10 kẹni o gi ụka ghọsị ndị-ọkịkị lẹ eje-mmọn ile ikẹn rị ẹka wẹ imẹ elu amamihiẹn Osolobuẹ hụn nwọn agala bu ọda.
Ja nị Osolobuẹ mma, ụnụ ndị mmọn-ozi ẹ wụ ndị dikẹn, hụn e mẹ ihiẹn ọwụlẹ o ku, ihiẹn ọwụlẹ wẹ nụ ọnụ a.
Euu Osolobuẹ, ihiẹn i ke e bukẹkwọ ọda! Akọ-lẹ-uche k'i gi ke wẹ ile; ihiẹn i ke e jun elu-ụwa ile.
Ya kẹ Mmọn Osolobuẹ nọ buli m elu, m nọ nụ ụzụn ibe azụụn m, ụzụn ahụn nọ kẹ ụzụn okẹn mirin. Ọghọ ahụn m hụn Osolobuẹ gi pụha ebẹhụ a pụkakwọ ichẹn!
Euu! Osolobuẹ e mẹkẹnmẹkẹ ọdanfịn! Amamihiẹn ẹ lẹ akọ-lẹ-uche ẹ e mikẹ! W'a ra saẹka ghọta iroro ẹ! W'a ra saẹka ghọta k'o mẹ!
Makẹni, o we m ẹnya nị kẹ ọnwụn kẹ ndụn, kẹ ndị mmọn-ozi kẹ eje-mmọn ndị rị a kịnị, kẹ ihiẹn rị ogẹnni kẹ ihiẹn rị ihun, kẹ ikẹn ile rịnị;
Kanị, nke ndị Osolobuẹ kpọ, kẹ ndị Ju kẹ ndị wụlẹni ndị Ju, Kraịstị wụ ikẹn Osolobuẹ lẹ amamihiẹn Osolobuẹ.
Mba, ẹnyi rị e ku oku amamihiẹn Osolobuẹ, ịmarịn-ihiẹn nzuzue hụ Osolobuẹ kwademẹtọ n'o d'e ke ụwa n'o k'e gi ẹ ye ẹnyi ọghọ.
nke wụnị Kraịstị kachanrịn ọkịkị ile lẹ ikẹn ile lẹ ihiẹn ile w'a gbaye agbaye lẹ ẹfan lẹ nzere ile; ẹlẹdẹ ogẹnni sụọ kanị kẹ ogẹn lalanị.
Ụka wụ ẹhụ a; imẹ ụka kẹ ihiẹn ile banyen'ẹ rị; ya lẹ enwẹn ẹ wụ onyẹ hụn rị ebe ile, hụn e mẹ ihiẹn ile e zu oke.
Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.
Osolobuẹ gi amamihiẹn lẹ nghọta ile mẹni ẹnyi okẹn ẹfọmanị.
Makẹni, ẹlẹ ịhịan nwọn ẹhụ lẹ ẹdeke kẹ ẹnyi lẹ wẹ rị a lụ ọgụn, kanị, eje-mmọn rị ichẹn-ichẹn: ndị-isi eje-mmọn lẹ ndị-ọkịkị wẹ lẹ eje-mmọn ndị rị e mẹ eluni a gba ishi lẹ mmọn ile rị imẹ elu rị a kwadọn njọ kẹ ẹnyi lẹ wẹ rị a lụ.
Makẹni, ẹka a kẹ Osolobuẹ gha ke ihiẹn ile rị elu-igwee lẹ ụwa: kẹ ndị w'e legha kẹ ndị wẹ ghalẹni e legha; kẹ ukpo ile kẹ ọkịkị ile; kẹ ndị-isi eje-mmọn kẹ ndị-ọkịkị wẹ. Osolobuẹ ke ihiẹn ile ghahan'a; ịya k'o keni wẹ ile.
Ya wụ, ụnụ e zuọlẹ nwan oke hụnnị ụnụ rị imẹ Kraịstị, onyẹ ndị-ọkịkị ile lẹ ọkịkị ile rị okpuru ẹ.
Ọ napụ ndị-ọkịkị ile lẹ ọkịkị ile ikẹn, gbe ifẹnrẹn ye wẹ ihun idẹnya ịhịan ile, gi ihiẹn o mẹ elu obe hụ mẹrichanrịn wẹ.
W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.
Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!
Jesu rị nwan ẹka-nni Osolobuẹ imẹ elu-igwee ebe ọ lashi; ndị mmọn-ozi ile lẹ ọkịkị ile lẹ ikẹn ile rị nwan okpuru ẹ.