Ndị Ẹfẹsọsụ 2:11 - Ika

¹¹ Ebe ẹhụ rị, nyanhan nị nị ụnụ te wụ ndị alị ọzọ. Ndị Ju a kpọ ụnụ “ndị kwalẹni ugun,” a kpọ enwẹn wẹ “ndị kwa ugun” bụ ugun wẹ kwa ẹhụ mmaka rọ, ugun ịhịan kwa;

Ndị Ẹfẹsọsụ 2:11 ပူးပေါင်းရင်းမြစ်များ

Izikẹlụ 20:43

ụnụ a nyanhan obibi ụnụ lẹ ihiẹn ndị hụ ile ụnụ gi mẹrụ enwẹn ụnụ, ize enwẹn ụnụ a ban ụnụ makẹ eje-ihiẹn ndị hụ ile ụnụ mẹ.

Izikẹlụ 36:31

Ogẹn ahụn, ụnụ a nyanhan eje-obibi ụnụ lẹ eje-ihiẹn ndị hụ ụnụ mẹ, ize enwẹn ụnụ a ban ụnụ yeni njọ ụnụ lẹ arụ ile ụnụ mẹ.

Matiu 20:7

“Wẹ nọ sị a, ‘O ke nwọn onyẹ we ẹnyi ọrụn.’ Ọ nọ sị wẹ, ‘Ụnụ nwẹn jẹnmẹzikwọ nị d'a rụnnị m ọrụn imẹ ugbo-vaịnị m.’

Ndị Rom 11:17

Omẹni wẹ kwapụsọnmẹ agala olivu wẹ kụn, we ụnụ wụ agala olivu-ọfịa che olivu hụ d'e sọn agala ndị họdụnị ri erere rị olivu hụ,

Ndị Rom 2:26

O mẹ nwan nị ndị kwalẹni ugun e mẹ ihiẹn Iwu ku, ewerikọ wẹ wẹ nọkẹ ndị kwa ugun?

Ndị Rom 2:27

Ya wụ nị ndị kwalẹni ugun ẹhụ, bụ wẹ hụ e dọnmẹ Iwu hụ jẹnkọ d'a shịagbu ụnụ ẹri — makẹni ụnụ gi Iwu wẹ detu, ụnụ a kwagụọzị ugun bụ ụnụ hụzị a dan Iwu hụ.

Ndị Kọrẹntị Ibuzọ 12:2

Ụnụ a marịnghọ nị kẹ ụnụ kelẹni kweri, nị e dufieghọ wẹ ụnụ d'e sọnmẹ mmọn ichẹn-ichẹn ghalẹni e ku oku.

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Galeshịa 2:15

M nọzị sị Pita, “Ndị Ju mụ ẹnyi nwẹn; ẹnyi ẹlẹ ndị w'a kpọ ‘ndị wụlẹni ndị Ju, ndị omẹ-njọ.’

Ndị Galeshịa 6:12

Ndị rị a chọ nị wẹ gi ihiẹn ẹnya e legha dụ ẹka obi, uwẹ rị nwan a chọ nị wẹ wa ịkwa-ugun ye ụnụ olu. Wẹ rị e mẹ ẹ amamgbe wẹ e gi ufiri obe Kraịstị kpokpo wẹ.

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Ndị Ẹfẹsọsụ 5:8

Makẹni, ụnụ te rị imẹ ishi, kanị hụnnị ụnụ rị imẹ Di-nwọnni-ẹnyi, ụnụ wụ ukpẹ; e bi ni nwan kẹ ụmụ ukpẹ,

Ditrọnọmi 15:15

Nyanhankwọ nị ụnụ te wụ igbọn imẹ alị Ijiptu, Osolobuẹ wụ Chuku ụnụ nọ gbapụha ụnụ; ịya kẹ m gi rị e ye ụnụ iwuni tannị.

