Ndị Ẹfẹsọsụ 1:12 - Ika

¹² O mẹ ẹ kẹni ẹnyi wụrụ ihiẹn wẹ gi a ja Osolobuẹ mma n'o hikẹ ogbe, ẹnyi ndị ibuzọ gi Kraịstị dọn ẹnya.

Ndị Ẹfẹsọsụ 1:12 ပူးပေါင်းရင်းမြစ်များ

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 45:23

E kungụọ m enwẹn m, ku ihiẹn m ku; a shịapụgụọ m ọnụ ku ihiẹn wụchanrịn ezioku — oku hụn m jẹnkọlẹni d'a kagbu, nị, mkpụkụ ọwụlẹ jẹnkọ d'e gbuni m osekpu, ọnụ ile jẹnkọ d'e ku ẹ ni mmẹ wụ Osolobuẹ.’

Azaya 45:25

Osolobuẹ k'a tụnị ụmụ Izrẹlụ ile ụya, a nyanma wẹ isi.”

Jerimaya 23:6

Ọ kịma, Juda a hụn isi, ihiẹn emẹkọ Izrẹlụ. Ẹfan wẹ k'e gi marịn a wụ: ‘Osolobuẹ A Tụnị Ẹnyi Ụya’.

Jọnụ 14:1

Jizọsị nọ sị wẹ, “Anịlẹ ni obi nahịn ụnụ. Kweri ni ni Osolobuẹ; kwerizikwọ nị nị mmẹ nwẹn.

Ndị Ẹfẹsọsụ 1:6

Osolobuẹ mẹ ẹ kẹni wẹ ja Osolobuẹ mma o gi mẹni ẹnyi okẹn ẹfọmanị ghahanị ezi Nwa a!

Ndị Ẹfẹsọsụ 2:7

Osolobuẹ mẹ ọnwan n'o gi ẹfọma o mẹni ẹnyi imẹ Kraịstị Jizọsị ghọsị agbọ ile lalanị ẹfọma a ka ẹfọma,

Ndị Ẹfẹsọsụ 3:21

ọghọ ya rịn'a ghahanị ụka lẹ ghahanị Kraịstị wụ Jizọsị, ya rịn'a jẹnrin ejẹn d'e ru agbọ ile. Isẹẹ.

Ndị Tẹsalonika Nke Ẹbụọ 2:13

Kanị, nke ụnụ, umunẹ ẹnyi, ndị rị Di-nwọnni-ẹnyi obi, ẹnyi k'a gha e yerịrị Osolobuẹ ekele makẹ ufiri ụnụ. Makẹni, Osolobuẹ họtọ ụnụ isi mbidọn nọkẹ ihiẹn-ugbo ibuzọ, kẹni ụnụ nwọn nzụọpụha, ghahanị odidọn-nsọ Mmọn-nsọ lẹ ikwerini ezioku.

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Jemisi 1:18

Ịya gi uche ẹ mụnrụn ẹnyi, ghahanị oku ẹ hụn wụ ezioku, kẹni ẹnyi wụrụ nke ẹ imẹ ihiẹn ile o ke, nọkẹ mkpụrụ ibuzọ.

Pita Ibuzọ 1:21

Ụnụ a ghagụọ nwan ẹka Kraịstị kwerini Osolobuẹ hụn gha ọnwụn weli Kraịstị, ye Kraịstị ọghọ. Ya wụ nị Osolobuẹ kẹ ụnụ kwerini; Osolobuẹ kẹ ụnụ gi dọn ẹnya.