Ndị Ẹfẹsọsụ 2:14 - Ika

¹⁴ Makẹni, Kraịstị lẹ enwẹn ẹ e wẹhẹgụọnị ẹnyi udọn: o mẹgụọ ndị Ju lẹ ndị alị ọzọ wụrụ ohu. O gigụọ ẹhụ a lẹ ọnwụn a titu mgbọn te kebeni wẹ e buhẹ eṅẹnrẹn,

Ndị Ẹfẹsọsụ 2:14 ပူးပေါင်းရင်းမြစ်များ

Ẹsta 3:8

Ya Hamanị nọ sị eze wụ Ahazẹrusu, “O nwọn ndị rị ichẹn hụn rị imẹ igunrun alị ichẹn-ichẹn Azụụn ile rị alị-eze i. Ọdịnanị wẹ rị ichẹn ebe nke alị ndị ọzọ ile rị, w'ara dọnmẹ iwu eze. Ọ rịnị mma nị eze gba wẹ nkịtịn.

Maịka 5:5

O k'e mẹ udọn rị. Ndị Asiria a banhan alị ẹnyi; ụkụ wẹ ru ụlọ-uku ndị rị alị ẹnyi, ẹnyi e wepụhanị wẹ ndị-ndu ẹsa zu ọnụ, madụ ẹsatọ-dẹ hụn ru ogo.

Zẹkaraya 6:13

Ịya sikọ d'a tụn Ụlọ-NSỌ Osolobuẹ; o k'e nwọn ọghọ ndị-nze; o k'a nọdị ukpo ẹ, kị. Ọ k'a wụzị onyẹ nchụn-ẹjan ebe ọ rị ukpo ẹ a kị. Ọrụn a ẹbụbụọnị k'a layechanrịn.’

Luku 1:79

o nwunmẹni ndị rị imẹ ishi ọnwụn rị a kpọ ihun; o mẹ ụkụ ẹnyi gha ụzọ udọn ihiẹn nọ a rị mma.”

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Jọnụ 10:16

M nwọn atụnrụn ndị ọzọ rịlẹni igunrunni. M jẹnkọ d'e wẹhẹzi wẹ; wẹ k'e gọn m ntịn. Wẹ ile a wụrụ igunrun ohu lẹ onyẹ-ndu ohu.

Jọnụ 11:52

Ẹlẹdẹ ndị Ju sụọ kẹ Jesu sikọ d'a nwụndọnni, n'o gizighọ ọnwụn a wegbama ndị nke Osolobuẹ ile rị ebe ọwụlẹ.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Ọrụn Ndị-ozi 10:28

Ọ nọ sị wẹ, “Ụnụ lẹ enwẹn ụnụ a marịnghọ nị Iwu kwọndọn onyẹ Ju sọn onyẹ alị ọzọ mẹkọ mọbụ jẹn iwe ẹ. Kanị Osolobuẹ a ghọsịgụọ m m'a kpọlẹ onyẹ ọwụlẹ ‘onyẹ w'a sọ’ mọbụ ‘onyẹ wẹ ghalẹni a nọkunmẹ’.

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ndị Rom 5:1

Ebe o mẹ nwan nị Osolobuẹ e gigụọ okukwe ẹnyi kuni ẹnyi ọhụnma, ẹnyi lẹ Osolobuẹ e dọngụọ nwan ghahanị Di-nwọnni-ẹnyi wụ Jesu Kristi,

Ndị Galeshịa 3:28

Ya wụ nị onwọnzini ihiẹn rị ichẹn ẹgbata ndị Ju lẹ ndị wụlẹni ndị Ju; ẹgbata igbọn lẹ onyẹ nwọn enwẹn ẹ; ẹgbata ikẹnnyẹ lẹ ikpoho: ẹnyi ile wụ ohu imẹ Kraịstị wụ Jizọsị.

Ndị Ẹfẹsọsụ 2:15

Iwu o wepụ k'o gi mẹ ẹ, Iwu lẹ ụmụ iwu lẹ ọdịnalị rịn'a. O mẹ ẹ kẹni o mẹmẹrin agbọ ọhụn gi nọkin ẹnya azụụn ẹbụbụọ ahụn wụ ndị Ju lẹ ndị alị ọzọ. Ẹrịra k'o dọn wẹhẹ udọn ẹgbata wẹ,

Ndị Ẹfẹsọsụ 2:17

Ya Kraịstị nọ bịa d'e zi ịhịan ile ozi udọn ahụn: kẹ ụnụ ndị alị ndị ọzọ rị ebe teni kẹ ndị Ju rị nsue.

Ndị Ẹfẹsọsụ 3:15

onyẹ hụn ezi-lẹ-ụlọ ile rị elu-igwee lẹ ụwa gha ẹka a nwọnhẹn ẹfan wẹ.

Ndị Ẹfẹsọsụ 4:16

Kraịstị gi ẹhụ hụ ile, hụn akwanran ile rịn'a gi wegbamachanrịn ihiẹn ile rịn'a, kwọndọn ọhụnma-ọhụnma; ịya rịzị e mẹ mkpamkpa ọwụlẹ a sa ẹka a rụn ọhụnma, hụn ẹhụ ile gi a rị ikẹn, e sue, ghahanị ihiẹn-ọsụsụọ.

Ndị Kolosị 1:20

Ọ sụọzịkwọ Osolobuẹ n'ọ gha ẹka a wekinhẹnni enwẹn ẹ ihiẹn ile o ke: kẹ wẹ rị elu-ụwa kẹ wẹ rị elu-igwee, ghahanị ẹdeke ẹ hụn wụ ndụn a ọ nọ elu-obe ye, hụn o gi wẹhẹ udọn.

Ndị Kolosị 2:20

O mẹ nwan nị ụnụ e sọngụọ Kraịstị nwụnhụn, ụnụ a nwụnnahịngụọ mmọn lẹ iwu ile wẹ gi e dọn ẹnya elu-ụwanị. Kị ụnụ a gbayeni nwan omẹnalị lekẹ sị ụnụ wụzị nke ụwa?

Ndị Kolosị 3:11

Imẹ ndụn ọhụnnị, onwọnzini ihiẹn nọ kẹ ndị Ju lẹ ndị wụlẹni ndị Ju mọbụ ndị kwa ugun lẹ ndị kwalẹni mọbụ ndị rị imẹ ọfịa lẹ ndị walẹni ẹnya mọbụ igbọn lẹ onyẹ nwọn enwẹn ẹ. Kraịstị sụọ wụ ihiẹn ile; Kraịstị rị imẹ wẹ ile.

Ndị Kolosị 3:15

A chọnị udọn ahụn Kraịstị e ye, e gi ẹ e lele ihiẹn ụnụ rị e mẹ, makẹni, ezioku-ezioku, ịya kẹ Osolobuẹ kpọnị ụnụ d'a rị ẹhụ ohu. A kpanmịn nị Osolobuẹ.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 7:2

Ebraham nọ kebe ihiẹn ile ọ bulụa agha ụzọ iri, we ụzọ ohu ye Mẹkizẹdẹkị. Nke ibuzọ, ẹfannị wụ Mẹkizẹdẹkị wụ “Eze Ezi-omumẹ”. Ọzọzị, Mẹkizẹdẹkịnị wụzị eze Salẹm, ya wụ “Eze Udọn.”