Ndị Ẹfẹsọsụ 1:3 - Ika

³ Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Ndị Ẹfẹsọsụ 1:3 ပူးပေါင်းရင်းမြစ်များ

Jẹnẹsisi 14:20

Ịja-mma y'a rịnị Chuku hụn kachanrịnnị, hụn ye i mmẹri ebe ndị iṅẹnrẹn i rị.” Ebram nọ kebe ihiẹn o bukinhẹn ụzọ iri, we ụzọ ohu ye Mẹkizẹdẹkị.

Jẹnẹsisi 22:18

ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”

Ihiẹn Mẹni Nke Ibuzọ 29:20

Ya kẹ Defidi nọ sị ndị Izrẹlụ ile zuni, “Ja nị Osolobuẹ wụ Chuku ọnụ mma.” Wẹ ile nọ ja Osolobuẹ wụ Chuku ndị nẹdi wẹ mma; wẹ nọ hulụa isi, yechanrịn Osolobuẹ lẹ eze ọghọ.

Ihiẹn Mẹni Nke Ibuzọ 4:10

Jabẹzi nọ kpọku Chuku Izrẹlụ, sị, “Dodo gọzi m, y'e weshịa alị m! Ẹka ị ya rị imẹ ndụn m; anịlẹ ihiẹn ọwụlẹ k'e buhẹni m ụfụ mẹ m!” Chuku nọ mẹn'ẹ ihiẹn ọ rịọ.

Ihiẹn Mẹni Nke Ẹbụọ 31:8

Ogẹn Hezikaya lẹ ịhaịmẹ ẹ gi bịa, hụn elumelu ihiẹn ndị hụ wẹ butọsọnmẹ, wẹ nọ ja Osolobuẹ mma, gọzi ndị nke ẹ wụ Izrẹlụ.

Nehemiah 9:5

Ya ndị Livaị wụ Jeshụa lẹ Kad'miẹlụ lẹ Bani lẹ Hashab'neya lẹ Shẹrẹbịa lẹ Hodia lẹ Shẹbania lẹ Pẹtahia nọ hị: “Lihi ni ja Osolobuẹ wụ Chuku ụnụ mma, Onyẹ hụn nwọnlẹni mbidọn mọbụ ọgụgụ!” “Ịja-mma ya rịnị ẹfan ị hụn nwọn ọghọ; wẹ ye ẹfan ị ọghọ hụn karị ekele ile lẹ ịja-mma ile.

Ẹbụ-ọma 134:3

Osolobuẹ ya gha Zayọnụ gọzi ụnụ, Osolobuẹ hụn ke elu-igwee lẹ ụwa.

Ẹbụ-ọma 72:17

Ẹfan eze ya agụlẹ kaka jẹnrin ejẹn; ẹfan a ya rịsọnmẹ, ẹnyanwụn e we gụ. Alị ile wẹ gi ẹ e nwọnrin ngọzi; alị ile wẹ kpọma a onyẹ wẹ gọzi.

Ẹbụ-ọma 72:19

Ọjịja-mma ya rịnị ẹfan a jẹnrin ejẹn. Ọghọ a ya pụha ifọn elu-ụwa ile. Isẹẹ! Isẹẹ!!

Azaya 61:9

Wẹ k'a nụ ẹfan ẹbozo wẹ imẹ alị ndị ọzọ; ẹfan ụmụ wẹ k'a kpọgbarị imẹ alị ichẹn-ichẹn. Ndị ile hụnnị wẹ k'a marịn nị wẹ wụ ndị Osolobuẹ gọzi.

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Luku 2:28

Simiọnụ nọ parị a, ja Osolobuẹ mma, sị,

Jọnụ 14:20

O ru ụhụọhịn hụ, ụnụ jẹnkọ d'a marịn nị m rị imẹ Nẹdi m, nị ụnụ rị imẹ m, mmẹ nwẹn rị imẹ ụnụ.

Jọnụ 17:21

kẹni wẹ ile wụrụ ohu, nọkẹ kẹ ịyụ, Baba, dọn rị imẹ m, mmẹ nwẹn hụ imẹ i; m rị a rịọ nị wẹ rịzịkwọ imẹ ẹnyi — kẹni ụwa kweri nị ịyụ zihẹ m.

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Ndị Rom 12:5

ẹrịra kẹ ẹnyi hụn bu ọda dọn wụ ẹhụ ohu imẹ Kraịstị kanị mkpamkpa ichẹn-ichẹn.