Ditrọnọmi 16:12

Nyanhankwọ n'ị te wụ igbọn imẹ alị Ijiptu, dọnrin ẹnya sọnchanrịn iwu ndịnị.

Ditrọnọmi 5:15

Nyanhankwọ nị igbọn kẹ ụnụ te wụ imẹ alị Ijiptu, Osolobuẹ wụ Chuku ụnụ nọ gi ẹka a zeni lẹ ikẹn ọ kpa wepụha ụnụ. Ya haịn Osolobuẹ wụ Chuku ụnụ gi nwan sị ụnụ zu ikẹn Ụhụọhịn Ezumikẹn.

Ditrọnọmi 8:2

Nyanhankwọ nị kẹ Osolobuẹ wụ Chuku ụnụ dọn du ụnụ hụn ahụn ile ụnụ rị imẹ atụ ọrọgbọ ahụa ọgụnnaịnị, gi ẹ welụa ụnụ isi alị, gi ẹ lele ụnụ, n'ọ hụn ụzọ marịn ihiẹn rị ụnụ obi, marịn kẹni ụnụ mẹ ihiẹn ọ sị ụnụ mẹ ra ụnụ emẹkọ a.

Ditrọnọmi 9:7

Nyanhan nị, azọkwọlẹ ni, kẹ ụnụ dọn kpasu Osolobuẹ wụ Chuku ụnụ iwe imẹ atụ. Gha ụhụọhịn ụnụ gha Ijiptu pụha d'e ru hụnnị ụnụ ru ebeni, isi-isi kẹ ụnụ rị e nupụnị Osolobuẹ.

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Ndị Kolosị 1:21

Mgbe mbụ, ẹgbata ụnụ lẹ Osolobuẹ arị mma: ụnụ wụ ndị iṅẹnrẹn ẹ yeni iroro ụnụ, ụnụ e bizikwọ eje-obibi.

Ndị Kolosị 2:11

Imẹ Kraịstị, a kwagụọ wẹ ụnụ ezigbo ugun hụn wẹ gilẹni ẹka kwa — ghahanị ibepụ onyẹ ahụn ẹnyi te wụ, ịkwa-ugun hụn wụ nke Kraịstị.

Ndị Kolosị 2:13

Ụnụ te nwụnhụn anwụnhụn yeni mmẹfie lẹ obibi ndị wẹ kwalẹni ezigbo ugun wepụ onyẹ wẹ te wụ, kanị Osolobuẹ nọ mẹ ụnụ sọn Kraịstị rị ndụn, ọ gbagharị ẹnyi njọ ile ẹnyi mẹ.

Ndị Kolosị 3:11

Imẹ ndụn ọhụnnị, onwọnzini ihiẹn nọ kẹ ndị Ju lẹ ndị wụlẹni ndị Ju mọbụ ndị kwa ugun lẹ ndị kwalẹni mọbụ ndị rị imẹ ọfịa lẹ ndị walẹni ẹnya mọbụ igbọn lẹ onyẹ nwọn enwẹn ẹ. Kraịstị sụọ wụ ihiẹn ile; Kraịstị rị imẹ wẹ ile.

Samuẹlụ Nke Ibuzọ 17:26

Defidi hụzị a jụ ndị wuzo ebe ọ rị, “Kịnị kẹ wẹ jẹnkọ d'e ye onyẹ gbu onyẹ Filistia-nị, wepụnị Izrẹlụ ifẹnrẹnni? Onyẹ wụdẹ nwan onyẹ Filistia-nị kwalẹni ugun, o gi a kpọ ndị-agha Chuku mgba, Chuku hụn rị ndụn?”

Samuẹlụ Nke Ibuzọ 17:36

Mmẹ odibo i e gbugụọ kẹ ẹwọrọ kẹ biẹ; onyẹ Filistia-nị kwalẹni ugun k'a nọ kẹ wẹ, makẹni ọ kpariọlẹ ndị-agha Chuku, Chuku hụn rị ndụn!