Ndị Ẹfẹsọsụ 1:9 - Ika

⁹ Ọ nọ nwan mẹ ẹnyi marịn ihiẹn o zuemẹye imẹ obi ẹ, ihiẹn hụn o rotọ n'o jẹnkọ d'a rụnpụha imẹ Kraịstị.

Ndị Ẹfẹsọsụ 1:9 ပူးပေါင်းရင်းမြစ်များ

Ẹbụ-ọma 33:11

Kanị ihiẹn Osolobuẹ romẹ k'a rị a bụn jẹnrin ejẹn, ihiẹn o bu obi k'a rị a gha ihun gha agbọ pụ agbọ.

Jerimaya 2:29

“Kị ụnụ rịdẹ nwan a manị m ikpe? Ụnụ ile nupụ isi okpuru m.” Ya kẹ Osolobuẹ ku.

Matiu 13:11

Ọ sị wẹ, “Nke ụnụ, e yegụọ wẹ ụnụ oghere ịmarịn banyeni ihiẹn-nzuzue Alị-eze elu-igwee, kanị eyeni wẹ wẹ oghere hụ.

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Ọrụn Ndị-ozi 13:48

Ogẹn ndị wụlẹni ndị Ju gi nụ ihiẹnni, ya wẹ nọ ghọghọma, jama oku Di-nwọnni-ẹnyi mma. Ndị ile wẹ họtọ nị wẹ nwọnrin ndụn-itẹbitẹ nọ kweri.

Ọrụn Ndị-ozi 2:23

Kanị ihiẹn Osolobuẹ rotọ kaye nọ mẹ, ụnụ nọ we ẹ ye ndị alị ọzọ marịnlẹni Osolobuẹ, wẹ nọ kpọgbuni ụnụ ya elu obe.

Ọrụn Ndị-ozi 4:28

Ya kẹ ihiẹn i kwademẹtọ nọ gha ẹka wẹ bụn.

Ndị Rom 11:25

Umunẹ m, m chọ nị ụnụ marịn ihiẹn-omimini, amamgbe ụnụ e ro nị ụnụ ka ndị ọzọ mkpa. Isi-akwanran Izrẹlụ k'e ruhụ ogẹn ndị wụlẹni ndị Ju banlanị e gi zu ọnụ.

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Kọrẹntị Ibuzọ 1:21

Makẹni ụwa asanị ẹka gi amamihiẹn marịn Osolobuẹ ebe ọ nọ e gi amamihiẹn ẹ e mẹ ihiẹn, ọ sụọ Osolobuẹ n'o gi “nzuzu” rị ozi ẹnyi rị e zi zụọpụha ndị hụn k'e kwerini.

Ndị Galeshịa 1:12

amụnarịnnị m ịhịan ya; ẹlẹ ịhịan kuzi m'ẹ. Kama, Jesu Kristi lẹ enwẹn ẹ we ẹ ghọsị m.

Ndị Galeshịa 1:15

Kanị, ogẹn o gi sụọ Osolobuẹ, hụn gi ẹfọma a họrị m kpọ m kẹ m rịdẹ ẹfọ nnẹ m,

Ndị Galeshịa 1:16

ọ nọ mẹ m marịn Nwa a, kẹni m zi ndị alị ndị ọzọ wụlẹni ndị Ju ozi Nwa a. Ogẹn o gi mẹ ẹ, ejẹnni m ozigbo d'a jụma ịhịan.

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Ndị Ẹfẹsọsụ 1:8

Osolobuẹ gi amamihiẹn lẹ nghọta ile mẹni ẹnyi okẹn ẹfọmanị.

Ndị Ẹfẹsọsụ 3:11

Makẹni, ịya kẹ Osolobuẹ rotọ ẹdẹi n'o k'e mẹ ghahanị Kraịstị wụ Jizọsị Di-nwọnni-ẹnyi —

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,