Ndị Ẹfẹsọsụ 4:1 - Ika

¹ Mmẹ hụn wụ onyẹ-ngan makẹni m rị e jẹnni Di-nwọnni-ẹnyi ozi rị nwan a rịọ ụnụ nị ụnụ bi obibi furu ọkpụkpọ Osolobuẹ kpọ ụnụ.

Ndị Ẹfẹsọsụ 4:1 ပူးပေါင်းရင်းမြစ်များ

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 5:24

Ẹnọkụ e sọnbe Osolobuẹ, ahụnzịnị w'a — makẹni Osolobuẹ weri ẹ.

Jerimaya 38:20

Jerimaya nọ sị a, “Ewekọ wẹ i ye wẹ. Dodo gọn ntịn ihiẹn Osolobuẹ ku, hụn m rị a gwa ị. Mẹ ẹ kẹni ọ rịn'ị mma, y'a hụn isi.

Ọrụn Ndị-ozi 9:31

Ya kẹ ndị ụka rị Judia lẹ Galili lẹ Sameria ogẹn hụ nọ zu ikẹn ukpokpo wẹ rị e kpokpo wẹ. Wẹ hụ e zekẹnmẹ, e gi egun Di-nwọnni-ẹnyi e bi, Mmọn-nsọ hụ e yeni wẹ ẹka e buwaye ọda.

Ndị Rom 11:29

Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Kọrẹntị Ibuzọ 4:16

M rị nwan a sị ụnụ leri m.

Ndị Kọrẹntị Nke Ẹbụọ 10:1

Mmẹ wụ Pọlụ rị a rịọ ụnụ; m rị e gi nwayọ lẹ obi-ebere Kraịstị a rịọ ụnụ. Mmẹ hụn wẹ sị nị m'e ku ẹkẹrẹ-ẹkẹrẹ ihun ụnụ, kanị m pụ ebe ụnụ rị, a banmanị m ụnụ mban!

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ndị Kọrẹntị Nke Ẹbụọ 6:1

Makẹni ẹnyi lẹ Osolobuẹ gba a rụn, ẹnyi rị nwan a rịọ ụnụ: dodo ni, anịlẹ ni ẹfọma Osolobuẹ rugụ ụnụ ẹka la iwi.

Ndị Galeshịa 4:12

M rị a rịọ ụnụ umunẹ m, rị nị kẹ mmẹ, makẹni a rịgụọ m kẹ ụnụ, etuni m. Ụnụ nwẹn etuzikwọnị, ụnụ emẹni m njọ.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ndị Ẹfẹsọsụ 3:1

Oziọma Kraịstị wụ Jizọsịnị m rị e zi ụnụ ndị wụlẹni ndị Ju kẹ mmẹ wụ Pọlụ gi nwan rị imẹ ngan.

Ndị Ẹfẹsọsụ 4:17

M rị nwan e gi ẹfan Di-nwọnni-ẹnyi a gba ụnụ mkpịnsịn ẹka, a gbashi ụnụ ya ikẹn: ebizilẹ ni kẹ ndị ghalẹni e fe Osolobuẹ, ndị iroro wẹ nwọnlẹni isi.

Ndị Ẹfẹsọsụ 4:4

Ẹhụ ohu lẹ Mmọn-nsọ ohu rọ nọkẹ k'o dọn mẹni olilẹnya ohu kẹ Osolobuẹ kpọ ụnụ d'e nwọn.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Filipi 1:27

Ka bisọnmẹni obibi furu oziọma Kraịstị, n'o mẹni kẹ m bịa d'a hụn ụnụ kẹ abịanị m, nị ntịn kẹ m gihụ nụ ukwere ụnụ, e gi m'ẹ dọn nị ụnụ gi mmọn ohu wuzo, gi obi ohu a lụ ọgụn ụnụ gi a kwadọn ihiẹn ile oziọma sị ẹnyi kweri;

Ndị Filipi 3:14

M'a lịlịma, e buchanrịn ihun e zinmẹ ebe m gbakọ, kẹni m nwọnhẹn ihiẹn hụn Osolobuẹ kpọnị ẹnyi oku elu-igwee rị imẹ Kraịstị wụ Jizọsị.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Kolosị 2:6

Ebe o mẹ ni ụnụ a nabanhangụọ Jizọs Kraịstị nọkẹ Di-nwọnni ụnụ, e bi ni nwan kẹ ndị nke ẹ;

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Ndị Tẹsalonika Nke Ẹbụọ 1:11

Ya haịn ẹnyi gi e mẹni ụnụ ekpere ogẹn ile, a rịọ Osolobuẹ ẹnyi n'o mẹ ụnụ a ghọsị nị oku ọ kpọ ụnụ alanị iwi; n'o gi ikẹn ẹ mẹ ihiẹn-ọma ile ụnụ chọ lẹ ọrụn ọwụlẹ ụnụ gi okukwe a rụn;

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Taịtọsụ 2:10

w'e zunlẹ wẹ ohin, kama, wẹ ghọsịchanrịn nị wẹ furu wẹ gi e dọn ẹnya ogẹn ile, kẹni wẹ gi obibi wẹ e mẹ nkuzi Osolobuẹ Onyẹ-nzụọpụha ẹnyi a wụrụ ihiẹn a la ẹnya.

Hibru 13:21

ya dodo yechanrịn ụnụ ihiẹn ile rị mma ụnụ e gi mẹ uche ẹ, a rụn ọrụn imẹ ndụn ẹnyi kẹni ihiẹn a sụọn'a hụn ụzọ e mẹ imẹ ndụn ẹnyi ghahanị Jesu Kristi. Ọjịja-mma ya rịnị Jizọsị Kraịstị ogẹn ile jẹnrin ejẹn! Isẹẹ.

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Pita Ibuzọ 2:11

Ezigbo umunẹ m, m rị a rịọ ụnụ nọkẹ ndị wụ abịamabịa lẹ ndị rịlẹni alị wẹ, gbanị nị eje-ẹgụn a lụsọn umẹ-ndụn ụnụ agha ọsọ.

Pita Ibuzọ 3:9

Emẹgwarịkwọlẹ ni ịhịan eje-ihiẹn mọbụ kpọgwarị wẹ iyi. Kama, gọzi ni wẹ, makẹni ngọzi kẹ Osolobuẹ kpọ ụnụ d'e weri.

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Pita Nke Ẹbụọ 1:3

Makẹni, o gigụọ ikẹn o gi wụ Chuku ye ẹnyi ihiẹn ile ẹnyi e gi bi elu lẹ hụn ẹnyi e gi fe Osolobuẹ. Ẹnyi e nwọnhẹn ihiẹn ndịnị ghahanị ọmarịn ẹnyi marịn Jesu hụn kpọ ẹnyi d'e sọn ẹ nwọnrin ihiẹn ile o nwọn, sọn ẹ rị ọchan.

Jọnụ Nke Ẹbụọ 1:5

M rị nwan a rịọ ị, ezi okpoho, arị m e den'i iwu ọhụn kanị iwu ohu ahụn o ye ẹnyi gha alị lala: nị ẹnyi e nwọn ihiẹn-ọsụsụọ ibe ẹnyi.