Ndị Ẹfẹsọsụ 3:20 - Ika

²⁰ Nke Osolobuẹ, Onyẹ hụn k'a s'ẹka gi ikẹn ẹ rị ọrụn imẹ ẹnyi rụnkarị ihiẹn ile ẹnyi k'a saẹka rịọ mọbụ ro, rụnkarị a ọhụnma-ọhụnma,

Ndị Ẹfẹsọsụ 3:20 ပူးပေါင်းရင်းမြစ်များ

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Jẹnẹsisi 18:4

Nị wẹ kuhẹni ụnụ mirin mẹ ẹkẹrẹ, nị ụnụ gi chanchan ụkụ ụnụ, ụnụ e zu ikẹn okpuru osisi ebeni.

Samuẹlụ Nke Ẹbụọ 7:19

Ọ nọkẹ sị ọhụn ehidẹni i ẹnya, Osolobuẹ nwọn ihiẹn Ile, y'e kugụọzị nwan oku ihiẹn i jẹnkọ d'e mẹni ikpụlọ mmẹ wụ odibo i ihun. Euu Osolobuẹ nwọn ihiẹn ile, ẹkanị k'i gi e sọn ịhịan?

Ndị-nze Nke Ibuzọ 3:13

M jẹnkọ d'e yezi i ihiẹn ndị ị rịọlẹni m: kẹ ẹfe (akụ-lẹ-ụba) kẹ ikpẹn hụn wụnị onwọnni eze jẹnkọ d'a nọzị kẹ ịyụ y'e we nwụn.

Ihiẹn Mẹni Nke Ẹbụọ 25:9

Amazia nọ sị odibo Osolobuẹ, “Nanị m'e mẹ nwan ẹkpa siliva uku ọgụn-isẹn m gi we ndị-agha Izrẹlụ ndịnị?” Odibo Osolobuẹ hụ nọ sị a, “Osolobuẹ k'a s'ẹka yekarịdẹ i ọhụn.”

Ihiẹn Mẹni Nke Ẹbụọ 9:12

Eze wụ Solomọnụ ye eze-okpoho Shẹba ihiẹn ile ọ chọ lẹ ihiẹn ọ rịọ a; ihiẹn Solomọnụ ye ẹ ka ihiẹn o wẹhẹni Solomọnụ. Ọ nọ lama, lashi alị a, ịya lẹ ihu ẹ.

Ọpụpụ 34:6

Ọ ghafe ihun Mozizi, a sị, “Mmẹ wụ Osolobuẹ; mmẹ wụ Osolobuẹ — Chuku omikẹn lẹ ẹfọma, hụn ghalẹni e bukẹnrin olulu; hụn e nwọn ihiẹn-ọsụsụọ ọda-ọda, e mẹsọnmẹ ihiẹn run'ẹ,

Ẹbụ Solomọnụ 5:1

A banhangụọ m imẹ ugbo-obobo m, nwẹnẹ m, nwunyẹ m; a kparịgụọ m maa m lẹ ihiẹn m ndị-ọzọ e kun ọhụnma. E rigụọ m ọgba-ẹnwụn m lẹ mirin-ẹnwụn m; a ragụọ m manya m lẹ mirin-ẹran m. E ri ni-o ndị ọwụ ẹnyi; a ra nị-o; ndị rị a sụọnị, rajun ni ẹfọ-o!

Azaya 35:2

O k'a mị obobo ọda-ọda, a ghọghọ, a bụ ẹbụ, e nwọn anwịnrịn; o k'a wụrụ ẹgboko hụn nwọn ọghọ kẹ nke Lẹbanọnụ; ụzọ ile k'a wụ ẹhụhụọ-oyiyi ẹhụhụọ-oyiyi lekẹ Ugu Kamẹlụ lẹ alị-aradan Sharọnụ. Ịhịan k'a hụn ọghọ Osolobuẹ, ịhịan k'a hụn ikpẹn Chuku ẹnyi.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Jerimaya 32:17

“Euu, Osolobuẹ ihiẹn ile rị okpuru ẹ, yụ gi ikẹn i hi-ogbe lẹ ẹka ị tịnpụ mẹmẹ igwere lẹ ụwa! Onwọnni ihiẹn a karị ị ẹka.

Jerimaya 32:27

“Mmẹ wụ Osolobuẹ, Chuku ịhịan ile. O nwọn ihiẹn a fụ m ọrụn omumẹ?

