'e ri k'e ye ụnụ ihiẹn ụnụ jẹnkọ d'a kụn, o mẹ ẹ sue, mẹ ẹ mị ọda-ọda; o k'e mẹ ụnụ ghọrị ezi-omumẹ nọkẹ ihiẹn-ugbo, ghọrị a ọda-ọda.

Ndị Ẹfẹsọsụ 1:12

O mẹ ẹ kẹni ẹnyi wụrụ ihiẹn wẹ gi a ja Osolobuẹ mma n'o hikẹ ogbe, ẹnyi ndị ibuzọ gi Kraịstị dọn ẹnya.

Ndị Ẹfẹsọsụ 1:14

makẹni Mmọn-nsọ k'o bu ụzọ e ye nọkẹ mbi, o kebe bịa d'e gbarị ndị ọ ṅọntọgụ. Osolobuẹ mẹ ẹ kẹni ụnụ nwẹn wụrụzị ihiẹn wẹ gi a ja Osolobuẹ mma n'o hikẹ ogbe!

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ndị Ẹfẹsọsụ 5:9

makẹni mkpụrụ hụn ukpẹ a mị wụ ihiẹn ile rị mma lẹ ezi-omumẹ ile lẹ ihiẹn ile wụ ezioku.

Ndị Filipi 4:17

Ẹlẹni m chọkọ ihiẹn ụnụ k'e ye m. Kaka akpohu! M rị a chọ nị wẹ gụn ọrụn-ọma ụnụ yeni ụnụ kẹni o wẹhẹni ụnụ erere.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Kolosị 1:6

Oziọma e rugụọ ụnụ ẹka. K'o dọn a mị mkpụrụ, e sue, a ghagbarị ụwa ile, ẹrịra k'o gizi nwan rị a mị mkpụrụ imẹ ụnụ kete ụhụọhịn ahụn ụnụ nụ a, ghọta ẹfọma Osolobuẹ mẹ nke-esi.

Ndị Tẹsalonika Nke Ẹbụọ 1:12

kẹni wẹ gi ihiẹn wẹ rị a hụn ebe ụnụ rị ye ẹfan Di-nwọnni-ẹnyi Jesu mgbaye, gizi ufiri Jesu ye ụnụ ọghọ, nị Osolobuẹ lẹ Di-nwọnni-ẹnyi Jesu Kristi e yekẹni ụnụ ẹka.

Taịtọsụ 3:14

Ndị nke ẹnyi wẹ mụnrụnzịkwọ kẹ wẹ dọn e we enwẹn wẹ a kwanị ihiẹn rị mma, kẹni wẹ saẹka e ye ẹka ezigbo mkpa pụha, amamgbe w'a wụrụ ndị nwọnlẹni hụn w'a rụn.

Hibru 12:11

Onwọnni afụnfụn w'e ye ịhịan a sụọ ụsụọ ogẹn ahụn; ụfụ k'ọ fụ. Kanị, omẹgụ, ọ mịpụhanị ndị wẹ gi ẹ zụn udọn lẹ ezi-omumẹ.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Ibuzọ 4:14

Wẹ kpari ụnụ makẹni ụnụ rị a za ẹfan Kraịstị, ngọzi rọ: ya wụ nị ọghọ Mmọn nsọ Osolobuẹ rị ụnụ ẹhụ.