Ndị Ẹfẹsọsụ 1:18 - Ika

¹⁸ M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 1:18 ပူးပေါင်းရင်းမြစ်များ

Jobu 42:5

Ọnụnụ mmakalaka kẹ ntịn m te nụ banyeni i, kanị ẹnya m a hụngụọ ị nwan.

Ẹbụ-ọma 119:18

Shịapụ m ẹnya, nị m hụn okẹn-ihiẹn rịsọnmẹ iwu i.

Azaya 11:2

Mmọn Osolobuẹ k'a rị imẹ ẹ — Mmọn amamihiẹn lẹ nghọta; Mmọn ndụnmọdụn, Mmọn o gi e nwọn ikẹn; Mmọn o gi a marịn ihiẹn, Mmọn o gi a tụ egun Osolobuẹ;

Azaya 29:10

Osolobuẹ a tụgụọ ụnụ okẹn-ụran; o kpumẹgụọ ụnụ ẹnya — ụnụ ndị-amụma, kpumẹ ụnụ isi — ụnụ ndị a hụn ụzọ.

Azaya 29:18

O ru ogẹn ahụn, ndị odin jẹnkọ d'a nụ ihiẹn wẹ rị a gụnnị wẹ imẹ ẹkụkwọ; ndị ẹnya-mpịn rị imẹ ụya lẹ ẹkpa-ishi e leghama ụzọ.

Azaya 32:3

Ufiri wẹ, ẹnya ndị e legha ụzọ ekpukọ isi, ntịn ndị a nụ ihiẹn k'e gọn ntịn.

Azaya 42:7

kẹn'i shịapụ ndị ẹnya-ishi ẹnya, wepụha ndị rị imẹ ngan, wepụhazịkwọ ndị ishi kpọma ẹgan.

Azaya 6:10

Kpọkin ndịnị obi; kụkin wẹ ntịn, y'e kpumẹ wẹ ẹnya. Amamgbe w'e gi ẹnya wẹ legha ụzọ, gi ntịn wẹ nụ, gi obi wẹ ghọta, hutọ, nwọnrin nzụọrị.”

Matiu 13:15

makẹni ndịnị ara ghọha, ntịn wẹ a kpọkingụọ, a nyụnmagụọ wẹ ẹnya, amamgbe w'e gi ẹnya wẹ legha ụzọ, gi ntịn wẹ nụ ihiẹn, gi obi wẹ ghọha, e rogharị wẹ d'e kunrun m, a zụọ m wẹ. Ya kẹ Osolobuẹ ku.’

Makị 10:17

Hụn Jesu gi pụkọ, okẹnnyẹ ohu nọ gbaha d'e gbun'ẹ osekpu, sị a, “Ezigbo onyẹ nkuzi, kị m'e mẹ ni m nwọnhẹn ndụn-itẹbitẹ?”

Luku 24:45

Ya ọ nọ shịapụ wẹ obi kẹni wẹ saẹka ghọta Ẹkụkwọ-nsọ,

Ọrụn Ndị-ozi 16:14

Okpoho ohu w'a kpọ Lidia hụ e gọn ntịn; onyẹ obodo Tịatira rọ; o re ẹkwa a ṅanrannị; o sọn ndị Ju e fe Osolobuẹ. Di-nwọnni-ẹnyi shịapụ a obi, ọ nọ gi ihiẹn Pọlụ rị e ku dọn.

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Rom 11:29

Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Galeshịa 5:5

Kanị, okukwe lẹ ikẹn Mmọn-nsọ kẹ ẹnyi nwẹn rị e gi che nị Osolobuẹ kuni ẹnyi ọhụnma ahụn ẹnyi rị a tụ ẹnya a.

Ndị Ẹfẹsọsụ 1:11

Makẹni ẹnyi rị imẹ Kraịstị, ihiẹn Osolobuẹ a wụrụgụọ nke ẹnyi, makẹni Osolobuẹ hụn e mẹ ihiẹn ile n'o gi ẹ mẹzu uche ẹ gi ẹka a họtọ ẹnyi n'o gi ẹnyi mẹzu uche ẹ.

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 2:12

nyanhan nị nị, ụnụ arị imẹ Kraịstị ogẹn ahụn; ụnụ arị ebọn Izrẹlụ; ụnụ arị nkwerigbama Osolobuẹ lẹ nkwa o kwe, elu ụwa ụnụ rị, ụnụ enwọn olilẹnya, ụnụ enwọn Osolobuẹ.

Ndị Ẹfẹsọsụ 3:16

M rị a rịọ a n'o gi ihiẹn ahụn ile o nwọn ye ụnụ ikẹn ụnụ e gi ze imẹ obi ụnụ ghahanị Mmọn-nsọ a.

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Ẹfẹsọsụ 4:1

Mmẹ hụn wụ onyẹ-ngan makẹni m rị e jẹnni Di-nwọnni-ẹnyi ozi rị nwan a rịọ ụnụ nị ụnụ bi obibi furu ọkpụkpọ Osolobuẹ kpọ ụnụ.

Ndị Ẹfẹsọsụ 4:4

Ẹhụ ohu lẹ Mmọn-nsọ ohu rọ nọkẹ k'o dọn mẹni olilẹnya ohu kẹ Osolobuẹ kpọ ụnụ d'e nwọn.