Daniẹlụ 3:17

Omẹni, Chuku ẹnyi rị e fe a chọghọ n'ọ zụọpụha ẹnyi imẹ ọkụnnị lẹ ẹka ị, o k'a gbapụha ẹnyi ẹka ị, Agụ.

Daniẹlụ 6:20

O ru ẹhụ olu hụ, ọ nọ gi uhue rị e huen'ẹ kpọcheni Daniẹlụ, sị, “Daniẹlụ-o, odibo Chuku ahụn rị ndụn, Chuku i, hụn y'e fe ogẹn ile a saghọ ẹka gbapụha ị ẹka ẹwọrọ?”

Matiu 3:9

atụkwọlẹ ni enwẹn ụnụ ntụ, a sị, ‘Ebraham wụ nẹdi ẹnyi nụ!’ Makẹni, m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.”

Jọnụ 10:10

Ohin enwọn ihiẹn ọzọ ọ bịanị karị n'o d'e zun, n'o d'e gbu lẹ n'o d'e wiwi ihiẹn, kanị mmẹ nwẹn bịa kẹni wẹ nwọn ndụn, nwọn ẹ mmagi-mmagi.

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Rom 4:21

O kwerichanrịn nị Osolobuẹ k'a s'ẹka mẹ ihiẹn Osolobuẹ kwe nkwa a.

Ndị Kọrẹntị Ibuzọ 2:9

Kanị, nọkẹ kẹ Ẹkụkwọ-nsọ dọn ku, “Ẹnya ịhịan ahụntuni, ntịn ịhịan anụtuni, ịhịan erotuni ihiẹn Osolobuẹ kwademẹni ndị ihiẹn ẹ a sụọ.”

Ndị Kọrẹntị Nke Ẹbụọ 9:8

Osolobuẹ k'a saẹka gi ihiẹn ile gọzi ụnụ mmagi-mmagi, kẹni ụnụ hụn ụzọ e nwọnchanrịn ihiẹn ile rị ụnụ mkpa, e yezi ọda ogẹn ọwụlẹ ọrụn rị mma pụha.

Ndị Ẹfẹsọsụ 1:19

ụnụ a ghọtazị ikẹn ahụn ka ikẹn ile hụn o gi a rụnnị ẹnyi ndị kwerini ọrụn, ikẹn hụ hi ogbe o gi e mẹ ihiẹn,

Ndị Ẹfẹsọsụ 3:7

E họnringụọ m onyẹ-ọrụn oziọmanị ghahanị oyiye hụn Osolobuẹ mẹ ẹfọma ye m hụn ikẹn ẹ gi rị ọrụn imẹ ndụn m.

Ndị Kolosị 1:29

Ịya kẹ m gi rị a rụnshi iken, e gi ikẹn ahụn ile hi-ogbe Kraịstị gi rị ọrụn imẹ m e shi ọnwụn.

Timoti Ibuzọ 1:14

Di-nwọnni-ẹnyi gi ẹka rị mma sọn m, mẹni m omikẹn ọda-ọda, wezi okukwe lẹ ihiẹn-ọsụsụọ rị imẹ Jizọsị ye m ọda-ọda.

Hibru 11:19

Ebraham sị enwẹn ẹ nị Osolobuẹ k'a sadẹ ẹka weli onyẹ nwụnhụnnị. Ya wụ nwan n'ọ ghaghọ ọnwụn nwọnhẹnzi Aziki nke-esi!

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Jemisi 4:12

Onyẹ ohu sụọ e ye Iwu, e kin ikpe; nzụọpụha lẹ ntikpọ rị a ẹka. Onyẹ k'ị wụ nwan i gi e kin ibe i ikpe?

Pita Nke Ẹbụọ 1:11

Ụnụ jẹnkọ d'e gi ẹ ru ogo ndị wẹ k'a nabanhan ọhụnma-ọhụnma imẹ Alị-eze itẹbitẹ Jesu Kristi, Di-nwọnni-ẹnyi lẹ Onyẹ-nzụọpụha ẹnyi.

Judu 1:24

Ọjịja-mma ya rịnị Osolobuẹ, onyẹ hụn k'a s'ẹka mẹ ụnụ adanlẹ, mẹ ụnụ wụrụ ndị nwọnlẹni ntụpọ, ụnụ e gi ịghọghọ turu ihun ya lẹ Ọghọ a,