Ndị Ẹfẹsọsụ 4:4 - Ika

⁴ Ẹhụ ohu lẹ Mmọn-nsọ ohu rọ nọkẹ k'o dọn mẹni olilẹnya ohu kẹ Osolobuẹ kpọ ụnụ d'e nwọn.

Ndị Ẹfẹsọsụ 4:4 ပူးပေါင်းရင်းမြစ်များ

Ẹbụ-ọma 122:8

Ufiri umunẹ m lẹ ndị-ọwụ m, m sị, “Ya rịnị ị mma!”

Jerimaya 14:8

Euu, Onyẹ hụn Izrẹlụ rị e lee ẹnya! Onyẹ hụ a zụọpụhan'a ogẹn nsọngbu, k'ị gbanị nkịtịn nọkẹ onyẹ-ọbịa, e mẹ kẹ onyẹ-ijẹn banhanhụ d'a ranhịn nị eki fọn?

Jerimaya 17:7

Kanị, ngọzi wụ nke onyẹ hụn gi Osolobuẹ dọn ẹnya — onyẹ hụn danbemẹn'ẹ.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Ọrụn Ndị-ozi 15:11

Pita nọzị sị, “Mba! Ẹnyi kweri nị ẹfọma Onyẹ-nwọnni-ẹnyi wụ Jesu ahụn ẹnyi gha nwọn nzụọpụha kẹ wẹ nwẹn ghazị nwọn.”

Ndị Rom 11:29

Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Ndị Kọrẹntị Ibuzọ 10:17

Ebe o mẹ ni brẹdi ohu sụọ rọ, ẹhụ ohu kẹ ẹnyi ile wụ, ọsụọn'a nị ẹnyi bu ọda, makẹni ẹnyi ile gba e ri brẹdi ohu hụ.

Ndị Kọrẹntị Ibuzọ 12:20

K'o dọn nwan rị, ẹhụ ohu sụọ rọ kanị mkpamkpa ẹhụ bu ọda.

Ndị Kọrẹntị Nke Ẹbụọ 11:4

makẹni ụnụ a nabanhankazị onyẹ ọwụlẹ bịa d'e zimẹ ụnụ ozi Jesu ọzọ wụlẹni Jesu ẹnyi zi ụnụ ozi ẹ; ara fụ ụnụ ọrụn ịnabanhan mmọn ọzọ mọbụ oziọma ọzọ wụlẹni hụn ụnụ nwọnhẹn ẹka ẹnyi.

Ndị Ẹfẹsọsụ 1:18

M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 2:16

gi ọnwụn ọ nwụn elu obe wekinhẹnni Chuku azụụn ẹbụbụọ hụ o gi họnrin ohu, azụụn ẹbụbụọ hụ o wepụ eṅẹnrẹn ẹgbata wẹ.

Ndị Ẹfẹsọsụ 2:18

Ghahanị Kraịstị, ẹnyi ile a sa nwan ẹka a gha Mmọn-nsọ ohu a banhan ebe Nẹdi ẹnyi wụ Osolobuẹ rị, kẹ ndị Ju kẹ ndị alị ọzọ.

Ndị Ẹfẹsọsụ 2:22

Hụnnị ụnụ rị imẹ Kraịstị, ụnụ nwẹn rịzị nwan ndị Osolobuẹ rị a tụn kẹ ụlọ, nị ụnụ wụrụ ebe Osolobuẹ e bi ghahanị Mmọn-nsọ a.

Ndị Ẹfẹsọsụ 4:1

Mmẹ hụn wụ onyẹ-ngan makẹni m rị e jẹnni Di-nwọnni-ẹnyi ozi rị nwan a rịọ ụnụ nị ụnụ bi obibi furu ọkpụkpọ Osolobuẹ kpọ ụnụ.

Ndị Ẹfẹsọsụ 5:30

makẹni ẹnyi hụn wụ ụka wụ mkpamkpa ẹhụ a.

Ndị Kolosị 1:5

ufiri nị ụnụ rị e lee ẹnya ihiẹn hụ Osolobuẹ dọnmẹni ụnụ elu-igwee, hụn ụnụ nụ ogẹn wẹ gi zi ụnụ ozi hụ wụ ezioku, hụn wụ oziọma.

Ndị Kolosị 3:15

A chọnị udọn ahụn Kraịstị e ye, e gi ẹ e lele ihiẹn ụnụ rị e mẹ, makẹni, ezioku-ezioku, ịya kẹ Osolobuẹ kpọnị ụnụ d'a rị ẹhụ ohu. A kpanmịn nị Osolobuẹ.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Timoti Ibuzọ 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị Jizọsị. Osolobuẹ hụn a zụọpụhanị ẹnyi lẹ Kraịstị wụ Jizọsị hụn wụ olilẹnya ẹnyi tumẹ m.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Pita Ibuzọ 1:21

Ụnụ a ghagụọ nwan ẹka Kraịstị kwerini Osolobuẹ hụn gha ọnwụn weli Kraịstị, ye Kraịstị ọghọ. Ya wụ nị Osolobuẹ kẹ ụnụ kwerini; Osolobuẹ kẹ ụnụ gi dọn ẹnya.

Jọnụ Ibuzọ 3:3

Ndị ile nwọn olilẹnyanị imẹ obi wẹ e dọnmẹ enwẹn wẹ ọchan kẹ ya lẹ enwẹn ẹ dọn rị ọchan.