Ndị Rom 15:6

kẹni ụnụ ile gi olu ohu e ye Osolobuẹ Nẹdi Di-nwọnni-ẹnyi Jizọsị Kraịstị ọghọ.

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Ibuzọ 12:12

Ẹhụ ohu nwọn mkpamkpa ẹhụ bu ọda, kanị mkpamkpa ndị hụ ile bu ọda wụhụ ẹhụ ohu. Ẹrịra k'ọ rịzị ẹhụ Kraịstị.

Ndị Kọrẹntị Nke Ẹbụọ 1:3

Ọjịja-mma ya rịnị Chuku, Nẹdi Di-nwọnni-ẹnyi wụ Jizọs Kraịstị. Nẹdi omikẹn lẹ Chuku hụn a kasị ịhịan obi ọda-ọda k'ọ wụ;

Ndị Kọrẹntị Nke Ẹbụọ 11:31

Osolobuẹ hụn wụ Chuku lẹ Nẹdi Di-nwọnni-ẹnyi wụ Jesu, onyẹ w'a ja mma jẹnrin ejẹn, a marịnghọ nị ẹlẹ m rị a tụ ntụ.

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Galeshịa 3:9

Ya wụ, ndị hụn kwerini k'e sọn Ebraham hụn kwerini wụrụ ndị wẹ gọzi.

Ndị Ẹfẹsọsụ 1:10

Ihiẹnni k'o rotọ: nị ogẹn zu, o wegbama ihiẹn ile che okpuru Kraịstị — kẹ ihiẹn rị elu-igwee kẹ ihiẹn rị elu-ụwa.

Ndị Ẹfẹsọsụ 1:17

m'a rịọsọnmẹ Osolobuẹ Di-nwọnni-ẹnyi Jesu Kristi, Nẹdi hụn kachanrịnnị, n'o ye ụnụ mmọn ịghọta-ihiẹn, a ghọsịsọnmẹ ụnụ ihiẹn, kẹ ụnụ dọn rị a marịnwaye ẹ.

Ndị Ẹfẹsọsụ 1:20

ikẹn hụ o gi gha ọnwụn weli Kraịstị, m'ẹ nọdị alị ẹka-nni ẹ imẹ elu-igwee;

Ndị Ẹfẹsọsụ 2:6

Osolobuẹ a ghagụ ọnwụn weli ẹnyi, ọ nọ weshi ẹnyi elu k'o dọn weshi Kraịstị, mẹ ẹnyi sọn Kraịstị Jizọsị nọdị alị imẹ elu-igwee makẹni ẹnyi rị imẹ Kraịstị.

Ndị Ẹfẹsọsụ 3:10

kẹni o gi ụka ghọsị ndị-ọkịkị lẹ eje-mmọn ile ikẹn rị ẹka wẹ imẹ elu amamihiẹn Osolobuẹ hụn nwọn agala bu ọda.

Ndị Ẹfẹsọsụ 6:12

Makẹni, ẹlẹ ịhịan nwọn ẹhụ lẹ ẹdeke kẹ ẹnyi lẹ wẹ rị a lụ ọgụn, kanị, eje-mmọn rị ichẹn-ichẹn: ndị-isi eje-mmọn lẹ ndị-ọkịkị wẹ lẹ eje-mmọn ndị rị e mẹ eluni a gba ishi lẹ mmọn ile rị imẹ elu rị a kwadọn njọ kẹ ẹnyi lẹ wẹ rị a lụ.

Ndị Filipi 2:11

ọnụ ile k'e kurịrị a nị Jesu Kristi wụ Onyẹ nwọn ihiẹn ile, ọghọ e gi ẹ bịanị Chuku-Nẹdi.

Hibru 8:5

Ọrụn ịchụn-ẹjan wẹ ẹlẹ nke ezigbo ẹ, o yihụ nke ezigbo ẹ rị elu-igwee eyi. Makẹni, ogẹn Mozizi gi jẹnkọ d'a rụn Ọdụ-ofufe hụ, Osolobuẹ gwa a oku, sị a, “Hụnkwọ a nị ị rụn ihiẹn ile n'o yi hụn wẹ ghọsị ị elu-ugu.”

Hibru 9:23

Onyinyọn mmakalaka rị a ghọsị ezigbo ẹ rị elu-igwee kẹ wẹ gi omẹnalị ndị ahụn ile e dọn nsọ. Ya wụ nị ẹjan ka ndị hụ mma kẹ ezigbo ẹ rị elu-igwee chọ.

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.