Ndị Ẹfẹsọsụ 4:14 - Ika

¹⁴ makẹ ẹnyi gha a wụsọnmẹ ụmụẹka, ndị ẹbi e bushi ihun-lẹ-azụụn, ndị-nkuzi ọwụlẹ e buhunmẹ kẹ ufere, ndị ịhịan gi nkuzi ẹro lẹ aghịghọ e dufie.

Ndị Ẹfẹsọsụ 4:14 ပူးပေါင်းရင်းမြစ်များ

Ẹbụ-ọma 10:9

Ọ warị kẹ ẹwọrọ warịnị; e che n'ọ nwụndọn onyẹ nwọnlẹni eyemẹka — o gi ọnyan a nwụn wẹ, ọ dọnkpụnrụn wẹ.

Ẹbụ-ọma 59:3

Lee kẹ wẹ rị nwan e che nị wẹ gbu m; ndị ẹka-ikẹn rị e zuni m eje-umẹ, Euu Osolobuẹ, emẹni m wẹ njọ, emẹni m eje-ihiẹn;

Azaya 28:9

E sị wẹ, “Onyẹ k'ọ rịdẹ nwan a chọ n'ọ kuzi? Onyẹ k'ọ rị a kọwanị ozi ọ rị e zi? Ụmụ-ẹka wẹ hadẹ ẹran tannị ra ụmụ-ndu wẹ napụhụ ẹran nke ọhụn?!

Maịka 7:2

Ndị e mẹ uche Osolobuẹ arịzị alịnị; onwọnzini onyẹ kụrụ ọtọ. Onyẹ ọwụlẹ hụ e che n'o gbu ibe ẹ; onyẹ-onyẹ hụ e shitọnị ibe ẹ ọnyan.

Matiu 11:7

Ndị nsọnmazụụn Jọnụ a pụ, Jizọsị nọ gwama igunrun hụ oku Jọnụ, sị, “Kị ụnụ jẹn imẹ atụ d'e lee? Ẹfịfịa ufere rị e buhunmẹ?

Matiu 24:11

Ndị amụma-ntụ bu ọda jẹnkọ d'a pụha, dufie ndị bu ọda.

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Ọrụn Ndị-ozi 23:21

Kanị, egọnkwọlẹ wẹ ntịn, makẹni ikẹnnyẹ wẹ karị ọgụnnaị warị ọfịa e che ẹ. E kungụọ wẹ Osolobuẹ, nị erikọ wẹ, arakọ wẹ d'e ru mgbe wẹ gbugụ a; a kwademẹgụọ wẹ nwan e che n'i kweri wẹhẹ ẹ.”

Ndị Kọrẹntị Ibuzọ 12:2

Ụnụ a marịnghọ nị kẹ ụnụ kelẹni kweri, nị e dufieghọ wẹ ụnụ d'e sọnmẹ mmọn ichẹn-ichẹn ghalẹni e ku oku.

Ndị Kọrẹntị Ibuzọ 14:20

Umunẹ m, erolẹ ni iroro kẹ ụmụẹka! O mẹ nke imẹ-njọ, a wụ nị ụmụẹka, kanị, o mẹ nke iroro, e ro ni iroro kẹ ndị ka-ẹhụ.

Ndị Kọrẹntị Ibuzọ 3:19

makẹni amamihiẹn ụwanị wụ nzuzu ẹnya Osolobuẹ. Ya haịn Ẹkụkwọ-nsọ gi sị, “Ọ nwụndọn ndị marịn ihiẹn lẹ ẹro wẹ.”

Ndị Kọrẹntị Nke Ẹbụọ 2:17

Ẹnyi anọnị kẹ ndị bu ọda rị e ghoro oku-Chuku nọkẹ sị ibu-afịa rọ; kama, rịkẹ ndị rị imẹ Kraịstị, ẹnyi gi obi rị ọchan e ku kẹ ndị Chuku zi, ndị nọ idẹnya Chuku e ku.

Ndị Kọrẹntị Nke Ẹbụọ 4:2

Ẹnyi a jụgụọ ihiẹn-ifẹnrẹn ndị hụ ịhịan e zuemẹ; ẹnyi ara mẹ ẹro mọbụ tụ ntụ ye oku Osolobuẹ. Kama, ẹnyi hụ e kuchanrịn ezioku k'ọ nọ, e gi ẹ e we enwẹn ẹnyi a ghọsị ịhịan ile idẹnya Osolobuẹ, kẹni wẹ e gi akpakalị obi wẹ e lele kẹ ẹnyi nọ.

