Ndị Ẹfẹsọsụ 4:32 - Ika

³² Kama, e gi ni ẹfọma lẹ omikẹn e sọn ibe ụnụ, a gbagharị ibe ụnụ kẹ Osolobuẹ dọn nwan gbagharị ụnụ ghahanị Kraịstị.

Ndị Ẹfẹsọsụ 4:32 ပူးပေါင်းရင်းမြစ်များ

Samuẹlụ Nke Ẹbụọ 7:21

Y'e mẹgụọ okẹn ihiẹnni kẹni i mẹzu nkwa i kwe lẹn'i mẹ uche i, ị nọ nwan mẹ odibo i marịn a.

Ẹbụ-ọma 112:9

O yesọnmẹ ndị-ọzọ ihiẹn, o yesọnmẹ ndị elu rị a fụ ihiẹn; o k'e mẹsọnmẹ ihiẹn furuni jẹnrin ejẹn; o k'e mẹri, nwọn mgbaye.

Ẹbụ-ọma 145:9

Osolobuẹ e mẹni onyẹ ọwụlẹ ihiẹn rị mma; o mẹni ihiẹn ile o ke omikẹn.

Itẹn 12:10

Onyẹ ezi-omumẹ e lepụdẹ anụ a ẹnya, kanị ọhụnma onyẹ eje-omumẹ a nọdẹ kẹ ẹfọ-njọ.

Itẹn 19:11

Amamihiẹn ịhịan e ye ẹ ndidin; ọghọ a rọ n'o nu ihiẹn wẹ mẹ ẹ ẹka.

Itẹn 19:22

Ịhịan chọ onyẹ wẹ gi e dọn ẹnya; ọ ka mma n'ị wụ ogbẹnnyẹ karị n'ị wụ onyẹ-ntụ.

Azaya 57:1

Ndị ezi-omumẹ hụ a nwụn, onwọnni onyẹ e ron'ẹ; wẹ hụ e weri ndị gi obi wẹ ile e fe Osolobuẹ, onwọnni onyẹ a ghọtanị nị w'e weri ndị ezi-omumẹ makẹ eje-ihiẹn gha e kunrun wẹ;

Jerimaya 38:12

Ọ nọ hị Jerimaya, sị a, “We ẹkwa-akan ndịnị lẹ ndịnị fagụnị che ẹbụn makẹ eriri gha a rụ ị ẹhụ.” Jerimaya nọ mẹ ihiẹn ọ sị a mẹ.

Matiu 6:12

gbagharị ẹnyi eje-ihiẹn ẹnyi mẹ, kẹ ẹnyi dọn gbagharị ndị mẹ ẹnyi eje-ihiẹn.

Makị 11:25

Ụnụ gha e mẹ ekpere, gbagharị nị, omẹni o nwọn onyẹ mẹ ụnụ eje-ihiẹn, kẹni Nẹdi ụnụ rị elu-igwee gbagharị ụnụ mmẹfie ụnụ.”

Luku 1:78

Ihiẹnni jẹnkọ d'e mẹ makẹ ẹfọma lẹ omikẹn Osolobuẹ ẹnyi, hụn anwụn elu-igwee e gi bịa d'a wanị ẹnyi,

Luku 11:4

Gbagharị ẹnyi njọ ẹnyi, makẹni ẹnyi hụ a gbagharị ndị ile mẹ ẹnyi njọ. Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’ ”

Luku 17:4

Ọsụọn'a n'o mẹ i njọ mgbe ẹsa imẹ ụhụọhịn, n'ọ bịachanrịn mgbe ẹsa hụ d'a sị ị, ‘E mẹọlẹ m njọ; e kpelẹ,’ ị sikọ d'a gbagharịrịrị a.”

Luku 6:35

Mba! Enwọn ni ihiẹn-ọsụsụọ ndị iṅẹnrẹn ụnụ, e mẹni ni wẹ ọhụnma. E zinye ni ịhịan, atụlẹ ni ẹnya ihiẹn ọwụlẹ, ụgwọ-ọrụn ụnụ jẹnkọ d'e hi-ogbe, ụnụ a wụrụ ezigbo ụmụ Onyẹ Hụ Kachanrịnnị. Makẹni, o mẹ ni ndị ọhụnma-ogodan lẹ ndị-njọ ẹfọma.

