Ndị Ẹfẹsọsụ 2:20 - Ika

²⁰ Osolobuẹ a tụngụọ ụnụ nọkẹ ụlọ ye elu iyetọ ahụn wụ ndị-ozi pụ-ichẹn lẹ ndị-amụma. Ọmụma gi ụlọ ahụn wụ Jesu Kristi lẹ enwẹn ẹ.

Ndị Ẹfẹsọsụ 2:20 ပူးပေါင်းရင်းမြစ်များ

Ndị-nze Nke Ibuzọ 7:11

Ọmụma ndị ọzọ rịzị mma wẹ besọnmẹ kẹ wẹ dọn chọ lẹ ogwe sida rịsọnmẹ elu ndịnị.

Ẹbụ-ọma 118:22

Ọmụma ndị rị a tụn ụlọ jụtọ, e họnringụọ ọmụma gi ụlọ!

Itẹn 9:1

Amamihiẹn a tụngụọ ụnọ a; o gbegụọn'a adansụn ẹsa k'e kwọndọnn'ẹ.

Azaya 28:16

Osolobuẹ hụn nwọn ikẹn ile sị nwan, “Lee ni ẹnya, m rị e butọ ọmụma imẹ Zayọnụ, ọmụma wẹ lelegụ ọhụnma; ọmụma rị mkpa hụn wụ iyetọ; uhue ehuekọ onyẹ gi ẹ dọn ẹnya.

Zẹkaraya 10:4

M k'a gha imẹ Juda weli ndị-ọkịkị ile: kẹ ọmụma gi ụlọ kẹ mkpụkpọ kẹ ụta-agha.

Matiu 16:18

M rị a gwa ị, ẹfan ị wụ Ọmụma; m jẹnkọ d'a tụn ụka m ye elu ọmụmanị, ọnwụn asaẹka mẹri ẹ.

Matiu 21:42

“Jizọsị nọ sị wẹ: Ụnụ e ke gụntu ihiẹn Ẹkụkwọ-nsọ ku? Ẹkụkwọ-nsọ sị, ‘Ọmụma hụ ndị a tụn ụlọ jụ, a wụrụọlẹ hụn gi ụlọ; Ẹka Di-nwọnni-ẹnyi mẹ ihiẹnni, ọ tụka ẹnyi ẹnya!’

Ndị Kọrẹntị Ibuzọ 12:28

Imẹ ndị ụka, Osolobuẹ e tumẹgụọ ndị rị ichẹn-ichẹn: nke ibuzọ wụ ndị-ozi pụ-ichẹn; nke ẹbụọ wụ ndị-amụma lẹ ndị e zi ozi Osolobuẹ; nke ẹtọ wụ ndị-nkuzi; ndị ọzọ wụ ndị a rụn ọrụn-atụmẹnya, ndị a zụọ emu, ndị e yeni ndị ọzọ ẹka, ndị nwọn oyiye ịkị-ọkịkị lẹ ndị a sụ asụsụ rị ichẹn-ichẹn.

Ndị Galeshịa 2:9

Ogẹn Jemisi lẹ Pita lẹ Jọnụ, ndị wẹ weri kẹ ndị-isi, gi hụn nị ẹka Osolobuẹ rị imẹ m, wẹ nọ na mmẹ lẹ Banabasị ẹka, nị ẹnyi lẹ wẹ wụ ohu, nị ẹnyi gha a rụn imẹ ndị wụlẹni ndị Ju, hụn wụ ndị kwalẹni ugun, wẹ nwẹn hụ a rụn imẹ ndị Ju, hụn wụ ndị kwa ugun.

Ndị Ẹfẹsọsụ 3:5

Osolobuẹ aghọsịnị ndị mbụ ya k'o dọn nwan ghọsị ndị-ozi nsọ a pụ-ichẹn lẹ ndị-amụma nsọ a ya ogẹnni ghahanị Mmọn-nsọ.

Ndị Kolosị 2:7

gba nị nwan nkpọgụn imẹ ẹ, e shi elu kẹ ụlọ wẹ rị a tụn, e turukẹnmẹ imẹ okukwe Kraịstị kẹ wẹ dọn kuzi ụnụ ya, a kpanmịn Osolobuẹ ogẹn ile.

Pita Ibuzọ 2:6

Makẹni, Ẹkụkwọ-nsọ e kugụ a, sị, “Lee n'ẹ, m rị e butọ ọmụma imẹ obodo Zayọnụ, ọmụma gin'ẹ; ọmụma m họrị ahọrị, hụn rịgbu enwẹn ẹ mkpa. Ifẹnrẹn emẹkọ onyẹ kwerinin'ẹ.”

Rẹvẹleshọnụ 21:14

Mgbọn obodo ahụn rị elu ọmụma mmẹbụọ wẹ gi gben'ẹ iyetọ. Wẹ desọnmẹ ẹfan ndị-ozi pụ-ichẹn mmẹbụọ Nwa-ebulu hụ ye ọmụma ndị ahụn.