Ndị Ẹfẹsọsụ 1:13 - Ika

¹³ Ụnụ nwẹn e họnrinzighọ ndị nke Kraịstị kẹ ụnụ nụ oku hụ wụ ezioku, kweri — oziọma ahụn ụnụ gi nwọnrin nzụọpụha. Ụnụ e kwerigụnị Jesu, Osolobuẹ nọ bu Mmọn-nsọ o kwe nkwa a che imẹ ndụn ụnụ, gi ẹ yi ụnụ ahịma a,

Ndị Ẹfẹsọsụ 1:13 ပူးပေါင်းရင်းမြစ်များ

Ẹbụ-ọma 119:43

Dodo, ewepụkwọlẹ ezioku ọnụ m, makẹni uhi i kẹ m rị e lee ẹnya;

Juwẹlụ 2:28

“Ọnwan mẹgụ, m k'e hu Mmọn m kpu ịhịan ile: ụmụ ụnụ ikẹnnyẹ lẹ ikpoho k'e bu amụma; ikẹnnyẹ-ọba ụnụ k'a rọ nrọ; ikoro ụnụ k'a hụn ọhụn.

Luku 11:13

O mẹ nwan nị ụnụ ndị-njọ ma ye ụmụ ụnụ ihiẹn rị mma, nanị Nẹdi ahụn rị elu-igwee k'e yehan ndị rịọ a Mmọn-nsọ? O yekarịkọ ụnụ?”

Luku 24:49

Lee n'ẹ, m zilanị ụnụ Mmọn-nsọ ahụn Nẹdi m kwe nkwa a. Ka cherikwọ nị imẹ obodo ebeni d'e ru n'e yimẹgụ wẹ ụnụ ikẹn ahụn gha Elu-igwee bịa.”

Jọnụ 1:17

Osolobuẹ ye Iwu ghahanị Mozizi; kanị ẹfọma lẹ ezioku gha ẹka Jesu Kristi bịa.

Jọnụ 14:26

kanị, Mmọn-nsọ, Onyẹ eyemẹka, hụn Chuku-Nẹdi jẹnkọ d'e gi ẹfan m zihẹ, jẹnkọ d'a kuzi ụnụ ihiẹn ile; o k'a nyanhannị ụnụ ihiẹn ile m gwa ụnụ.

Jọnụ 15:26

“Onyẹ Eyemẹka ahụn Chuku-nẹdi k'e ye m zihẹni ụnụ bịa, ịya sikọ d'e ku oku m: Mmọn-nsọ hụn a ghọsị ezioku rọ, hụn gha imẹ Chuku-nẹdi lala.

Jọnụ 3:33

Onyẹ gi oku ẹ dọn a ghọsịọlẹ nị Osolobuẹ wụ onyẹ-ezioku.

Jọnụ 6:27

Egizilẹ ni ufiri ihiẹn-oriri e wiwini a rụngbu enwẹn ụnụ, kanị ihiẹn-oriri hụn sikọ d'a rị jẹnrin ejẹn, e ye ndụn itẹbitẹ, ihiẹn-oriri ahụn Nwa nke Ịhịan jẹnkọ d'e ye ụnụ, makẹni Nwa nke Ịhịan kẹ Chuku-Nẹdi tumẹ.”

Ọrụn Ndị-ozi 1:4

Ụhụọhịn ohu, ebe ya lẹ wẹ rị e ri ihiẹn-oriri, ọ nọ sị wẹ, “Aghakwọlẹ ni Jerusalẹm pụ; ka cheri ni onyẹ ahụn Nẹdi m kwe nkwa n'o k'e zihẹ, hụn m gwa ụnụ oku ẹ.

Ọrụn Ndị-ozi 13:26

“Umunẹ m ndị ebọn Ebraham lẹ ndị a tụ egun Osolobuẹ imẹ ụnụ, e zihẹgụọnị wẹ ẹnyi oziọma nzụọpụhanị.

Ọrụn Ndị-ozi 2:33

Osolobuẹ e weshigụọ a elu-igwee ebe ọghọ rị ẹka-nni Osolobuẹ; ọ nahangụọ Chuku-Nẹdi Mmọn-nsọ hụ Chuku-Nẹdi kwe nkwa a, ọ nọ nwan hupụha ihiẹnni ụnụ rị a hụn lẹ hụn ụnụ rị a nụ.

Ndị Rom 1:16

Ifẹnrẹn oziọma arị e mẹ m, makẹni ya wụ ikẹn Osolobuẹ gi a zụọpụha onyẹ ọwụlẹ kwerini, ndị Ju wụ ibuzọ, o sọn ndị wụlẹni ndị Ju.