Luku 6:37

“Ekinlẹ ịhịan ikpe, makẹ Chuku gha e kin i ikpe; amalẹ ịhịan ikpe makẹ Chuku gha a ma ị ikpe; gbagharị, kẹni Osolobuẹ gbagharị ị.

Ọrụn Ndị-ozi 28:2

Ndị alị-ọfịa hụ mirin nọhunmẹ nọ mẹni ẹnyi ẹfọma pụ-ichẹn: a fiyeni wẹ ẹnyi ọkụn nyan makẹ mirin rị e zueni lẹ oyi rị a tụnị, e lee wẹ ẹnyi ọbịa.

Ndị Rom 12:10

Ụnụ lẹ ibe ụnụ k'a gha a sụọ kẹ umunẹ; e yekarị nị ibe ụnụ ọghọ.

Ndị Kọrẹntị Ibuzọ 13:4

Ihiẹn-ọsụsụọ nwọn ndidin; ihiẹn-ọsụsụọ e mẹ ẹfọma; ara nị ẹnya fụ a; ara nyan isi; ara pache.

Ndị Kọrẹntị Nke Ẹbụọ 2:10

Onyẹ ụnụ gbagharị, a gbagharịgụọ m'a. Ihiẹn m gbagharị — omẹni o nwọnghọ ihiẹn m gbagharị — a gbagharịgụọ m idẹnya Kraịstị makẹ ufiri ụnụ,

Ndị Kọrẹntị Nke Ẹbụọ 2:7

Gbagharị n'a nwan, gba a umẹ, amamgbe ọ fụ a ghafe okẹn, ndụn a gụ a.

Ndị Kọrẹntị Nke Ẹbụọ 6:6

ghahanị idọnmẹ obi ẹnyi ọchan lẹ amamihiẹn, ndidin lẹ igi ẹka rị mma e sọn ịhịan lẹ obibi Mmọn-nsọ rị a kị; ghahanị ihiẹn-ọsụsụọ gha akpakalị obi pụha;

Ndị Ẹfẹsọsụ 5:1

E leri ni nwan Chuku nọkẹ ezigbo ụmụ a.

Jemisi 5:11

Eziẹ, ẹnyi a ja ndị din ndidin mma. Ụnụ a nụghọ kẹ Jobu dọn din ndidin; ụnụ a hụnzịghọ ihiẹn Di-nwọnni-ẹnyi mẹ ikpanzụụn, nị Di-nwọnni-ẹnyi e mẹkẹ ẹfọma lẹ omikẹn.

Pita Nke Ẹbụọ 1:7

We ni obi-nwẹnẹ e cheni ibini Osolobuẹ. E nwọnzi ni ihiẹn-ọsụsụọ nwọnlẹni ihiẹn o tu e cheni obi-nwẹnẹ.

Jọnụ Ibuzọ 1:9

Kanị ẹnyi kupụha njọ ẹnyi, onyẹ wẹ gi e dọn ẹnya lẹ onyẹ-ezioku k'ọ wụ, o k'a gbagharị ẹnyi njọ, chanpụchanrịn ẹnyi ihiẹn ile rịlẹni mma ẹnyi mẹ.

Jọnụ Ibuzọ 2:12

Ụmụẹka, m rị e deni ụnụ nị m gi gwa ụnụ nị Osolobuẹ e gigụọ ufiri ẹfan Jizọsị gbagharị ụnụ njọ.

Rutu 2:20

Nahomi nọ yi oro, sị Rutu, “Osolobuẹ ya nọye n'ẹ-oo! Ọ zọdẹni kẹ ndị nwụnnị kẹ ẹnyi ndị rị ndụn! Okẹnnyẹ hụ wụ nwẹnẹ ẹnyi, ẹnyi lẹ ịya e mẹkẹnmẹkẹ ohu: ọ rị imẹ ndị e wuzoni ebọn ẹnyi.”