Ndị Ẹfẹsọsụ 1:4 - Ika

⁴ Nị Osolobuẹ d'e kedẹ ụwa, ọ họtọgụọlẹ ẹnyi imẹ Kraịstị makẹni o nwọn ihiẹn-ọsụsụọ ẹnyi, nị ẹnyi jẹnkọ d'a wụrụn'a ndị rị nsọ, nwọnlẹni nkọrịanị.

Ndị Ẹfẹsọsụ 1:4 ပူးပေါင်းရင်းမြစ်များ

Samuẹlụ Nke Ẹbụọ 22:24

Enwọn m nkọrịanị ẹnya a, e dọnmẹgụọ m enwẹn m amamgbe m'e mẹ njọ.

Ẹbụ-ọma 135:4

Makẹni Osolobuẹ a họrịgụọ Jekọpụ n'ọ wụrụ nke ẹ; ọ họrịgụọ Izrẹlụ n'ọ wụrụ ihiẹn ẹ pụ-ichẹn.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Lẹvitikọsụ 19:2

“Gwa ndị Izrẹlụ ile oku, sị wẹ: Rị nị nsọ makẹni mmẹ Osolobuẹ hụn wụ Chuku ụnụ, m rị nsọ.

Lẹvitikọsụ 20:7

“E dọnmẹ ni enwẹn ụnụ ichẹn, a rị nị nsọ; makẹni mmẹ wụ Osolobuẹ, Chuku ụnụ.

Matiu 24:22

Omẹni ebelụanị wẹ ogẹn hụ, onwọnni onyẹ k'a wanahịnnị; kanị, Osolobuẹ k'e gi ufiri ndị Osolobuẹ họrị belụa ogẹn nsọngbu ahụn.

Matiu 24:24

Makẹni, ndị kpọ enwẹn wẹ Kraịstị lẹ ndị amụma-ntụ jẹnkọ d'a pụha, rụnsọnmẹ okẹn ihiẹn-ahịma lẹ ọrụn-atụmẹnya, kẹni wẹ dufie ịhịan, dufiedẹ ndị Osolobuẹ họrị omẹni o te k'a nị wẹ mẹ.

Matiu 24:31

O sikọ d'e gi okẹn opi hannị zipụ ndị mmọn-ozi ẹ ẹbamịn ẹnịnọ d'e wegbama ndị nke Osolobuẹ rị ebe ile ụwa ru.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Jọnụ 10:16

M nwọn atụnrụn ndị ọzọ rịlẹni igunrunni. M jẹnkọ d'e wẹhẹzi wẹ; wẹ k'e gọn m ntịn. Wẹ ile a wụrụ igunrun ohu lẹ onyẹ-ndu ohu.

Jọnụ 15:16

“Ẹlẹ ụnụ họrị m; kaka, mmẹ họrị ụnụ, tumẹ ụnụ kẹni ụnụ d'a mị mkpụrụ — mkpụrụ hụn sikọ d'a rịsọnmẹni, kẹni Chuku-Nẹdi ye ụnụ ihiẹn ọwụlẹ ụnụ gi ẹfan m rịọ.

Jọnụ 17:24

“Baba! M chọ nị ndị ile i ye m sọn m rị ebe m rị, nị wẹ hụn ọghọ m, ọghọ hụn i ye m makẹni i nwọn ihiẹn-ọsụsụọ m n'i d'e kedẹ ụwa.

Ọrụn Ndị-ozi 13:48

Ogẹn ndị wụlẹni ndị Ju gi nụ ihiẹnni, ya wẹ nọ ghọghọma, jama oku Di-nwọnni-ẹnyi mma. Ndị ile wẹ họtọ nị wẹ nwọnrin ndụn-itẹbitẹ nọ kweri.

Ọrụn Ndị-ozi 15:18

marịn ihiẹn ndịnị ketekete ku.’

Ọrụn Ndị-ozi 18:10

makẹni m rị ị azụụn. Onwọnni onyẹ k'e mẹtụ ị ẹka, mẹ i ihiẹn ọwụlẹ, makẹni m nwọn ndị bu ọda imẹ obodoni.”

Ndị Rom 8:33

Onyẹ k'a sa nwan ẹka ma ndị Osolobuẹ họrị ikpe, ebe o mẹ ni Osolobuẹ lẹ enwẹn ẹ rị e kuni wẹ ọhụnma?

Ndị Kọrẹntị Ibuzọ 1:8

Onyẹ-nwọnni-ẹnyi Jizọs Kraịstị k'e mẹ ụnụ turu d'e ru njẹndemẹ, makẹ ụnụ gha e nwọn nkọrịanị Ụhụọhịn Onyẹ-nwọnni-ẹnyi Jizọs Kraịstị.

Ndị Galeshịa 5:13

Ụnụ nwẹn, Osolobuẹ kpọ ụnụ d'e weri enwẹn ụnụ, umunẹ m, ka egikwọlẹ ni nị ụnụ nwọn enwẹn ụnụ mẹmẹ k'ọ rị ụnụ; ka gi ni ihiẹn-ọsụsụọ e fetarị ibe ụnụ.

