Ndị Ẹfẹsọsụ 1:7 - Ika

⁷ Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 1:7 ပူးပေါင်းရင်းမြစ်များ

Jobu 33:24

n'o mẹn'ẹ ọhụnma, sị, ‘Chuku, dodo anịl'a la mmọn, n'a hụngụọ m ihiẹn wẹ e gi gbarị a’ —

Ẹbụ-ọma 130:4

Kanị, y'a gbagharị njọ agbagharị, wẹ hụ e gi ufiri ẹ a gbaye i.

Ẹbụ-ọma 130:7

Ndị Izrẹlụ, gi ni Osolobuẹ dọn ẹnya! Makẹni, ara nwọnbehi ihiẹn-ọsụsụọ lẹ ni ọ gbapụha ịhịan ọda-ọda.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Ọpụpụ 34:7

e mẹni onyẹ nkẹ ẹ d'e rudẹ agbọ nnụ-nnụ, a gbagharị eje-ihiẹn, nnupụ-isi lẹ njọ — bụ ara nị onyẹ mẹ eje-ihiẹn la ọfẹ; o gi njọ nẹdi mẹ e sọn ụmụ lẹ ụmụ-ụmụ d'e ru agbọ nke ẹtọ lẹ nke ẹnọ.”

Azaya 43:25

Mmẹ rị e finchanpụ mmẹfie ụnụ, mmẹ lẹ enwẹn m; makẹ ufiri mmẹ lẹ enwẹn m, anyanhankọzị m njọ ọnụ.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Daniẹlụ 9:19

Di-nwọnni-ẹnyi, dodo gọn ntịn! Di-nwọnni-ẹnyi, dodo gbagharị! Di-nwọnni-ẹnyi, dodo nụ nwan, nị ị hụn ụzọ mẹ ihiẹn banyen'ẹ! Chuku m, dodo, makẹ ufiri i, ebielẹ — makẹni Ẹfan ị kẹ obodo i lẹ ndị nke i a za.”

Daniẹlụ 9:9

Di-nwọnni-ẹnyi hụn wụ Chuku ẹnyi wụ onyẹ omikẹn lẹ onyẹ mgbagharị, ọ sụọn'a nị ẹnyi e nupụgụọ isi okpuru ẹ —

Jona 4:2

Ya Jona nọ mẹ ekpere sị Osolobuẹ, “Heuu Osolobuẹ! Ekuni m'ẹ nị m d'a gha ụlọ buli n'i jẹnkọ d'e mẹ ẹnịna? Ịya haịn m te gi gbashikọ Tashishi. Amarịnghọ m n'ị wụ Chuku hụn e ro ịhịan, n'i wụ Onyẹ-omikẹn; nị y'a ra bukẹnrin olulu; nị y'e nwọnkẹ ihiẹn-ọsụsụọ ịhịan, nị y'e rohutọ a latọ afụnfụn i te k'e ye ịhịan.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Zẹkaraya 9:11

Nke ụnụ Izrẹlụ, m k'e gi ufiri ẹdeke mmẹ lẹ ụnụ gi kwerigbama, gbapụha ndị nke ụnụ imẹ mgbugbu ahụn mirin rịlẹni wẹ buche wẹ.

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Matiu 6:12

gbagharị ẹnyi eje-ihiẹn ẹnyi mẹ, kẹ ẹnyi dọn gbagharị ndị mẹ ẹnyi eje-ihiẹn.

Makị 14:24

Ọ nọ sị wẹ, “Ọnwan wụ ẹdeke m wẹ gi ufiri ndị bu ọda hupụ; ẹdeke m wẹ gi biye ẹka nkwerigbama Osolobuẹ tumẹ ẹgbata ya lẹ ndị nke ẹ.

Luku 1:77

i jẹnkọ d'e mẹ ndị nke ẹ marịn kẹ w'e dọn nwọnhẹn nzụọpụha ghahanị inwọnhẹn mgbagharị njọ.

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Jọnụ 20:23

Ụnụ gbagharị ịhịan njọ wẹ, Osolobuẹ a gbagharị wẹ ya; ụnụ agbagharịnị ịhịan njọ wẹ, Osolobuẹ agbagharịkọ wẹ.”

Ọrụn Ndị-ozi 10:43

Ndị-amụma ile shịan'a ẹri nị onyẹ ọwụlẹ kwerinin'ẹ gi ẹfan a e nwọnrin mgbagharị njọ.”

Ọrụn Ndị-ozi 2:38

Pita nọ za wẹ, sị, “Onyẹ-onyẹ imẹ ụnụ ya rogharị, ni wẹ gi ẹfan Jizọs Kraịstị mẹ ẹ mirin-Chuku, Osolobuẹ a gbagharị a njọ, ogẹn ahụn, o nwọnhẹn oyiye hụ wụ Mmọn-nsọ.

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ọrụn Ndị-ozi 3:19

Rogharị nị nwan ụnụ e kinhẹn n'o finchanpụ ụnụ njọ,

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Ndị Rom 3:24

wẹ rị nwan e ye wẹ ezi-omumẹ e ye makẹ ẹfọma Osolobuẹ, makẹni o tumẹgụọ ihiẹn wẹ gi a gbarị isi imẹ Kraịstị wụ Jizọsị.

Ndị Rom 3:25

Makẹni, Osolobuẹ we Jesu ye, gi ẹ họnrin ẹjan wẹ e gi wepụ njọ jẹnni onyẹ hụn gi ẹdeke ẹ hụn wụ ọnwụn a dọn, kẹni o we ẹnya nị Osolobuẹ wụkwọ onyẹ ezi-omumẹ ghalẹni a kwadọn njọ ebe ọ nọ din ndidin fepụ ẹnya njọ ịhịan mẹ mbụ.

