Ndị Ẹfẹsọsụ 3:4 - Ika

⁴ Ụnụ gụn a, ụnụ a hụn kẹ m ghọtahan ihiẹn-omimini, kẹ m ghọtahan Kraịstị.

Ndị Ẹfẹsọsụ 3:4 ပူးပေါင်းရင်းမြစ်များ

Matiu 13:11

Ọ sị wẹ, “Nke ụnụ, e yegụọ wẹ ụnụ oghere ịmarịn banyeni ihiẹn-nzuzue Alị-eze elu-igwee, kanị eyeni wẹ wẹ oghere hụ.

Luku 8:10

Ya ọ nọ sị wẹ, “Ụnụ kẹ wẹ ye oghere ịmarịn ihiẹn-omimi Alị-eze Osolobuẹ, nke ndị ọzọ wụ ilu-ilu, kẹni ọ wụrụ nị, ‘Wẹ hụ e lee ile, kanị arị wẹ e legha; wẹ hụ a nụ, kanị arị w'a ghọta.’

Ndị Rom 11:25

Umunẹ m, m chọ nị ụnụ marịn ihiẹn-omimini, amamgbe ụnụ e ro nị ụnụ ka ndị ọzọ mkpa. Isi-akwanran Izrẹlụ k'e ruhụ ogẹn ndị wụlẹni ndị Ju banlanị e gi zu ọnụ.

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Kọrẹntị Ibuzọ 13:2

O mẹdẹ ni m nwọn oyiye m gi e bu amụma e zi ozi Osolobuẹ, nwọnzikwọ oyiye m gi a ghọta ihiẹn ile mini lẹ hụn m gi a marịnchanrịn ihiẹn ile; ọsụọn'a nị m nwọn okukwe ile, nwọndẹ hụn m gi a saẹka e bupụ ugu ọnọdị a bụ enwọn m ihiẹn-ọsụsụọ, onwọnni ihiẹn m wụ!

Ndị Kọrẹntị Ibuzọ 4:1

O furu nwan nị ịhịan e weri ẹnyi kẹ idibo Kraịstị lẹ ndị ihiẹn-omimi Osolobuẹ rị ẹka.

Ndị Kọrẹntị Nke Ẹbụọ 11:6

Ikẹnkwọ a ma m ku oku; kanị, a marịnghọ m ihiẹn, ẹnyi e gigụọ ụzọ ile ghọsị ụnụ ọnwan imẹ ọnọdị ile.

Ndị Ẹfẹsọsụ 1:9

Ọ nọ nwan mẹ ẹnyi marịn ihiẹn o zuemẹye imẹ obi ẹ, ihiẹn hụn o rotọ n'o jẹnkọ d'a rụnpụha imẹ Kraịstị.

Ndị Ẹfẹsọsụ 3:3

ụnụ a nụgụọzị k'o dọn ghọsị m ihiẹn-omimini. Ịya kẹ m beni tan ụnụ nke-nke imẹ ẹhụhụọ-ozini.

Ndị Ẹfẹsọsụ 3:9

lẹni m ghọsị ịhịan ile kẹ Chuku hụn ke ihiẹn ile dọn nwan rị a rụnpụha ihiẹn-omimi ahụn o zuemẹ ketekete,

Ndị Ẹfẹsọsụ 5:32

Ihiẹnni e mikẹ; m gi ẹ e ku oku Kraịstị lẹ ụka.

Ndị Ẹfẹsọsụ 6:19

E mẹzikwọ nị nị mmẹ nwẹn ekpere, kẹni Osolobuẹ e ye m ihiẹn m sikọ d'e ku, m shịapụ ọnụ nị m zi oziọma, o mẹ m ku ẹ kushi ẹ ikẹn, e mẹ m wẹ marịn ihiẹn-omimi rị imẹ oziọma;

Ndị Kolosị 1:26

mẹ wẹ marịn ihiẹn-omimi hụ Osolobuẹ zuemẹ ketekete, hụn agbọ ile ghafegụnị marịnlẹni, kanị o kpupụ a nwan ghọsị ndị nke ẹ.

Ndị Kolosị 2:2

M rị a lụ nị ndụn ban wẹ obi lẹ nị wẹ wụrụ ndị wẹ gi ihiẹn-ọsụsụọ kwọngbama, kẹni ihiẹn Osolobuẹ wechanrịn wẹ ẹnya hụn obi e gi ruchanrịn wẹ alị, a marịn wẹ ihiẹn-omimi Osolobuẹ, hụn wụ Kraịstị lẹ enwẹn ẹ,

Ndị Kolosị 4:3

Ụnụ gha e mẹ ekpere, e mẹzikwọ nị nị ẹnyi nwẹn, kẹni Chuku a kpọpụnị ẹnyi ụzọ ẹnyi e gi e ku oku-Chuku, ku oku ihiẹn-omimi ahụn wụ Kraịstị, hụn wẹ gi ufiri ẹ tụ m ngannị;

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Timoti Ibuzọ 3:9

Wẹ k'a wụrịrị ndị e kwọnkẹnmẹ ihiẹn-omimi rị ofufe Kraịstị, ndị e dọnmẹ obi wẹ ọchan.