M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.
ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”
kẹni i sị ndị wẹ gi, ‘Pụha nị,’ sị ndị rị imẹ ishi, ‘Weri ni enwẹn ụnụ!’ Wẹ k'a rị a nọdẹ mkpẹnrẹn ụzọ e ri ihiẹn-oriri, a hụn ezigbo ẹfịfịa anụ e ri elu òke te kpọpụ nkụn.
Onyẹ imẹ ụnụ ile a tụ egun Osolobuẹ, e mẹ ihiẹn odibo Osolobuẹ sị a mẹ? Onyẹ hụn rị a gha imẹ ishi, onyẹ hụn nwọnlẹni ukpẹ, hụnyẹ ya gi ẹfan Osolobuẹ dọn ẹnya, ya tụkwasị Chuku ẹ obi.
Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.
“Ufiri ihiẹnni o mẹ, ọdanfịn hụ nọ ja onyẹ nlepụ-ẹnya hụ furulẹni wẹ gi e dọn ẹnya mma makẹ akọnị o nwọn. Ẹghẹẹ, makẹni ndị ụwanị ka ụmụ ukpẹ akọ e nwọn ebe wẹ lẹ ibe wẹ rị e mẹ ihiẹn.
Jesu nọ sị wẹ, “Ukpẹ jẹnkọ d'e sọnzi ụnụ nọdị ẹkẹrẹ sụọ. A ghahunmẹ ni nwan hụnnị ụnụ nwọn ukpẹ, amamgbe ọhịhị a gbakunrun ụnụ idẹnmuzi, makẹni onyẹ ghakọ imẹ ishi amarịn ebe o jẹnkọ.
M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’
Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.
Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.
E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.
Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.