Ndị Ẹfẹsọsụ 5:2 - Ika

² E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Ẹfẹsọsụ 5:2 ပူးပေါင်းရင်းမြစ်များ

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Ọpụpụ 29:18

Ya kpọchanrịn nwan ebulu hụ ọkụn elu ukpo nchụn-ẹjan. Ẹjan wẹ kpọnị Osolobuẹ ọkụn rọ hụn ishin ẹ a sụọ Osolobuẹ ụsụọ, oyiye wẹ gi ọkụn ye Osolobuẹ.

Ọpụpụ 29:25

Y'a gha ubẹka wẹ werizi wẹ d'a dụn wẹ lẹ ẹjan ahụn wẹ sikọ d'a dụ ọkụn ọkụn, gi ẹ họnrin ishin k'a sụọ Osolobuẹ, oyiye wẹ gi ọkụn ye Osolobuẹ.

Lẹvitikọsụ 1:13

Hụn wẹhẹn'ẹ e gi mirin chanchan ihiẹn ile rị imẹ ẹfọ anụ hụ lẹ ụkụ a, onyẹ nchụn-ẹjan e wẹhẹ wẹ ile d'a dụn ọkụn elu ukpo nchụn-ẹjan hụ. Oyiye wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:17

Ọ dọdọn ẹ ẹka-nku, dọwa a, kanị ọ dọwapụchanrịnkọ a, onyẹ nchụn-ẹjan a nọ elu nkụn hụ rị ukpo nchụn-ẹjan dụn a ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:9

Hụn wẹhẹ anụ e gi mirin chanchan ụkụ anụ hụ lẹ ihiẹn rị imẹ ẹfọ a, onyẹ nchụn-ẹjan a nọ ukpo nchụn-ẹjan dụnkwama anụ ahụn ile ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ ụsụọ.

Lẹvitikọsụ 3:16

Onyẹ nchụn-ẹjan k'a nọ ukpo nchụn-ẹjan dụn wẹ ọkụn nị wẹ họnrin ẹnwụnrụn, wụrụ ihiẹn-oriri, oyiye wẹ gi ọkụn ye, hụn ishin ẹ a sụọ Osolobuẹ. Ụtọrọ ile wụ nke Osolobuẹ.

Emọsụ 5:21

“Mmẹmmẹ ụnụ e ze m ize; iko nsọ ụnụ e zu ara sụọ m.

Ọgụngụn 7:21

okoro-efin ohu, ebulu ohu ka ẹhụ lẹ nwa-ebulu ohu rị nwa ahụa — anụ ndị wẹ sikọ d'e gi chụn ẹjan w'a dụn ọkụn;

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Jọnụ 13:34

M rị nwan e ye ụnụ iwu ọhụn: e nwọn ni ihiẹn-ọsụsụọ ibe ụnụ. Kẹ m dọn nwọn ihiẹn-ọsụsụọ ụnụ kẹ ụnụ k'a dọn nwọn ihiẹn-ọsụsụọ ibe ụnụ.

Jọnụ 6:51

Mmẹ wụ brẹdi hụ rị ndụn hụn gha elu-igwee bịa. Onyẹ hụn ri brẹdini jẹnkọ d'a rị ndụn jẹnrin ejẹn. Ẹhụ m wụ brẹdi hụ m jẹnkọ d'e ye kẹni ndị rị ụwa rị ndụn.”

Ndị Rom 15:16

hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Rom 4:25

Osolobuẹ gi ufiri njọ ẹnyi we Jesu ye n'ọ nwụnhụn, ghazị ọnwụn weli Jesu kẹni o gi ifiri Jesu kuni ẹnyi ọhụnma.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Rom 8:37

Mba!! Imẹ ihiẹn ndịnị ile, ẹnyi wụ ndị-mmẹri ka ndị-mmẹri ile, ghahanị onyẹ ahụn nwọn ihiẹn-ọsụsụọ ẹnyi!

