Nahum 3:18 - Ika

¹⁸ Heuu, Eze Asiria rị Ninivẹ a kị! Ndị-ndu i rị e ru ụran! Ndị isi i e dinẹgụọ ranhịn. Ndị nke ụnụ a gbayịyagụọ elu ugu, onyẹ k'e dulụanị wẹ arịa.

Nahum 3:18 ပူးပေါင်းရင်းမြစ်များ

Ndị-nze Nke Ibuzọ 22:17

Ya Maịkaya nọ sị a, “M hụn ndị Izrẹlụ ile kẹ wẹ gbayịya elu ugu lekẹ atụnrụn nwọnlẹni onyẹ-ndu, Osolobuẹ nọ sị, ‘Enwọn wẹ onyẹ-ndu. Onyẹ-onyẹ ya gi udọn lama iwe ẹ.’ ”

Ọpụpụ 15:16

okẹn egun k'a tụgbu wẹ. Euu Osolobuẹ, ẹka ị k'e mẹ wẹ gba nkịtịn nọkẹ ọmụma — d'e ru ni ndị nke i a ghafechanrịngụ, d'e ru ni ndị hụn i ṅọn a ghafegụ.

Azaya 13:14

Kẹ ele wẹ rị a chụ dọn a gba ọsọ lẹzi kẹ atụnrụn nwọnlẹni onyẹ e duni wẹ dọn a gbayịya, ẹrịra kẹ onyẹ-onyẹ k'a dọn gbapụ, gbaburu ndị nke wẹ; onyẹ-onyẹ a gbapụ, gbashi alị a.

Azaya 47:1

Osolobuẹ sị, “Hidan n'ị nọdị akpakalị, Nwagbọọ wụ obodo Babilọnụ; nọdị akpakalị nị ukpo-eze arịzịa, ịyụ, nwagbọọ ndị Babilọnụ. Akpọkọzị wẹ i onyẹ-alụlụa mọbụ onyẹ w'a pụpọma.

Jerimaya 50:18

Ufiri ẹ, mmẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, sị: M jẹnkọ d'e ye eze Babilọnụ lẹ alị a afụnfụn kẹ m dọn ye eze Asiria afụnfụn.

Jerimaya 51:39

Ẹkpịrị ghọrị wẹ ụkọ, e mẹmẹni m wẹ oriri, mẹ wẹ ra, tụ, ẹhụ a tụma wẹ ọda-ọda, a ranhịn wẹ ranhịnchanrịn, etẹnhinkọzị wẹ.” Mmẹ wụ Osolobuẹ ku ẹ.

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Rẹvẹleshọnụ 6:15

Ya ndị-nze ụwa lẹ ndị uku lẹ ndị ndu-agha uku lẹ ndị ịdanfịn lẹ ndị ile wẹ gi oku wẹ e dọn lẹ ndị ọzọ ile — kẹ igbọn kẹ ndị nwọn enwẹn wẹ — wẹ ile nọ shi imẹ okporo lẹ ọmụma ndị rịsọnmẹ elu ugu d'a warị,