Ndị Ẹfẹsọsụ 4:12 - Ika

¹² O yesọnmẹ oyiye ndịnị n'o gi wẹ a zụn ndị nke Osolobuẹ ile ọzụnzụn ọrụn Kraịstị chọ lẹni o gi wẹ e mẹ ẹhụ Kraịstị wụ ụka e sue, a tụn a kẹ ụlọ.

Ndị Ẹfẹsọsụ 4:12 ပူးပေါင်းရင်းမြစ်များ

Luku 22:32

Kanị, e mẹgụọnị m'ị ekpere Saịmọnụ, amamgbe okukwe i a dan. I rogharịgụ, y'e yeni umunẹ i ẹka turu.”

Ọrụn Ndị-ozi 1:17

Makẹni, o te wụ onyẹ ohu imẹ ẹnyi; o te nwọnghọ ogbo ẹ imẹ ọrụnnị.” Ya kẹ Pita ku.

Ọrụn Ndị-ozi 1:25

n'o weri ọkwa lẹ ọrụn onyẹ-ozi pụ-ichẹn, hụn Judasị latọ jẹnmẹ ebẹhụ furun'ẹ.”

Ọrụn Ndị-ozi 11:23

Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ndị Rom 12:5

ẹrịra kẹ ẹnyi hụn bu ọda dọn wụ ẹhụ ohu imẹ Kraịstị kanị mkpamkpa ichẹn-ichẹn.

Ndị Rom 12:7

Omẹni ijẹn-ozi rọ, ya jẹnmẹ ozi; omẹni nkuzi rọ, ya kuzimẹ nkuzi;

Ndị Rom 14:19

Nị ẹnyi a chọ nị nwan ihiẹn ẹnyi lẹ ibe ẹnyi e gi bi udọn, e sue imẹ okukwe.

Ndị Rom 15:14

Umunẹ m, o wegụọ m ẹnya nị mma-mma jun imẹ ụnụ, nị amamihiẹn jun imẹ ụnụ, ni ụnụ a magụọ kuzi ibe ụnụ.

Ndị Rom 15:2

Nị ẹnyi e mẹni ibe ẹnyi imẹ Kraịstị ihiẹn rị mma hụn k'a sụọnị wẹ, kẹni okukwe wẹ sue.

Ndị Rom 15:29

M lalanị, a marịnghọ m nị m k'e buhẹ ngọzi Kraịstị mmagi-mmagi.

Ndị Kọrẹntị Ibuzọ 12:27

Ụnụ ile wụ ẹhụ Kraịstị. Onyẹ-onyẹ imẹ ụnụ wụsọnmẹ mkpamkpa rịn'a.

Ndị Kọrẹntị Ibuzọ 12:7

Osolobuẹ ye onyẹ-onyẹ oyiye o gi a ghọsị ikẹn Mmọn-nsọ, kẹni o gi ẹ yeni ndị ụka ile ẹka.

Ndị Kọrẹntị Ibuzọ 14:12

Ẹrịrazịkwọ, ebe ụnụ rị e mẹ oku oyiye Mmọn-nsọ, lịlịma nị nwan a wụ ọkaa imẹ oyiye ndị hụn e mẹ ụka e sue.

Ndị Kọrẹntị Ibuzọ 14:14

Makẹni, m gi asụsụ m marịnlẹni mẹ ekpere, mmọn m hụ e mẹ ekpere, kanị onwọnni hụn uche m rị a rụn.

Ndị Kọrẹntị Ibuzọ 14:26

Umunẹ m, kị ẹnyi e mẹ nwan? Ụnụ zu, onyẹ-onyẹ nwọn ihiẹn ọ k'a s'ẹka mẹ: ikẹnkwọ ẹbụ rọ; ikẹnkwọ nkuzi, ikẹnkwọ ihiẹn Osolobuẹ ghọsị ịhịan, ikẹnkwọ ịsụ-asụsụ ọzọ, ikẹnkwọ ịnaye oku: e mẹ ni ihiẹn ile k'o dọn buli okukwe ịhịan elu.

Ndị Kọrẹntị Nke Ẹbụọ 12:19

Ụnụ rodẹ nwan nị ẹnyi gi hụnnị ile e kinrin ọnụ ẹnyi ihun ụnụ ra? Ẹlẹkwọ ya! Ẹnyi rị e ku ẹ ihun Osolobuẹ, e ku ẹ kẹ Kraịstị chọ. Ndị nke m, ẹnyi rị e mẹ ihiẹnni ile kẹni okukwe ụnụ sue.

Ndị Kọrẹntị Nke Ẹbụọ 13:11

Nke ikpanzụụn, umunẹ m, ghọghọma nị; bihutọ nị ẹka; a gba nị ibe ụnụ umẹ; e nwọn ni obi ohu; e gi ni udọn e bi. Ụnụ mẹ ẹnịna, Osolobuẹ udọn lẹ ihiẹn-ọsụsụọ gha ẹka a a bịa k'a nọyeni ụnụ.

Ndị Kọrẹntị Nke Ẹbụọ 13:9

Ẹnyi a ghọghọ aghọghọ omẹni ẹnyi ezeni bụ ụnụ e zeghọ. Ekpere ẹnyi wụ nị ụnụ zuchanrịn oke.