Ndị Rom 9:23

Kị rị a omẹni o gi ẹ ghọsị ndị ọ chọ n'o mẹni omikẹn ikẹn ẹ hi ogbe, ndị ọ sị o k'e ye ọghọ,

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Nke Ẹbụọ 8:9

Makẹni, ụnụ a marịnghọ ẹfọma Onyẹ-nwọnni-ẹnyi wụ Jesu Kristi mẹ: nị, ọsụọn'a n'ọ wụ ọdanfịn, o gi ufiri ụnụ họnrin ogbẹnnyẹ kẹni ụnụ gi ogbẹnnyẹ o dan wụrụ ndị ịdanfịn.

Ndị Ẹfẹsọsụ 1:14

makẹni Mmọn-nsọ k'o bu ụzọ e ye nọkẹ mbi, o kebe bịa d'e gbarị ndị ọ ṅọntọgụ. Osolobuẹ mẹ ẹ kẹni ụnụ nwẹn wụrụzị ihiẹn wẹ gi a ja Osolobuẹ mma n'o hikẹ ogbe!

Ndị Ẹfẹsọsụ 1:18

M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Ndị Ẹfẹsọsụ 1:8

Osolobuẹ gi amamihiẹn lẹ nghọta ile mẹni ẹnyi okẹn ẹfọmanị.

Ndị Ẹfẹsọsụ 2:4

Kanị, makẹni Osolobuẹ e mẹkẹ onyẹ-omikẹn, makẹni o nwọn okẹn ihiẹn-ọsụsụọ ebe ẹnyi rị —

Ndị Ẹfẹsọsụ 2:7

Osolobuẹ mẹ ọnwan n'o gi ẹfọma o mẹni ẹnyi imẹ Kraịstị Jizọsị ghọsị agbọ ile lalanị ẹfọma a ka ẹfọma,

Ndị Ẹfẹsọsụ 3:16

M rị a rịọ a n'o gi ihiẹn ahụn ile o nwọn ye ụnụ ikẹn ụnụ e gi ze imẹ obi ụnụ ghahanị Mmọn-nsọ a.

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Filipi 4:19

Chuku m jẹnkọ d'e yechanrịn ụnụ ihiẹn ile rị ụnụ mkpa. O k'e ye ụnụ ya mmagi-mmagi kẹ akụ-lẹ-ụba a han imẹ Kraịstị wụ Jesu.

Ndị Kolosị 1:14

onyẹ hụn o gi ẹdeke ẹ gbapụha ẹnyi, gbagharị ẹnyi njọ.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 2:13

Ụnụ te nwụnhụn anwụnhụn yeni mmẹfie lẹ obibi ndị wẹ kwalẹni ezigbo ugun wepụ onyẹ wẹ te wụ, kanị Osolobuẹ nọ mẹ ụnụ sọn Kraịstị rị ndụn, ọ gbagharị ẹnyi njọ ile ẹnyi mẹ.

Ndị Kolosị 2:2

M rị a lụ nị ndụn ban wẹ obi lẹ nị wẹ wụrụ ndị wẹ gi ihiẹn-ọsụsụọ kwọngbama, kẹni ihiẹn Osolobuẹ wechanrịn wẹ ẹnya hụn obi e gi ruchanrịn wẹ alị, a marịn wẹ ihiẹn-omimi Osolobuẹ, hụn wụ Kraịstị lẹ enwẹn ẹ,

Timoti Ibuzọ 2:6

hụn we enwẹn ẹ ye, kẹni ọ wụrụ ihiẹn w'e gi gbapụha ịhịan ile. Osolobuẹ a shịagụọ ẹri banyeni ihiẹnni ogẹn furuni.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Taịtọsụ 3:6

Mmọn-nsọ hụn o ghaha ẹka Jesu Kristi Onyẹ-nzụọpụha ẹnyi hukpu ẹnyi ọhụnma-ọhụnma.

Hibru 9:22

Okpuru Iwu Mozizi, o d'a wụrụ nị ẹdeke kẹ wẹ gi e dọn ihiẹn ile nsọ: omẹni ẹdeke arịa, mgbagharị njọ arịkọ.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Jọnụ Ibuzọ 2:12

Ụmụẹka, m rị e deni ụnụ nị m gi gwa ụnụ nị Osolobuẹ e gigụọ ufiri ẹfan Jizọsị gbagharị ụnụ njọ.

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Jọnụ Ibuzọ 4:10

Ọnwan wụ ihiẹn-ọsụsụọ: ẹlẹni ẹnyi e nwọn ihiẹn-ọsụsụọ Osolobuẹ, kanị Osolobuẹ nọ nwọn ihiẹn-ọsụsụọ ẹnyi, gi ẹ zihẹ Nwa a n'ọ wụrụ ẹjan wẹ gi wepụ njọ ẹnyi.

Rẹvẹleshọnụ 14:4

Ndịnị wụ ndị gilẹni ikpoho mẹrụ enwẹn wẹ, wẹ wụ ikẹnnyẹ marịnlẹni ikpoho. W'e sọn Nwa-ebulu hụ ebe ọwụlẹ o jẹnkọ. Osolobuẹ lẹ Nwa-ebulu hụ a ghagụọ imẹ ịhịan ile gbapụha ndịnị nọkẹ mkpụrụ-ibuzọ.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.