Ndị Kọrẹntị Ibuzọ 16:14

Gi ni ihiẹn-ọsụsụọ e mẹ ihiẹn ile.

Ndị Kọrẹntị Ibuzọ 5:7

Wepụ nị nwan yisti akan, kẹni ụnụ wụrụ ogbe brẹdi ọhụn yisti rịlẹni, hụn ụnụ wụ nke-esi. Makẹni e gbugụọ wẹ Kraịstị wụ Ebulu-nghafe ẹnyi, gi ẹ chụn ẹjan Mmẹmmẹ-nghafe.

Ndị Kọrẹntị Nke Ẹbụọ 2:14

Kanị ekele ya rịnị Osolobuẹ — makẹni o yesọnmẹ ẹnyi mmẹri okpuru Kraịstị ebe-lẹ-ebe ẹnyi jẹn, e gi ẹnyi e mẹ ishin-ọma ozi Kraịstị e kungbarị ebe ile.

Ndị Kọrẹntị Nke Ẹbụọ 2:15

Makẹni, ebe Osolobuẹ rị, ishin Kraịstị kẹ ẹnyi wụ ebe ndị rị e nwọn nzụọpụha rị lẹ ebe ndị lakọ iwi rị.

Ndị Kọrẹntị Nke Ẹbụọ 8:9

Makẹni, ụnụ a marịnghọ ẹfọma Onyẹ-nwọnni-ẹnyi wụ Jesu Kristi mẹ: nị, ọsụọn'a n'ọ wụ ọdanfịn, o gi ufiri ụnụ họnrin ogbẹnnyẹ kẹni ụnụ gi ogbẹnnyẹ o dan wụrụ ndị ịdanfịn.

Ndị Galeshịa 1:4

Di-nwọnni-ẹnyi wụ Jizọs Kraịstị we ndụn a ye makẹ ufiri njọ ẹnyi, kẹni ọ gbapụha ẹnyi imẹ eje-agbọnị gi mẹzu uche Osolobuẹ ẹnyi wụ Nẹdi ẹnyi.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Ẹfẹsọsụ 1:4

Nị Osolobuẹ d'e kedẹ ụwa, ọ họtọgụọlẹ ẹnyi imẹ Kraịstị makẹni o nwọn ihiẹn-ọsụsụọ ẹnyi, nị ẹnyi jẹnkọ d'a wụrụn'a ndị rị nsọ, nwọnlẹni nkọrịanị.

Ndị Ẹfẹsọsụ 3:17

M rịzị a rịọ a nị ụnụ wụrụ ndị Kraịstị birichanrịn imẹ obi wẹ makẹni ụnụ hụ e gi oku ẹ e dọn; ụnụ a nọ imẹ ihiẹn-ọsụsụọ gba mkpọgụn, gi ẹ turu ọhụnma —

Ndị Ẹfẹsọsụ 3:19

ụnụ a ghọta ihiẹn-ọsụsụọ Kraịstị hụn wẹ ghalẹni a ghọtachanrịn, kẹni ihiẹn ile rị imẹ Osolobuẹ hụn ụzọ jun imẹ ndụn ụnụ.

Ndị Ẹfẹsọsụ 4:15

Kama, ẹnyi a hụn ụzọ wụrụ ndị a gwa ibe ẹnyi ezioku, e gi ihiẹn-ọsụsụọ e mẹ ẹ, ẹnyi ile e gi ẹ e sue; ẹnyi e gi ẹrịra sueru ogo Kraịstị, hụn wụ isi ẹhụnị, rịchanrịn kẹ ya.

Ndị Ẹfẹsọsụ 4:2

E welụachanrịn nị enwẹn ụnụ alị, e mẹ ni jụụ; e gi ni ndidin e sọn ibe ụnụ makẹ ufiri ihiẹn-ọsụsụọ.

Ndị Ẹfẹsọsụ 5:15

Kpachanpụ nị nwan ẹnya e bi; ebilẹ ni kẹ ndị marịnlẹni ihiẹn, ka e bi ni kẹ ndị marịn ihiẹn.

