Ndị Ẹfẹsọsụ 1:17 - Ika

¹⁷ m'a rịọsọnmẹ Osolobuẹ Di-nwọnni-ẹnyi Jesu Kristi, Nẹdi hụn kachanrịnnị, n'o ye ụnụ mmọn ịghọta-ihiẹn, a ghọsịsọnmẹ ụnụ ihiẹn, kẹ ụnụ dọn rị a marịnwaye ẹ.

Ndị Ẹfẹsọsụ 1:17 ပူးပေါင်းရင်းမြစ်များ

Azaya 11:2

Mmọn Osolobuẹ k'a rị imẹ ẹ — Mmọn amamihiẹn lẹ nghọta; Mmọn ndụnmọdụn, Mmọn o gi e nwọn ikẹn; Mmọn o gi a marịn ihiẹn, Mmọn o gi a tụ egun Osolobuẹ;

Itẹn 2:5

ogẹn ahụn kẹ y'e gi marịn ịtụ egun Osolobuẹ, wụrụzịkwọ onyẹ marịn Chuku.

Pita Nke Ẹbụọ 1:3

Makẹni, o gigụọ ikẹn o gi wụ Chuku ye ẹnyi ihiẹn ile ẹnyi e gi bi elu lẹ hụn ẹnyi e gi fe Osolobuẹ. Ẹnyi e nwọnhẹn ihiẹn ndịnị ghahanị ọmarịn ẹnyi marịn Jesu hụn kpọ ẹnyi d'e sọn ẹ nwọnrin ihiẹn ile o nwọn, sọn ẹ rị ọchan.

Pita Nke Ẹbụọ 3:18

Kama, gi ni ẹfọma Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi e suewaye imẹ okukwe; a marịnwayezi ni Di-nwọnni-ẹnyi. Ọghọ ya rịn'a ogẹnni, rịzịkwọn'a jẹnrin ejẹn, d'e ru ụhụọhịn ikpanzụụn! Isẹẹ.

Ndị Ẹfẹsọsụ 1:3

Ekele ya rịnị Osolobuẹ, hụn wụ Chuku lẹ Nẹdi Onyẹ-nwọnni-ẹnyi wụ Jesu Kristi, makẹni o yeọlẹ ẹnyi ngọzi imẹ-mmọn ile rị elu-igwee makẹni ẹnyi rị imẹ Kraịstị.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Ndị Kọrẹntị Ibuzọ 2:10

Chuku a ghọsịgụọ ẹnyi ihiẹn ndịnị ghahanị Mmọn-nsọ a, makẹni Mmọn-nsọ marịn ihiẹn ile, kẹ ihiẹn nzuzue Osolobuẹ.

Jerimaya 24:7

M k'e ye wẹ obi wẹ k'e gi marịn nị mmẹ wụ Osolobuẹ; a wụrụ wẹ ndị nke m, a wụrụ m Chuku wẹ — makẹni wẹ k'e gi obi wẹ ile kinhẹn d'e kunrun m.

Ndị Ẹfẹsọsụ 3:5

Osolobuẹ aghọsịnị ndị mbụ ya k'o dọn nwan ghọsị ndị-ozi nsọ a pụ-ichẹn lẹ ndị-amụma nsọ a ya ogẹnni ghahanị Mmọn-nsọ.

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Ọrụn Ndị-ozi 6:10

Kanị asanị wẹ ẹka sọn amamihiẹn lẹ Mmọn-nsọ hụn Stivini gi e ku oku dọ.

Matiu 6:13

Edulẹ ẹnyi ye imẹ ọnwụnwan, ka gbapụha ẹnyi imẹ eje-ihiẹn.’

Jọnụ 14:26

kanị, Mmọn-nsọ, Onyẹ eyemẹka, hụn Chuku-Nẹdi jẹnkọ d'e gi ẹfan m zihẹ, jẹnkọ d'a kuzi ụnụ ihiẹn ile; o k'a nyanhannị ụnụ ihiẹn ile m gwa ụnụ.

Ndị Kọrẹntị Nke Ẹbụọ 12:1

Ọ rị mkpa nị m nyansọnmẹ isini — ọsụọn'a n'o nwọnni erere ọ ban. Nị m ku nwan oku ọhụn ndị m hụn lẹ ihiẹn Di-nwọnni-ẹnyi ghọsịsọnmẹ m.

Luku 21:15

Makẹni m sikọ d'e ye ụnụ amamihiẹn lẹ oku-ọnụ hụn ndị ikpe ụnụ jẹnkọlẹni d'a saẹka shịarị mọbụ papụ.

