Ndị Ẹfẹsọsụ 2:4 - Ika

⁴ Kanị, makẹni Osolobuẹ e mẹkẹ onyẹ-omikẹn, makẹni o nwọn okẹn ihiẹn-ọsụsụọ ebe ẹnyi rị —

Ndị Ẹfẹsọsụ 2:4 ပူးပေါင်းရင်းမြစ်များ

Nehemiah 9:17

A jụ wẹ n'e gọnkọ wẹ ntịn, anyanhanzidẹni wẹ ọrụn-atụmẹnya ị rụnsọnmẹ imẹ igunrun wẹ; a gba wẹ isi akwanran tumẹrin ịhịan n'o dukin wẹ Ijiptu nwẹn wẹ te nọ wụ igbọn. Kanị Chuku hụn a gbagharị njọ k'ị wụ, onyẹ ẹfọma lẹ onyẹ e mẹyeni ịhịan, onyẹ ghalẹni e wekẹnrin iwe, onyẹ e nwọn ihiẹn-ọsụsụọ ọda-ọda, y'a gbakitọkwọnị wẹ azụụn —

Ẹbụ-ọma 145:8

Osolobuẹ e mẹyekẹni ịhịan; o mẹ omikẹn; ara bukẹnrin olulu; o nwọnkẹ ihiẹn-ọsụsụọ.

Ẹbụ-ọma 51:1

Dodo mẹ omikẹn m, Osolobuẹ, makẹ ufiri ihiẹn-ọsụsụọ ị; gi ufiri okẹn ẹfọma ị finchanpụ njọ ile m mẹ i!

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Ọpụpụ 33:19

Osolobuẹ nọ sị a, “M sikọ nwan d'a ghafe ihun i, ghọsị ị mma m ile, kpọ ẹfan m wụ Osolobuẹ idẹnya ị: onyẹ m chọ nị m mẹni ọhụnma kẹ m k'e mẹni ọhụnma, onyẹ m chọ nị m mẹni omikẹn kẹ m k'e mẹni omikẹn.

Azaya 63:7

M k'e ku oku ẹfọma ile Osolobuẹ mẹ, ihiẹn ndị o mẹ hụn w'e gi ja a mma; m k'e ku ihiẹn ile Osolobuẹ mẹni ẹnyi — ẹghẹẹ, ihiẹn-ọma bu ọda o mẹni ikpụlọ Izrẹlụ, ihiẹn ndị o mẹ yeni omikẹn lẹ okẹn ẹfọma a.

Jerimaya 31:3

O nwọn ogẹn Osolobuẹ gi bịa d'e kunrun m, sị m, “Ihiẹn-ọsụsụọ ghalẹni a gụ kẹ m nwọn ebe ụnụ rị. Ya haịn m gilẹni e mẹbehi ụnụ kẹ ndị nke m.

Daniẹlụ 9:9

Di-nwọnni-ẹnyi hụn wụ Chuku ẹnyi wụ onyẹ omikẹn lẹ onyẹ mgbagharị, ọ sụọn'a nị ẹnyi e nupụgụọ isi okpuru ẹ —

Jona 4:2

Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan.

Luku 1:78

Ihiẹnni jẹnkọ d'e mẹ makẹ ẹfọma lẹ omikẹn Osolobuẹ ẹnyi, hụn anwụn elu-igwee e gi bịa d'a wanị ẹnyi,

Ndị Rom 10:12

Makẹni ẹka ohu kẹ Osolobuẹ gi e sọn ịhịan ile, kẹ ndị Ju kẹ ndị wụlẹni ndị Ju. Osolobuẹ ohu ahụn wụ Osolobuẹ ịhịan ile. O hu ngọzi ẹ e kpu onyẹ ọwụlẹ kpọkun'ẹ mmagi-mmagi.

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Ndị Rom 5:8

Kanị, nke Osolobuẹ, ọ ghọsịgụọ ẹnyi n'o nwọn ihiẹn-ọsụsụọ ẹnyi ọda-ọda ebe Kraịstị nọ nwụnnị ẹnyi kẹ ẹnyi rịkwọ imẹ njọ!

Ndị Rom 9:23

Kị rị a omẹni o gi ẹ ghọsị ndị ọ chọ n'o mẹni omikẹn ikẹn ẹ hi ogbe, ndị ọ sị o k'e ye ọghọ,

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 2:7

Osolobuẹ mẹ ọnwan n'o gi ẹfọma o mẹni ẹnyi imẹ Kraịstị Jizọsị ghọsị agbọ ile lalanị ẹfọma a ka ẹfọma,

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Tẹsalonika Nke Ẹbụọ 2:13

Kanị, nke ụnụ, umunẹ ẹnyi, ndị rị Di-nwọnni-ẹnyi obi, ẹnyi k'a gha e yerịrị Osolobuẹ ekele makẹ ufiri ụnụ. Makẹni, Osolobuẹ họtọ ụnụ isi mbidọn nọkẹ ihiẹn-ugbo ibuzọ, kẹni ụnụ nwọn nzụọpụha, ghahanị odidọn-nsọ Mmọn-nsọ lẹ ikwerini ezioku.

Timoti Ibuzọ 1:14

Di-nwọnni-ẹnyi gi ẹka rị mma sọn m, mẹni m omikẹn ọda-ọda, wezi okukwe lẹ ihiẹn-ọsụsụọ rị imẹ Jizọsị ye m ọda-ọda.

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.