Ndị Ẹfẹsọsụ 3:17 - Ika

¹⁷ M rịzị a rịọ a nị ụnụ wụrụ ndị Kraịstị birichanrịn imẹ obi wẹ makẹni ụnụ hụ e gi oku ẹ e dọn; ụnụ a nọ imẹ ihiẹn-ọsụsụọ gba mkpọgụn, gi ẹ turu ọhụnma —

Ndị Ẹfẹsọsụ 3:17 ပူးပေါင်းရင်းမြစ်များ

Ndị Kolosị 2:7

gba nị nwan nkpọgụn imẹ ẹ, e shi elu kẹ ụlọ wẹ rị a tụn, e turukẹnmẹ imẹ okukwe Kraịstị kẹ wẹ dọn kuzi ụnụ ya, a kpanmịn Osolobuẹ ogẹn ile.

Jọnụ Ibuzọ 4:16

Ẹnyi a marịnọlẹ nwan nị Osolobuẹ nwọn ihiẹn-ọsụsụọ ẹnyi, ẹnyi e giọl'a dọn. Osolobuẹ wụ ihiẹn-ọsụsụọ. Onyẹ hụn gi ihiẹn-ọsụsụọ e bi rị imẹ Osolobuẹ, Osolobuẹ lẹ enwẹn ẹ rị imẹ onyẹ hụ.

Jọnụ 14:23

Jesu nọ za a, “Onyẹ ọwụlẹ ihiẹn m a sụọ jẹnkọ d'e mẹ ihiẹn m ku. Ihiẹn ẹ k'a gha a sụọ Nẹdi m, mmẹ lẹ Nẹdi m a bịa d'e kunrun ẹ, du ẹ biri.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Rom 5:5

bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Rẹvẹleshọnụ 3:20

“Lee ẹ, m turu nwan ọnụmụzọ a dụ ẹka, onyẹ nụ olu m gụnpụ ụzọ, a banhan m d'e kunrun ẹ, e sọn m'ẹ ri, o sọn m ri.

Ndị Kọrẹntị Nke Ẹbụọ 6:16

Kị Ụlọ-nsọ Osolobuẹ lẹ mmọn gi? Ẹnyi wụ Ụlọ-nsọ Osolobuẹ, Chuku hụ rị ndụn, nọkẹ kẹ Osolobuẹ dọn ku ẹ, sị, “M k'e biri imẹ wẹ, e jẹnhunmẹ imẹ igunrun wẹ. M k'a wụrụ Chuku wẹ, a wụrụ wẹ ndị nke m.”

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Jọnụ Ibuzọ 4:4

Ụmụẹka, ụnụ wụ nke Osolobuẹ; ụnụ e mẹrigụọ wẹ, makẹni onyẹ rị imẹ ụnụ ka onyẹ rị imẹ ụwa.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.

Jọnụ 17:23

kẹni ọ wụrụ nị mmẹ nwẹn hụ imẹ wẹ, yụ nwẹn hụ imẹ m; a wụrụchanrịn wẹ ohu, ụwa e gi ẹ marịn nị ịyụ zihẹ m lẹni y'e nwọnghọ ihiẹn-ọsụsụọ wẹ k'i dọn nwọn ihiẹn-ọsụsụọ m.

Jọnụ 14:17

Mmọn-nsọ a ghọsị ezioku rọ; ụwa as'ẹka nabanhan a makẹni ụwa ara hụn a, ụwa amarịn a. Kanị ụnụ a marịnghọ a, makẹni o sọn ụnụ nọdị, o k'e bisọnmẹ imẹ ụnụ.

Luku 6:48

ọ nọ kẹ onyẹ rị a tụn ụlọ, hụn gumi mgbugbu, gbe iyetọ a ye elu ọmụma; ogẹn okẹn mirin gi huru, ide ẹ nọ hukunrun ụlọ hụ, ọ sanị ẹka mẹhunmẹ ẹ, makẹni wẹ tụn a ọhụnma.

Matiu 13:6

Kanị anwụn a wahụ, ma wẹ, wẹ nọ shinwụn, makẹni enwọn wẹ nkpọgụn.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Jọnụ 6:56

Onyẹ ri ẹhụ m, ra ẹdeke m, k'a rịsọnmẹ imẹ m, mmẹ lẹ enwẹn m a rịsọnmẹ imẹ ẹ.

Ndị Kọrẹntị Ibuzọ 8:1

Nị ẹnyi ku nwan oku ihiẹn-oriri wẹ gi rụa mmọn. Ẹnyi a marịnghọ nị, “Ẹnyi ile marịn ihiẹn.” Okẹn ịmarịn-ihiẹn e mẹ ịhịan a fụshihụ elu, kanị ihiẹn-ọsụsụọ e mẹ ịhịan e sueshi elu nke-esi.

Ndị Kọrẹntị Ibuzọ 3:6

Mmẹ kụn, Apolọsụ a gba a mirin; kanị Osolobuẹ mẹ ẹ sue.

Ndị Kọrẹntị Nke Ẹbụọ 13:5

Lekpọ nị enwẹn ụnụ, nị ụnụ marịn kẹ ụnụ hụ imẹ okukwe. Lele ni enwẹn ụnụ. Ụnụ amarịn nị Jizọs Kraịstị rị imẹ ụnụ? Ụnụ a marịnghọ nụ — mmanị ụnụ a dangụọ nlele hụ.