Ndị Ẹfẹsọsụ 4:2 - Ika

² E welụachanrịn nị enwẹn ụnụ alị, e mẹ ni jụụ; e gi ni ndidin e sọn ibe ụnụ makẹ ufiri ihiẹn-ọsụsụọ.

Ndị Ẹfẹsọsụ 4:2 ပူးပေါင်းရင်းမြစ်များ

Ẹbụ-ọma 138:6

Ọsụọn'a nị Osolobuẹ rị elu-igwee, ọ nyanhanzị ndị e welụa enwẹn wẹ alị; kanị, ọ ghadẹ ebe teni a hụnchanrịn ndị nhọnrọn kẹ wẹ nọ.

Ẹbụ-ọma 45:4

Gi ọghọ-nze lẹ anyịnyan ị jẹnmẹ d'e mẹrisọnmẹ; d'a kwadọn ezioku lẹ iwelụa-enwẹn alị lẹ ezi-omumẹ; ẹka-nni i ya kpasọnmẹn'i ikẹn!

Itẹn 16:19

Ọ ka mma nị ịhịan welụa enwẹn ẹ alị, wụrụ onyẹ wẹ rị e mẹgbu, karị n'ọ rị e sọn ndị mpache e keri ihiẹn wẹ napụ ịhịan.

Itẹn 3:34

Olelịa kẹ Osolobuẹ e lelịa ndị-nlelịa, kanị o mẹyeni ndị e welụa enwẹn wẹ alị.

Ẹkịliziastisi 7:8

Isi-njẹndemẹ ihiẹn ka mkpa karị isi mbidọn ẹ, ndidin ka mma karị mpache.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Zẹfanaya 2:3

Mẹsọnmẹ ni uche Osolobuẹ ụnụ ile hụn e welụa enwẹn wẹ alị, ụnụ ile hụn e mẹ ihiẹn Osolobuẹ ku; e mẹni uche ẹ, ewelụabehikwọlẹ ni enwẹn ụnụ alị; ikẹnkwọ Osolobuẹ a nị ụnụ wanahịn ogẹn hụ o k'a ghọsị iwe-lẹ-ọnụma a.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Ọgụngụn 12:3

(Okẹnnyẹ hụ wụ Mozizi e welụakẹnmẹkẹ enwẹn ẹ alị; ịya kachanrịn ịhịan ile rị elu ụwa enwẹn ẹ alị e welụa.)

Matiu 11:29

Yiri ni agbụn yoku m, ụnụ a mụnarịn m; makẹni, m rị jụụ, e welụa enwẹn m alị imẹ obi. Ụnụ mẹ ẹ, umẹ-ndụn ụnụ e nwọnrin ezumikẹn.

Makị 9:19

Jizọsị nọ sị wẹ, “Agbọ nwọnlẹni okukwe! Elebe mmẹ lẹ ụnụ a nọru?! Elebe m'e dinruni ụnụ?! Wẹhẹni ni m nwata hụ!”

Ọrụn Ndị-ozi 20:19

kẹ m dọn welụachanrịn enwẹn m alị, gi ẹnya-mirin fe Di-nwọnni-ẹnyi, e dingbuchanrịn nsọngbu ile bịanịnị m yeni eje-umẹ ndị Ju zuni m;

Ndị Rom 15:1

O furu nị ẹnyi ndị ze imẹ Kraịstị e rozi k'ọ rị ndị zelẹni, ẹlẹ imẹ ihiẹn a sụọnị ẹnyi.

Ndị Kọrẹntị Ibuzọ 13:7

Onwọnni ihiẹn a gụ ihiẹn-ọsụsụọ ndụn, ara nwọnbehi okukwe, ara nwọnbehi olilẹnya, ndụn ndidin ara gụ a.

Ndị Galeshịa 6:2

E bu ni ibu ibe ụnụ, e gi ẹ e mẹzu iwu Kraịstị.

Ndị Ẹfẹsọsụ 1:4

Nị Osolobuẹ d'e kedẹ ụwa, ọ họtọgụọlẹ ẹnyi imẹ Kraịstị makẹni o nwọn ihiẹn-ọsụsụọ ẹnyi, nị ẹnyi jẹnkọ d'a wụrụn'a ndị rị nsọ, nwọnlẹni nkọrịanị.

Ndị Kolosị 1:11

Ya gi ikẹn ẹ hụ hi-ogbe hụn e ye ẹ ọghọ mẹ ụnụ kẹnrẹn ụzọ ile, kẹni ụnụ saẹka e kwọnkẹnmẹ okukwe ụnụ, e gi ịghọghọ e dingbu ihiẹn ile,

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Nke Ẹbụọ 2:25

e gi nwayọ a kọwanị ndị ghalẹni e kweyen'ẹ, makẹni Osolobuẹ nwọn ikẹn mẹ wẹ rogharị, bịa d'a marịn ezioku,

Jemisi 1:21

Wepụ nị nwan ihiẹn ile ru unyin lẹ eje-ihiẹn ile ụnụ rị e gi e mẹkarị enwẹn ụnụ; ụnụ e welụa enwẹn ụnụ alị nabanhan oku Osolobuẹ wẹ kụnye imẹ obi ụnụ, hụn k'a saẹka zụọpụha umẹ-ndụn ụnụ.

Pita Ibuzọ 3:15

Ka yechanrịn nị Kraịstị ọnọdị a imẹ obi ụnụ nọkẹ Di-nwọnni ụnụ, ụnụ a kwademẹ ogẹn ile nị ụnụ a za onyẹ ọwụlẹ jụ ụnụ oku olilẹnya ụnụ.

Pita Ibuzọ 3:8

Nke ikpanzụụn, ụnụ ile, e gi ni obi ohu e bi; e ro ni k'ọ rị ibe ụnụ; a nị nị ihiẹn ibe ụnụ a sụọ ụnụ kẹ umunẹ; e mẹni omikẹn ibe ụnụ; e welụa nị enwẹn ụnụ alị.