Ndị Rom 4:11

omẹgụ, Osolobuẹ nọ nwan gi ịkwa-ugun ye ẹ ahịma, ghọsị n'o gigụọlẹ okukwe ẹ họnrin onyẹ ezi-omumẹ k'o kelẹni kwa ugun. Osolobuẹ mẹ ẹ kẹni Ebraham wụrụ nẹdi ndị ile kwalẹni ugun hụn kwerini, ndị hụn Osolobuẹ gizi okukwe wẹ kpọ ndị ezi-omumẹ,

Ndị Rom 6:17

Kanị, ekele ya rịnị Osolobuẹ, nị, ọsụọn'a nị ụnụ te wụ igbọn njọ, ụnụ e gigụọ obi ụnụ ile humẹ isi, mẹ ihiẹn wẹ kuzi ụnụ kẹ wẹ dọn kuzi ẹ;

Ndị Kọrẹntị Nke Ẹbụọ 1:22

ye ẹnyi ahịma a ghahanị ibu Mmọn-nsọ a che imẹ obi ẹnyi, gi ẹ họnrin mbi ihiẹn ile o k'e mẹni ẹnyi.

Ndị Kọrẹntị Nke Ẹbụọ 6:7

ghahanị iku ezioku lẹ ikẹn Osolobuẹ rị e sọnni ẹnyi lẹ ibu ihiẹn-ọgụn Osolobuẹ sụọ ẹka-nni lẹ ẹka-ekpẹn;

Ndị Galeshịa 3:14

Ọ gbapụha ẹnyi kẹni ngọzi Osolobuẹ gọzi Ebraham hụn ụzọ ruzi ndị alị ndị ọzọ wụlẹni ndị Ju ẹka, ghahanị Kraịstị wụ Jizọsị, kẹni ẹnyi hụn ụzọ gi okukwe nwọnhẹn Mmọn-nsọ ahụn Osolobuẹ kwe nkwa a.

Ndị Ẹfẹsọsụ 4:21

Ẹghẹẹ, ụnụ a nụgụọ oku Kraịstị, makẹni a kuzigụọ wẹ ụnụ ụzọ a, kuzi ụnụ ezioku k'ọ rị imẹ Jesu:

Ndị Ẹfẹsọsụ 4:30

Emẹkwọlẹ ni ihiẹn k'a fụ Mmọn-nsọ Osolobuẹ, makẹni ịya wụ ahịma Osolobuẹ ye (yi) ụnụ makẹ ụhụọhịn nzụọpụha.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Timoti Nke Ẹbụọ 2:15

A lịlịma n'ị y'a ghọsị n'ị wụ onyẹ Chuku kwadọn; onyẹ-ọrụn nwọnlẹni ihiẹn ifẹnrẹn e gi mẹ ẹ, hụn marịn ẹnya oku-Chuku oku ahụn wụ ezioku, a kuzi ẹ ọhụnma.

Timoti Nke Ẹbụọ 2:19

Kanị iyetọ Osolobuẹ turuhụkwọ ebe ọ rị; ihiẹn wẹ deye ẹ wụ: “Di-nwọnni-ẹnyi a marịnghọ ndị wụ ndị nke ẹ” lẹ “Onyẹ ọwụlẹ hụn a kpọku ẹfan Di-nwọnni-ẹnyi ya la njọ tọ.”

Timoti Nke Ẹbụọ 3:15

y'a marịngụọzị Ẹkụkwọ-nsọ gha ẹhụ nwa-ndu i lala, Ẹkụkwọ-nsọ hụn k'a saẹka ye i amamihiẹn y'e gi nwọn nzụọpụha ghahanị ikwerini Kraịstị wụ Jizọsị.

Taịtọsụ 2:11

Makẹni, ẹfọma Osolobuẹ gi a zụọpụha ịhịan ile a pụhagụọ ifọn.

Hibru 2:3

nanị ẹnyi a dọn nwan wanahịn omẹni ẹnyi a jụ okẹn nzụọpụhanị nọ ẹnịna, hụn Di-nwọnni-ẹnyi lẹ enwẹn ẹ bu ụzọ zimẹ ozi ẹ; hụn ndị gha ọnụ a nụ a shịa ẹri, ghọsị ẹnyi nị ezioku rọ,

Jemisi 1:18

Ịya gi uche ẹ mụnrụn ẹnyi, ghahanị oku ẹ hụn wụ ezioku, kẹni ẹnyi wụrụ nke ẹ imẹ ihiẹn ile o ke, nọkẹ mkpụrụ ibuzọ.

Jemisi 1:21

Wepụ nị nwan ihiẹn ile ru unyin lẹ eje-ihiẹn ile ụnụ rị e gi e mẹkarị enwẹn ụnụ; ụnụ e welụa enwẹn ụnụ alị nabanhan oku Osolobuẹ wẹ kụnye imẹ obi ụnụ, hụn k'a saẹka zụọpụha umẹ-ndụn ụnụ.

Pita Ibuzọ 2:10

Ogẹn mbụ, ụnụ “ẹlẹ ndị nke Osolobuẹ”, kanị, ụnụ a wụrụọlẹ nwan ndị nke ẹ; “omikẹn ẹ ete runi ụnụ ẹka mbụ”, kanị omikẹn ẹ e rugụọ nwan ụnụ ẹka.

Rẹvẹleshọnụ 7:2

Ya m nọ hụn mmọn-ozi ọzọ k'ọ gha azụụn anwụn nọ a wa pụla, shikọ elu; o gi ihiẹn Osolobuẹ rị ndụn gi e ye ahịma. Ọ nọ gi okẹn olu gwa mmọn-ozi ẹnọ hụ wẹ ye ikẹn wiwi ụwa lẹ ohimin oku,