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ndị Ẹfẹsọsụ 3:17

M rịzị a rịọ a nị ụnụ wụrụ ndị Kraịstị birichanrịn imẹ obi wẹ makẹni ụnụ hụ e gi oku ẹ e dọn; ụnụ a nọ imẹ ihiẹn-ọsụsụọ gba mkpọgụn, gi ẹ turu ọhụnma —

Ndị Ẹfẹsọsụ 4:2

E welụachanrịn nị enwẹn ụnụ alị, e mẹ ni jụụ; e gi ni ndidin e sọn ibe ụnụ makẹ ufiri ihiẹn-ọsụsụọ.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Ẹfẹsọsụ 5:27

kẹni o wepụha ụka ọghọ jun ẹhụ ihun ẹ, ẹlẹ ụka nwọn ntụpọ mọbụ se alịlị mọbụ ihiẹn ọwụlẹ nọ ẹrịra, kama n'ọ hụn ụzọ wụrụ ụka rị nsọ, nwọnlẹni ihiẹn wẹ gi kọrịan'a.

Ndị Filipi 2:15

kẹni ụnụ wụrụ ndị nwọnlẹni nkọrịanị, ndị ẹka wẹ rị ọchan; ụmụ Osolobuẹ obibi wẹ nwọnlẹni ntụpọ hụn bi imẹ eje-agbọ zinrinlẹni, e nwun, e ke, imẹ ụwanị kẹ kokisẹ.

Ndị Kolosị 1:22

Kanị Kraịstị e gigụọ nwan ẹhụ o gi bi elu-ụwanị dọnzi ẹgbata ụnụ lẹ Osolobuẹ, ghahanị ọnwụn a, kẹni o wepụha ụnụ ihun ẹ kẹ ndị rị nsọ, nwọnlẹni nkarụ mọbụ nkọrịanị,

Ndị Kolosị 2:2

M rị a lụ nị ndụn ban wẹ obi lẹ nị wẹ wụrụ ndị wẹ gi ihiẹn-ọsụsụọ kwọngbama, kẹni ihiẹn Osolobuẹ wechanrịn wẹ ẹnya hụn obi e gi ruchanrịn wẹ alị, a marịn wẹ ihiẹn-omimi Osolobuẹ, hụn wụ Kraịstị lẹ enwẹn ẹ,

Ndị Kolosị 3:12

Nọkẹ ndị Chuku họrị, ndị rị nsọ, ndị rị a obi, yiri ni nwan omikẹn lẹ ẹfọma, iwelụa enwẹn ụnụ alị, imẹ-jụụ lẹ ndidin.

Ndị Tẹsalonika Ibuzọ 3:12

Di-nwọnni-ẹnyi ya mẹzikwọ ụnụ nwọnwaye ihiẹn-ọsụsụọ ibe ụnụ lẹ ndị ọzọ ile — kẹ ihiẹn-ọsụsụọ ẹnyi nwọn ebe ụnụ rị dọn rị a waye,

Ndị Tẹsalonika Ibuzọ 4:7

Makẹni, ẹlẹ obibi ru unyin kẹ Osolobuẹ kpọ ẹnyi d'e bi, kanị obibi rị ọchan.

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Timoti Nke Ẹbụọ 2:10

Ya haịn m gi e dingbuchanrịn ihiẹn ile makẹ ufiri ndị Osolobuẹ họrị, kẹni wẹ nwẹn nwọnhẹnzi nzụọpụha rị imẹ Kraịstị wụ Jizọsị lẹ ọghọ itẹbitẹ rịn'a.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Jemisi 2:5

Ezigbo umunẹ m m bu obi, gọn ni ntịn! Osolobuẹ a họrịgụọnị ndị wụ igbẹnnyẹ imẹ ụwanị mẹ wẹ wụrụ ndị-ịdanfịn imẹ okukwe, wụrụzị ndị k'a banye Alị-eze hụ o kwe nkwa n'o k'e ye ndị ihiẹn ẹ a sụọ?

Pita Ibuzọ 1:2

ndị Chuku Nẹdi họtọ, gi Mmọn-nsọ dọn wẹ nsọ, kẹni wẹ hụn ụzọ humẹni Jizọsị Kraịstị isi, wụrụ ndị wẹ gi ẹdeke ẹ fepụ ẹhụ njọ. Ẹfọma lẹ udọn ya rịnị ụnụ mmagi-mmagi.

Pita Ibuzọ 1:20

hụn Osolobuẹ họtọ n'o d'e ke ụwa, gi ufiri ụnụ wepụha a ogẹn ikpanzụụnnị.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Pita Nke Ẹbụọ 3:14

Ezi umunẹ m, ebe o mẹni ụnụ rị a tụ ẹnya ihiẹn ndịnị, lịlịma nị nwan nị ụnụ wụrụ ndị nwọnlẹni nkọrịanị mọbụ ebe wẹ nọ rụ ẹnya a, ndị ẹgbata ya lẹ wẹ rị mma.

Jọnụ Ibuzọ 4:16

Ẹnyi a marịnọlẹ nwan nị Osolobuẹ nwọn ihiẹn-ọsụsụọ ẹnyi, ẹnyi e giọl'a dọn. Osolobuẹ wụ ihiẹn-ọsụsụọ. Onyẹ hụn gi ihiẹn-ọsụsụọ e bi rị imẹ Osolobuẹ, Osolobuẹ lẹ enwẹn ẹ rị imẹ onyẹ hụ.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 17:8

“Eje-anụ ufie hụ ị hụn te rị mbụ; ọ rịzị a nwan; kanị, o d'a gha mgbugbu hụ migbu enwẹn ẹ pụha. Ọ pụhagụ, ọ la ntikpọ. Ogẹn ndị rị elu-ụwa k'e gi hụn kẹ eje-anụ ufie hụ pụhazị, ndị ahụn ile wẹ deyelẹni ẹfan wẹ imẹ ẹkụkwọ ndụn-itẹbitẹ ogẹn ụwa gi bidọn, o k'a tụ wẹ ẹnya. Makẹni, o te rị arị, bụ ọ rịzị a nwan, kanị ọ lalazị alala.