Ndị Ẹfẹsọsụ 2:17 - Ika

¹⁷ Ya Kraịstị nọ bịa d'e zi ịhịan ile ozi udọn ahụn: kẹ ụnụ ndị alị ndị ọzọ rị ebe teni kẹ ndị Ju rị nsue.

Ndị Ẹfẹsọsụ 2:17 ပူးပေါင်းရင်းမြစ်များ

Ẹbụ-ọma 148:14

O wepụhagụọnị ndị nke ẹ mpịn hụn a lụnị wẹ ọgụn, ihiẹn wẹ gi ye ndị e mẹ uche ẹ ọghọ, ndị Izrẹlụ, ndị ahụn nọkunmẹn'ẹ. Ja nị Osolobuẹ mma!

Ẹbụ-ọma 75:1

Chuku, ẹnyi a kpanmịn ị; ẹnyi a kpanmịn ị; ị rị nsue! Wẹ hụ e ku oku ọrụn atụmẹnya ị!

Ẹbụ-ọma 85:10

Ihiẹn-ọsụsụọ lẹ ezioku e kunrun; Ezi-omumẹ lẹ Ọrịrịmma e dide.

Azaya 27:5

Omẹni achọnị wẹ nsọngbu, wẹ bịakwọ d'e gbọnni m; wẹ bịa d'a rịọ m; wẹ bịakwọ d'a rịọ m.”

Azaya 52:7

Ụkụ ndịnị fetula ugu arịka mma-o! Ụkụ ndị ahụn wela ozi rị mma! Ndị bịa d'e ku ni ihiẹn a rịgụọ mma, ndị wẹhẹ ozi rị mma, ndị rị a hị nị nzụọpụha a bịagụọ, ndị rị a sị ndị Zayọnụ, “Chuku ụnụ wụ eze!”

Zẹkaraya 9:10

M k'a zapụchanrịn ụgbọ-anyịnyan ile rị alị Ifrem: zapụchanrịn ẹshin-agha rị Jerusalẹm; ụta-agha arịkọzị. Eze ụnụ ahụn k'e wẹhẹni alị ichẹn-ichẹn udọn; o k'a kị ụwa ile — gha ohimin d'e ru ohimin, gha Iyi Yufretisi d'e ru njẹndemẹ ụwa!

Matiu 10:13

Omẹni ndị rị ụlọ hụ e furughọ nke-esi, ụw'ọma ụnụ kele a bọ wẹ; kanị omẹni efuruni wẹ, ụw'ọma ụnụ kele e kinhẹnni ụnụ.

Luku 15:8

“Ra elee okpoho nwọn egho ọrụn akpọhịn iri, egho ọrụn akpọhịn e tuhu, hụn jẹnkọlẹni d'a mụye ukpẹ, zachanrịn mmụlọ iwe ẹ, chọ a ntan, chọ a imọn d'e ru n'ọ hụn a?

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ọrụn Ndị-ozi 2:39

Makẹni ụnụ kẹ Osolobuẹ kwe nkwanị n'o k'e zihẹ Mmọn-nsọ — ụnụ lẹ ụmụ ụnụ lẹ ndị rị ebe teni — onyẹ ọwụlẹ Di-nwọnni-ẹnyi wụ Osolobuẹ ẹnyi k'a kpọ oku.”

Ndị Rom 10:14

Kanị, nanị w'a dọn kpọku onyẹ wẹ kelẹni kwerini? Nanị w'e dọn kwerini onyẹ wẹ kelẹni nụ ukwere ẹ? Nanị w'a dọn nụ omẹni e kuni wẹ oku ẹ?

Ndị Rom 5:1

Ebe o mẹ nwan nị Osolobuẹ e gigụọ okukwe ẹnyi kuni ẹnyi ọhụnma, ẹnyi lẹ Osolobuẹ e dọngụọ nwan ghahanị Di-nwọnni-ẹnyi wụ Jesu Kristi,

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ndị Ẹfẹsọsụ 4:21

Ẹghẹẹ, ụnụ a nụgụọ oku Kraịstị, makẹni a kuzigụọ wẹ ụnụ ụzọ a, kuzi ụnụ ezioku k'ọ rị imẹ Jesu:

Ditrọnọmi 4:7

Elee alị wụ okẹn alị ẹnịna? Alị hụn mmọn wẹ a nọkunmẹ wẹ ụdị hụn Osolobuẹ wụ Chuku ẹnyi a nọkunmẹ ẹnyi ogẹn ọwụlẹ ẹnyi kpọ a?