Ndị Ẹfẹsọsụ 5:25

Di, nwọn ihiẹn-ọsụsụọ nwunyẹ i kẹ Kraịstị dọn nwọn ihiẹn-ọsụsụọ ụka, gi ufiri ẹ we ndụn a ye,

Ditrọnọmi 27:6

Ọmụma wẹ belẹni kẹ ụnụ e gi rụnnị Osolobuẹ wụ Chuku ụnụ ukpo nchụn-ẹjan, ụnụ a nọ elu ẹ chụnyeni Osolobuẹ wụ Chuku ụnụ ẹjan w'a dụn ọkụn.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Ndị Kolosị 3:14

Hụn kadẹni, yiri ni ihiẹn-ọsụsụọ, makẹni ịya kẹ wẹ ile gi a layechanrịn k'o furu.

Ndị Tẹsalonika Ibuzọ 4:9

O mẹ nke inwọn ihiẹn-ọsụsụọ ibe ụnụ nọkẹ umunẹ imẹ Kraịstị, ọ rịnị mkpa nị wẹ deni ụnụ ihiẹn ọwụlẹ. Makẹni, Osolobuẹ e gigụọ ẹka a kuzi ụnụ inwọn ihiẹn-ọsụsụọ ibe ụnụ.

Timoti Ibuzọ 2:6

hụn we enwẹn ẹ ye, kẹni ọ wụrụ ihiẹn w'e gi gbapụha ịhịan ile. Osolobuẹ a shịagụọ ẹri banyeni ihiẹnni ogẹn furuni.

Timoti Ibuzọ 4:12

Anịkwọlẹ onyẹ ọwụlẹ legberi i n'ị wụ nwata. Ka wụrụ onyẹ ndị kwerini e leri oku-ọnụ a, obibi ẹ, ihiẹn-ọsụsụọ a, okukwe ẹ lẹ k'o dọn e dọnmẹ obi ẹ ọchan.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 8:3

Iye-oyiye lẹ ịchụn-ẹjan haịn wẹ gi e tumẹ onyẹ-isi nchụn-ẹjan. Ya wụ nị o k'e nwọnrịrị ihiẹn onyẹ nchụn-ẹjannị ẹnyi rị e ku oku ẹ e ye lẹ ẹjan ọ chụn.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Hibru 9:23

Onyinyọn mmakalaka rị a ghọsị ezigbo ẹ rị elu-igwee kẹ wẹ gi omẹnalị ndị ahụn ile e dọn nsọ. Ya wụ nị ẹjan ka ndị hụ mma kẹ ezigbo ẹ rị elu-igwee chọ.

Hibru 9:26

Omẹni nke Jizọsị te rị ẹrịra, nkẹ ọ hụ a nwụn a nwụndọnzi kete wẹ kelẹ ụwa! Kama, ọ bịalẹ mgbe ohuni sụọ imẹ ọgụgụ-ogẹnni d'e wepụchanrịn njọ ghahanị igi enwẹn ẹ chụn ẹjan.

Pita Ibuzọ 4:8

Hụn kachanrịn mkpa, e nwọn ni ihiẹn-ọsụsụọ ibe ụnụ ọda-ọda, makẹni ihiẹn-ọsụsụọ e kpumẹ njọ bu ọda.

Jọnụ Ibuzọ 3:16

Ihiẹn ẹnyi gi a marịn ihiẹn-ọsụsụọ wụ ọnwan: nị Kraịstị gi ufiri ẹnyi we ndụn a ye. O furu nwan nị ẹnyi nwẹn ye ndụn ẹnyi makẹ ufiri ibe ẹnyi.

Jọnụ Ibuzọ 3:23

Ọnwan wụ iwu ẹ: nị ẹnyi k'e kweri ni ẹfan Nwa a wụ Jesu Kristi lẹ ni ẹnyi k'e nwọn ihiẹn-ọsụsụọ ibe ẹnyi — nọkẹ k'o dọn gwa ẹnyi.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.