Ẹbụ-ọma 24:7

Ọnụ-mgbọn ndịnị, gụnpụ nị; Ọnụmụzọ ẹdẹi ndịnị, wẹ gụnpụ ụnụ, kẹni Eze nwọn ọghọ banhan.

Ndị Kọrẹntị Ibuzọ 12:8

Mmọn-nsọ ye onyẹ ohu oyiye igi amamihiẹn e ku; Mmọn-nsọ ohu hụ yezikwọ onyẹ ọzọ oyiye o gi ku oku ịhịan e gi marịn ihiẹn ọ marịnlẹni.

Ndị Kọrẹntị Ibuzọ 2:8

Onwọnni onyẹ-ọkịkị ụwanị marịn ihiẹnni; omẹni wẹ te marịn a, wẹ eke kpọgbu Onyẹ nwọn ọghọ ile.

Ndị Rom 15:6

kẹni ụnụ ile gi olu ohu e ye Osolobuẹ Nẹdi Di-nwọnni-ẹnyi Jizọsị Kraịstị ọghọ.

Jọnụ 16:3

Wẹ jẹnkọ d'e mẹ ẹ makẹlẹ amarịn wẹ Chuku-Nẹdi, amarịn wẹ m.

Daniẹlụ 10:1

Nke ahụa ẹtọ Saịrọsị wụ eze Pẹshịa kịma, o nwọn ihiẹn Osolobuẹ ghọsị Daniẹlụ. W'a kpọzị Daniẹlụ Bẹlụtẹshaza. Ihiẹn ọ ghọsị Daniẹlụ wụ ezioku, oku okẹn agha rọ. Imẹ ọhụn kẹ Daniẹlụ nọ ghọta ihiẹn hụn ọ ghọsị a.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Jọnụ 14:17

Mmọn-nsọ a ghọsị ezioku rọ; ụwa as'ẹka nabanhan a makẹni ụwa ara hụn a, ụwa amarịn a. Kanị ụnụ a marịnghọ a, makẹni o sọn ụnụ nọdị, o k'e bisọnmẹ imẹ ụnụ.

Matiu 16:17

Jizọsị nọ sị a, “Onyẹ wẹ gọzi agọzi k'ị wụ Saịmọnụ nwa Jona! Makẹni ẹlẹ ịhịan ghọsị ị ihiẹnni; Nẹdi m rị elu-igwee ghọsị ị ya.

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Jerimaya 9:24

onyẹ k'a nyan isi ya gi ọnwan nyan isi: n'ọ marịnghọ m lẹni ọ ghọtaghọ m — nị m wụ Osolobuẹ, onyẹ hụn e gi ẹfọma lẹ ezioku lẹ ezi-omumẹ e mẹ ihiẹn elu-ụwa, makẹni uwẹ nwọn a sụọ m.” Ya kẹ Osolobuẹ ku.

Jerimaya 2:11

o nwọntughọ alị latọ mmọn wẹ femẹ ọzọ? Ọsụọn'a nị mmọn ndị ahụn ẹlẹ ezigbo ẹ. Bụ ndị nke m a latọgụọ mmẹ hụn wụ ọghọ wẹ, gi mmọn nwọnlẹni isi nọkin ẹnya m.

Ẹbụ-ọma 24:10

Onyẹ wụdẹ Ezeni nwọn ọghọ? Osolobuẹ hụn Nwọn ikẹn ile — ịya wụ Eze ahụn nwọn ọghọ. Sẹla

Rẹvẹleshọnụ 7:12

a bụ ẹbụnị: “Isẹẹ! Ịja-mma lẹ ọghọ lẹ amamihiẹn lẹ ekele lẹ mgbaye lẹ ikẹn lẹ akwanran wụ nke Chuku ẹnyi jẹnrin ejẹn! Isẹẹ!”

Taịtọsụ 1:1

Mmẹ wụ Pọlụ de ẹkụkwọ-ozini. M wụ igbọn Osolobuẹ lẹ onyẹ-ozi pụ-ichẹn Jizọs Kraịstị. Ọrụn m wụ ịkwadọn okukwe ndị hụ Osolobuẹ họrị lẹ imẹ ịhịan marịn ezioku wẹ gi e fe Osolobuẹ k'o furu.