Ndị Ẹfẹsọsụ 5:8

Makẹni, ụnụ te rị imẹ ishi, kanị hụnnị ụnụ rị imẹ Di-nwọnni-ẹnyi, ụnụ wụ ukpẹ; e bi ni nwan kẹ ụmụ ukpẹ,

Ndị Filipi 3:14

M'a lịlịma, e buchanrịn ihun e zinmẹ ebe m gbakọ, kẹni m nwọnhẹn ihiẹn hụn Osolobuẹ kpọnị ẹnyi oku elu-igwee rị imẹ Kraịstị wụ Jizọsị.

Ndị Kolosị 1:12

a kpanmịn Nẹdi ẹnyi hụn mẹ nwan ụnụ ru ogo ụnụ gi rị ndị nwọn ihiẹn o butọnị ndị-nsọ a makẹni wẹ rị imẹ ukpẹ.

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 1:5

ufiri nị ụnụ rị e lee ẹnya ihiẹn hụ Osolobuẹ dọnmẹni ụnụ elu-igwee, hụn ụnụ nụ ogẹn wẹ gi zi ụnụ ozi hụ wụ ezioku, hụn wụ oziọma.

Ndị Kolosị 2:2

M rị a lụ nị ndụn ban wẹ obi lẹ nị wẹ wụrụ ndị wẹ gi ihiẹn-ọsụsụọ kwọngbama, kẹni ihiẹn Osolobuẹ wechanrịn wẹ ẹnya hụn obi e gi ruchanrịn wẹ alị, a marịn wẹ ihiẹn-omimi Osolobuẹ, hụn wụ Kraịstị lẹ enwẹn ẹ,

Ndị Kolosị 3:15

A chọnị udọn ahụn Kraịstị e ye, e gi ẹ e lele ihiẹn ụnụ rị e mẹ, makẹni, ezioku-ezioku, ịya kẹ Osolobuẹ kpọnị ụnụ d'a rị ẹhụ ohu. A kpanmịn nị Osolobuẹ.

Ndị Tẹsalonika Ibuzọ 2:12

a dụn ụnụ ọdụn, a gba ụnụ umẹ, a rịọ ụnụ, nị ụnụ e bi obibi furu Osolobuẹ hụn kpọbanhan ụnụ Alị-eze ẹ lẹ ọghọ a.

Ndị Tẹsalonika Ibuzọ 5:8

Kanị, ebe o mẹni ẹnyi wụ ndị e bi ebe eki rị elu, nị ẹnyi dọnrin ni nwan ẹnya; nị ẹnyi yiri okukwe lẹ ihiẹn-ọsụsụọ kẹ ẹwuru igwe onyẹ-agha gi e gbọndọn obi ẹ, ẹnyi e yiri olilẹnya nzụọpụha nọkẹ okpu onyẹ-agha gi e gbọndọn isi ẹ.

Ndị Tẹsalonika Nke Ẹbụọ 1:11

Ya haịn ẹnyi gi e mẹni ụnụ ekpere ogẹn ile, a rịọ Osolobuẹ ẹnyi n'o mẹ ụnụ a ghọsị nị oku ọ kpọ ụnụ alanị iwi; n'o gi ikẹn ẹ mẹ ihiẹn-ọma ile ụnụ chọ lẹ ọrụn ọwụlẹ ụnụ gi okukwe a rụn;

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Timoti Ibuzọ 6:12

Lụ ezigbo ọgụn ahụn okukwe ẹnyi chọ; kwọnkẹnmẹ ndụn itẹbitẹ hụn Osolobuẹ gi ufiri ẹ kpọ ị, hụn i gizi ufiri ẹ nọ idẹnya ndị bu ọda ku ẹ n'i kwerichanrịnnị Jizọsị.

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Hibru 10:32

Ka nyanhan nị ọrụrụ-alị hụ ụnụ kweri, ogẹn ụnụ gi leghama ukpẹ; nyanhan nị ọnwụn ụnụ shi lẹ afụnfụn ụnụ dingbu,

Hibru 6:4

Makẹni, oghere w'e gi wekinhẹn ịhịan d'e rogharịzị arịa, omẹni Osolobuẹ e te shịapụgụọ a ẹnya, ọ danmịngụ oyiye elu-igwee, Mmọn-nsọ e rugụ a ẹka;

Pita Ibuzọ 1:3

Ọjịja-mma ya rịnị Osolobuẹ hụn wụ Chuku lẹ Nẹdi Onyẹ-nwọnni-ẹnyi wụ Jizọs Kraịstị! O gigụọ okẹn omikẹn ẹ mụdọnzi ẹnyi, mụ ẹnyi ye imẹ olilẹnya ọhụn rị ndụn ghahanị ịgha ọnwụn weli Jizọsị.

Pita Ibuzọ 3:9

Emẹgwarịkwọlẹ ni ịhịan eje-ihiẹn mọbụ kpọgwarị wẹ iyi. Kama, gọzi ni wẹ, makẹni ngọzi kẹ Osolobuẹ kpọ ụnụ d'e weri.

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.