Ndị Ẹfẹsọsụ 3:19 - Ika

¹⁹ ụnụ a ghọta ihiẹn-ọsụsụọ Kraịstị hụn wẹ ghalẹni a ghọtachanrịn, kẹni ihiẹn ile rị imẹ Osolobuẹ hụn ụzọ jun imẹ ndụn ụnụ.

Ndị Ẹfẹsọsụ 3:19 ပူးပေါင်းရင်းမြစ်များ

Ndị Ẹfẹsọsụ 1:23

Ụka wụ ẹhụ a; imẹ ụka kẹ ihiẹn ile banyen'ẹ rị; ya lẹ enwẹn ẹ wụ onyẹ hụn rị ebe ile, hụn e mẹ ihiẹn ile e zu oke.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Kọrẹntị Nke Ẹbụọ 5:14

Ihiẹn-ọsụsụọ Kraịstị rị e nu ẹnyi, makẹni o wegụọ ẹnyi ẹnya nị, ebe o mẹ ni onyẹ ohu a nwụnhụngụọnị ịhịan ile ọnwụn, ya wụ nị ịhịan ile a nwụnhụngụọ.

Jọnụ 1:16

Ẹfọma ahụn jun imẹ ẹ hụ e ru ẹnyi ẹka mmagi-mmagi.

Ndị Filipi 4:7

Ogẹn hụ, udọn Osolobuẹ hụn wẹ ghalẹni a ghọta e chemẹ obi ụnụ lẹ uche ụnụ imẹ Kraịstị wụ Jizọsị.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Ẹfẹsọsụ 3:18

kẹni ụnụ saẹka sọn ndị nke Osolobuẹ ile ghọta kẹ ihiẹn-ọsụsụọ Kraịstị shịahan, k'o suehan, k'o jẹnhan elu lẹ k'o mihan;

Pita Nke Ẹbụọ 3:18

Kama, gi ni ẹfọma Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi e suewaye imẹ okukwe; a marịnwayezi ni Di-nwọnni-ẹnyi. Ọghọ ya rịn'a ogẹnni, rịzịkwọn'a jẹnrin ejẹn, d'e ru ụhụọhịn ikpanzụụn! Isẹẹ.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Ndị Ẹfẹsọsụ 5:25

Di, nwọn ihiẹn-ọsụsụọ nwunyẹ i kẹ Kraịstị dọn nwọn ihiẹn-ọsụsụọ ụka, gi ufiri ẹ we ndụn a ye,

Ẹbụ-ọma 43:4

Ogẹn ahụn, e shi m ukpo wẹ n'a chụnyeni Chuku ẹjan; e jẹnburu m Chuku hụn wụ okẹn ịghọghọ m; e gi m ụbọ bụn'ị ẹbụ ọjịja-mma — Chuku, Chuku m!

Ndị Filipi 1:7

O furughọ nị oku ụnụ ile a rị m ẹnịna, makẹni ụnụ rị m obi ogẹn ile! Ẹghẹẹ, makẹni mmẹ lẹ ụnụ hụ e gi ihiẹn Osolobuẹ gi a gọzi ẹnyi e yetarị ẹka: kẹ ebe m rị imẹ ngan kẹ ebe m rị a kwadọn oziọma, e mẹ ihiẹn o gi e werichanrịn ọnọdị.

Ẹbụ-ọma 17:15

Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m.

Ndị Rom 8:35

Kịnị k'a sa nwan ẹka napụ ẹnyi ihiẹn-ọsụsụọ Kraịstị? Nsọngbu? Ra afụnfụn? Ra ukpokpo; ra ẹgụn; ra ahụnnị ẹkwa je; ra eje-ọnọdị; ra ọpịa-agha?

Ndị Rom 8:39

kẹ ihiẹn jẹn elu kẹ ihiẹn mi mgbugbu, kẹ ihiẹn ọzọ ọwụlẹ wẹ ke eke — onwọnni hụn k'a saẹka wepụ ẹnyi imẹ ihiẹn-ọsụsụọ Osolobuẹ rị imẹ Kraịstị wụ Jizọsị Di-nwọnni-ẹnyi!

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,