Ndị Ẹfẹsọsụ 6:12 - Ika

¹² Makẹni, ẹlẹ ịhịan nwọn ẹhụ lẹ ẹdeke kẹ ẹnyi lẹ wẹ rị a lụ ọgụn, kanị, eje-mmọn rị ichẹn-ichẹn: ndị-isi eje-mmọn lẹ ndị-ọkịkị wẹ lẹ eje-mmọn ndị rị e mẹ eluni a gba ishi lẹ mmọn ile rị imẹ elu rị a kwadọn njọ kẹ ẹnyi lẹ wẹ rị a lụ.

Ndị Ẹfẹsọsụ 6:12 ပူးပေါင်းရင်းမြစ်များ

Jobu 2:2

Osolobuẹ nọzị sị Ekwensụ, “Ebe ị gha bịa?” Ekwensụ nọ sị, “M rị a ghahunmẹ imẹ ụwa ile, e jẹnjẹn, e jẹnlụa — ebahụn kẹ m gha bịa.”

Matiu 16:17

Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.

Makị 4:19

kanị oku elu lẹ ẹkpịrị akụ-lẹ-ụba lẹ ẹgụn ihiẹn ichẹn-ichẹn a banhan, wẹ ile a kpangbu oku-Chuku hụ, ọ mịzịnị mkpụrụ.

Luku 13:24

“Shikwọ nị ọnwụn nị ụnụ banye ọnụmụzọ hụ mẹ warara! Makẹni ndị bu ọda jẹnkọ d'a lịlịma nị wẹ banye, kanị asakọ wẹ ẹka.

Luku 22:53

Mmẹ lẹ ụnụ rị imẹ Ụlọ-nsọ ụhụọhịn ile, ụnụ anwụnrụnnị m. Kanị hụnnị wụ ogẹn ụnụ lẹ ogẹn ishi gi a kị!”

Jọnụ 12:31

Kikẹnni kẹ wẹ jẹnkọ d'a ma ụwanị ikpe; kikẹnni kẹ wẹ sikọ d'a chụpụ onyẹ rị a kị ụwanị.

Jọnụ 14:30

Ogẹn arịa m'e gi gwamazị ụnụ ihiẹn bu ọda, makẹni onyẹ hụn a kị ụwanị lala nwan; onwọnni ihiẹn o k'a saẹka mẹ m,

Jọnụ 16:11

o k'a ghọsị wẹ kẹ ikpe dọn ma wẹ, makẹni Osolobuẹ a magụọ onyẹ hụn a kị ụwanị ikpe.

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Rom 8:38

Makẹni, o we m ẹnya nị kẹ ọnwụn kẹ ndụn, kẹ ndị mmọn-ozi kẹ eje-mmọn ndị rị a kịnị, kẹ ihiẹn rị ogẹnni kẹ ihiẹn rị ihun, kẹ ikẹn ile rịnị;

Ndị Kọrẹntị Ibuzọ 15:50

Umunẹ m, ihiẹn m rị a gwa ụnụ wụ nị ẹhụ-lẹ-ẹdeke asakọ ẹka banye Alị-eze Osolobuẹ; ihiẹn a nwụnhụnnị enwọnrinkọ ihiẹn ghalẹni a nwụnhụn.

Ndị Kọrẹntị Nke Ẹbụọ 11:14

Ẹlẹ ihiẹn a tụ ẹnya, makẹni Ekwensụ lẹ enwẹn ẹ e mẹdẹ nọkẹsị ọ wụ mmọn-ozi ukpẹ!

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Galeshịa 1:16

ọ nọ mẹ m marịn Nwa a, kẹni m zi ndị alị ndị ọzọ wụlẹni ndị Ju ozi Nwa a. Ogẹn o gi mẹ ẹ, ejẹnni m ozigbo d'a jụma ịhịan.

Ndị Ẹfẹsọsụ 1:21

nke wụnị Kraịstị kachanrịn ọkịkị ile lẹ ikẹn ile lẹ ihiẹn ile w'a gbaye agbaye lẹ ẹfan lẹ nzere ile; ẹlẹdẹ ogẹnni sụọ kanị kẹ ogẹn lalanị.

Ndị Ẹfẹsọsụ 1:3

Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Ndị Ẹfẹsọsụ 3:10

kẹni o gi ụka ghọsị ndị-ọkịkị lẹ eje-mmọn ile ikẹn rị ẹka wẹ imẹ elu amamihiẹn Osolobuẹ hụn nwọn agala bu ọda.

Ndị Kolosị 1:13

Ọ zụọpụhagụọ ẹnyi okpuru ishi, bu ẹnyi che Alị-eze ezi Nwa a,

Ndị Kolosị 2:15

Ọ napụ ndị-ọkịkị ile lẹ ọkịkị ile ikẹn, gbe ifẹnrẹn ye wẹ ihun idẹnya ịhịan ile, gi ihiẹn o mẹ elu obe hụ mẹrichanrịn wẹ.

Timoti Nke Ẹbụọ 2:5

Onwọnni onyẹ e mẹrini imẹ egumegu hụn wẹ e tu ugọn mmanị o sọn iwu rịn'a.

Hibru 12:1

Ya wụ, ebe o mẹ nwan ni igunrun ndị ọshẹri han ẹnịna fihunmẹ ẹnyi lekẹ ọgbọ, nị ẹnyi latọ nwan ihiẹn ọwụlẹ a dọkin ẹnyi azụụn, lẹ njọ ahụn a kụ ẹnyi kẹ ẹgbụn, ẹnyi e dikẹnmẹ, gba ọsọnị Osolobuẹ ketọnị ẹnyi,

Hibru 12:4

Ụnụ eke che njọ ọgụn ụnụ rị e che ẹ d'e ru ebe ọ nọ napụ ụnụ ndụn ụnụ.

Pita Ibuzọ 3:22

Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.