Daniẹlụ 5:11

O nwọnghọ okẹnnyẹ rị alị-eze i hụn nwọn mmọn rị nsọ imẹ ẹ. Ogẹn nẹdi i gi a kị, wẹ hụn a n'o nwọn nghọta, nwọn uche, nwọn amamihiẹn — nọkẹ mmọn. Eze wụ Nebukadineza hụn wụ nẹdi i, nẹdi i ebe oche-eze rị — tumẹ ẹ onyẹ-isi ndị-ihẹnrẹn lẹ ndị a gwọ ọgụn lẹ ndị ile a hụn ụzọ lẹ ndị a gba ẹfa; ẹghẹẹ nẹdi i tumẹ ẹ.

Ihiẹn Mẹni Nke Ibuzọ 29:11

Ịyụ kachanrịn, ikẹn wụzịkwọ nke i; ọghọ lẹ ikpẹn lẹ mgbaye wụchanrịn nke i — makẹni ihiẹn ile rị igwere lẹ ụwa wụ nke i. Alị eze wụ nke i, Osolobuẹ; ịyụ ka ihiẹn ile.

Jemisi 2:1

Umunẹ m, egbeyelẹni ni ịhịan ebe o mẹni ụnụ e fe Di-nwọnni-ẹnyi wụ Jesu Kristi, Onyẹ ahụn kachanrịnnị.

Ndị Kọrẹntị Ibuzọ 14:6

Umunẹ m, lee n'ẹ nwan: m bịa ebe ụnụ rị, nị a sụma m asụsụ ọzọ, nanị o dọn bannị ụnụ erere? Mmanị m gwapụ ụnụ ihiẹn Osolobuẹ ghọsị m mọbụ ihiẹn ụnụ marịnlẹni mọbụ zi ụnụ ozi Osolobuẹ zi mọbụ kuzi ụnụ ihiẹn?

Luku 12:12

Makẹni, ogẹn ru, Mmọn-nsọ jẹnkọ d'a gwa ụnụ ihiẹn furu ụnụ k'e ku.”

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Ẹbụ-ọma 29:3

Olu Osolobuẹ rị elu mirin a han; Chuku nwọn ọghọ gi akpara (akpabọ) e ku, Osolobuẹ rị e gi akpabọ a ban mban elu okẹn mirin ndị ahụn.

Timoti Nke Ẹbụọ 2:25

e gi nwayọ a kọwanị ndị ghalẹni e kweyen'ẹ, makẹni Osolobuẹ nwọn ikẹn mẹ wẹ rogharị, bịa d'a marịn ezioku,

Ndị Rom 1:28

Makẹni ekwerini wẹ mẹ nọkẹ sị a marịnghọ wẹ Osolobuẹ, Osolobuẹ nọ la wẹ tọnị uche wẹ ahụn la iwi kẹni wẹ mẹsọnmẹ ihiẹn furulẹni,

Ọrụn Ndị-ozi 7:2

Stivini nọ za, sị, “Umunẹ m lẹ ndị nẹdi ẹnyi, gọn nị m ntịn! Osolobuẹ hụn nwọn ọghọ bịa d'e kunrun nẹdi ẹnyi kanị wụ Ebraham imẹ alị Mẹsopotemịa. Ebraham eke jẹn alị Haranị d'e biri ogẹn ahụn.

Ọpụpụ 28:3

Gwa ndị ọkaa ile, ndị m ye akọ-lẹ-uche w'e gi mẹ ihiẹn ndị nọ ẹnịna, wẹ k'e mẹmẹni Ẹrọnụ ẹkwa ndị w'e gi dọn ẹ nsọ, n'ọ hụn ụzọ rụnmanị m ọrụn ịchụn-ẹjan.

Jobu 42:5

Ọnụnụ mmakalaka kẹ ntịn m te nụ banyeni i, kanị ẹnya m a hụngụọ ị nwan.

Itẹn 18:15

Ndị nwọn uche a s'ẹka a marịn ihiẹn — ntịn ndị marịn ihiẹn a chọpụha amamihiẹn.

Ndị Ẹfẹsọsụ 4:13

D'e ru ni ẹnyi ile a wụrụ ohu imẹ ofufe Jesu lẹ ịmarịn Nwa Osolobuẹ, wụrụ ndị ka ẹhụ, sueruchanrịn ogo Kraịstị, nọchanrịn kẹ ya;

Ndị Filipi 3:15

Ya wụ, ẹnyi ile ka ẹhụ imẹ Kraịstị furu nwan nị ẹnyi e nwọn ụdị agụngụnnị. O mẹ nwan nị ịhịan rị e ro ihiẹn ichẹn, Osolobuẹ k'e mẹ ẹ ghọta.

Matiu 20:33

Wẹ nọ sị a, “Di-nwọnni-ẹnyi, ẹnyi chọ nị ẹnyi leghama ụzọ.”