Ndị Galeshịa 3:1

Euu ndị Galeshịa, ndị-nzuzu! Onyẹ mẹ ụnụ ihiẹnni? Idẹnya ụnụ kẹ wẹ nọ ghọsịchanrịn nị wẹ kpọgbu Jizọsị Kraịstị elu obe.

Ndị Ẹfẹsọsụ 6:11

Yiri ni ihiẹn-agha Osolobuẹ ile, kẹni ụnụ saẹka che Ekwensụ lẹ ẹro ẹ ile ọgụn.

Timoti Ibuzọ 3:6

Ọ wụkọ onyẹ sọnmẹ Kraịstị nke ọhụn, amamgbe isi e bumẹ ẹ, ikpe ma Ekwensụ a ma ya nwẹn.

Timoti Nke Ẹbụọ 1:15

Y'a marịnghọ nị ndị ile rị Ẹgbẹrẹ Eshịa a gbakitọgụọ m azụụn — kẹ Figelọsụ kẹ Homojinisi.

Timoti Nke Ẹbụọ 3:13

Kanị ndị eje-ịhịan lẹ ndị ndufie jẹnkọ d'a gha a jọwaye njọ; e dufie ndị ọzọ, ndị ọzọ hụ e dufie wẹ.

Timoti Nke Ẹbụọ 4:3

Makẹni ogẹn lala hụn ịhịan jẹnkọlẹni d'e kweri ezigbo nkuzi. Kama, ebe ntịn wẹ rị a chọsọnmẹ n'ọ nụ ihiẹn a sụọnị wẹ, wẹ k'a chọrị ndị k'a kuzi wẹ ihiẹn wẹ chọ nị wẹ nụ.

Hibru 13:9

Awụkwọlẹ ni ndị wẹ gi nkuzi rị ichẹn-ichẹn e dufie; makẹni ọ rịka mma omẹni obi hụ e ru ịhịan alị makẹni o gi eyemẹka Osolobuẹ dọn ẹnya, ẹlẹ nị o dọnmẹsọnmẹ iwu ihiẹn-oriri, iwu ndị bantulẹnini ndị e dọnmẹni wẹ erere.

Jemisi 1:6

Kanị, ya gikwọ okukwe rịọ; y'e nwọnkwọlẹ obi ẹbụọ kaka. Makẹni, onyẹ obi-ẹbụọ nọhụ kẹ mirin ohimin ufere rị a kpọhunmẹ.

Jemisi 3:4

Lezidẹ ụgbọ-mirin: ọsụọn'a nị e hikẹ wẹ ogbe, ọsụọn'a nị okẹn ufere sụọ nwọn e bu wẹ, ihiẹn mẹhụ ẹkẹrẹ kẹ onyẹ a nyann'a gi a fị a e shi ebe ọwụlẹ ọ chọ.

Pita Nke Ẹbụọ 2:18

Ị nụ oku-ọnụ wẹ, y'e gbuni wẹ osekpu! Kanị oku wẹ enwẹn isi. W'e gi ihiẹn a la ẹnya a dọrị ndị hụnhụ isi gbapụha imẹ ndị-mmẹfie.

Jọnụ Ibuzọ 2:19

Ezioku rọ nị imẹ igunrun ẹnyi kẹ ndịnị gha pụ, kanị, ẹlẹ wẹ ndị nke ẹnyi. Makẹni, omẹni wẹ wụ ndị nke ẹnyi, nkẹ e sọn wẹ ẹnyi nọdị. Kanị, ọpụpụ wẹ pụ imẹ igunrun ẹnyi k'o gi wechanrịn ẹnya nị ẹlẹ wẹ ndị nke ẹnyi.

Jọnụ Ibuzọ 2:26

M rị e deni ụnụ ihiẹnni makẹ ndị ahụn rị a chọ nị wẹ dufie ụnụ.

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.

Judu 1:12

Ntụpọ kẹ ndịnị wụ ebe ụnụ rị e ri Oriri ihiẹn-ọsụsụọ ụnụ; ifẹnrẹn ara mẹdẹ wẹ isọn ụnụ e ri! Ndị-ndu rị e lepụ enwẹn wẹ sụọ ẹnya kẹ wẹ wụ; orukpu ufere bukọ ghalẹni e zue mirin kẹ wẹ wụ; osisi ghalẹni a mị mkpụrụ ogẹn wẹ, osisi wẹ huepụ nwụnhụnchanrịngụnị!

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;