Ndị Kọrẹntị Nke Ẹbụọ 3:8

ofufe hụnnị wẹ gha ẹka Mmọn-nsọ e fe akakọ a nwan ọghọ e nwọn ọhụnma-ọhụnma?

Ndị Kọrẹntị Nke Ẹbụọ 4:1

Ebe o mẹ ni omikẹn Osolobuẹ kẹ ẹnyi gha nwọnhẹn ọrụnnị, ndụn ara gụ ẹnyi.

Ndị Kọrẹntị Nke Ẹbụọ 5:18

Ihiẹnni ile gha ẹka Osolobuẹ bịa, onyẹ hụn gi Kraịstị dọnzi ẹgbata ẹnyi lẹ ịya, we ọrụn idọnzi-ẹgbata ye ẹnyi.

Ndị Kọrẹntị Nke Ẹbụọ 6:3

Onwọnni onyẹ ẹnyi e butọnị uke, amamgbe ịhịan a hụn ihiẹn w'e gi kọrịanị ọrụn ẹnyi rị a rụnnị Osolobuẹ.

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ndị Ẹfẹsọsụ 1:23

Ụka wụ ẹhụ a; imẹ ụka kẹ ihiẹn ile banyen'ẹ rị; ya lẹ enwẹn ẹ wụ onyẹ hụn rị ebe ile, hụn e mẹ ihiẹn ile e zu oke.

Ndị Ẹfẹsọsụ 4:16

Kraịstị gi ẹhụ hụ ile, hụn akwanran ile rịn'a gi wegbamachanrịn ihiẹn ile rịn'a, kwọndọn ọhụnma-ọhụnma; ịya rịzị e mẹ mkpamkpa ọwụlẹ a sa ẹka a rụn ọhụnma, hụn ẹhụ ile gi a rị ikẹn, e sue, ghahanị ihiẹn-ọsụsụọ.

Ndị Ẹfẹsọsụ 4:29

Anịlẹ ni eje-oku pụha ụnụ ọnụ, kanị oku rị mma a gba ịhịan umẹ, a bann'a erere imẹ ọnọdị ọ rị, kẹni oku ọnụ ụnụ e yeni ndị rị e gọn ntịn ẹka.

Ndị Ẹfẹsọsụ 4:4

Ẹhụ ohu lẹ Mmọn-nsọ ohu rọ nọkẹ k'o dọn mẹni olilẹnya ohu kẹ Osolobuẹ kpọ ụnụ d'e nwọn.

Ndị Kolosị 1:24

M rị nwan a ghọghọ nị m rị a tanị ụnụ afụnfụn, e gi ẹhụ m a tapụnị Kraịstị afụnfụn họdụnị wẹ k'a tanị ẹhụ a wụ ụka.

Ndị Kolosị 1:28

Kraịstịnị kẹ ẹnyi rị nwan a ghahunmẹ e ku oku ẹ, e gi amamihiẹn ile Osolobuẹ ye ẹnyi a dọ onyẹ ọwụlẹ ẹka-ntịn, a kuzi onyẹ ọwụlẹ, kẹni ẹnyi saẹka wepụha wẹ ile ihun Osolobuẹ nọkẹ ndị ka-ẹhụ imẹ Kristi.

Ndị Kolosị 4:17

Sị nị Akịpọsụ, “Hụnkwọ a n'ị rụnchanrịn ogbo wẹ keye i imẹ ọrụn Di-nwọnni-ẹnyi.”

Timoti Ibuzọ 1:12

M rị a kpanmịn Kraịstị wụ Jizọsị Di-nwọnni-ẹnyi hụn ye m ikẹn m gi rị a rụn ọrụn, n'o weri m nọkẹ onyẹ o gi dọn ẹnya, we m ọrụn,

Timoti Nke Ẹbụọ 4:11

Luku sụọ sọn m nọdị. Chọ Makị n'i wẹhẹ ẹ ị lalanị, makẹni o yeni m ẹka ọda-ọda.

Timoti Nke Ẹbụọ 4:5

Kanị, ịyụ nwẹn, dọnrin ẹnya e leban ihiẹn ile ẹnya; e dingbu afụnfụn; a rụn ọrụn onyẹ e zisọnmẹ oziọma. Mẹchanrịn ihiẹn ile ọrụn ị chọ.

Hibru 13:17

E kweyeni ni ndị-ndu ụnụ, e bu ni enwẹn ụnụ e che okpuru wẹ. Makẹni, wẹ rị e lepụ umẹ-ndụn ụnụ ẹnya. Osolobuẹ jẹnkọ d'a jụ wẹ ukwere ụnụ. Hụn n'a nị wẹ gi ịghọghọ ye mgbakọ hụ, ẹlẹ ẹnya-mirin, makẹ ọ gha a jọ ụnụ njọ.

Hibru 6:1

Nị ẹnyi jẹnshi ni nwan ihun, la nkuzi ibuzọ ndịnị rị ofufe Kraịstị tọ, wụrụ ndị ka ẹhụ imẹ Kraịstị. Ẹlẹ hụn ẹnyi e gi gbemẹzi iyetọ, kuzimẹzi irogharịnị latọ ihiẹn ndị ahụn ghalẹni e ye ndụn, lẹ ikwerini Osolobuẹ