Nahum 3:11 - Ika

¹¹ Yụ nwẹn wụ Ninivẹ k'a razịkwọ manya m wụ afụnfụn, tụ; i k'e jẹn d'a warị, a chọ ebe y'a gbabannị ndị iṅẹnrẹn i!

Nahum 3:11 ပူးပေါင်းရင်းမြစ်များ

Ẹbụ-ọma 75:8

Makẹni Osolobuẹ gi mkpu manya ẹka; manya zeni rị a gbọ ụfọfọ jun ẹ; o huyegụọnị wẹ ya ra; ndị-njọ ile rị ụwa k'a ra a, rachanpụ.

Azaya 2:10

Ndị ikpụlọ Jekọpụ, gbashikwọ ni ebe ọmụma rị d'a warị; rụbankwọ nị imẹ ọnụ, makẹ egun Osolobuẹ lẹ okẹn ọghọ o gi wụ eze.

Azaya 2:19

Ịhịan k'a gbaban okporo rịsọnmẹ ọmụma lẹ ọnụ ndị rị alị, makẹ egun Osolobuẹ lẹ ọghọ o gi wụ eze, ụhụọhịn o k'e lihi d'e zinzin ụwa.

Azaya 29:9

Ya tụ ụnụ ẹnya, gbagbu ụnụ ngharị ẹnya; tikpọdẹ ni enwẹn ọnụ ẹnya, nị ọnụ leghabehi ụzọ; Nọ nị kẹ ndị manya — bụ manya arị a tụ ụnụ; hanfiemẹ ni ụkụ, bụ ụnụ aranị manya!

Azaya 49:26

M k'e mẹ ndị rị e mẹjan'ị ri uru ẹhụ wẹ lẹ enwẹn wẹ; wẹ k'a ra ẹdeke enwẹn wẹ, ọ tụ wẹ kẹ manya. Ogẹn ahụn, ịhịan ile rị ụwa k'a marịn nị mmẹ hụn wụ Osolobuẹ wụ Onyẹ-nzụọpụha ị, Onyẹ-mgbapụha ị, Dikẹn ebọn Jekọpụ.”

Azaya 63:6

E gi m olulu zọkpọ ndị alị ichẹn-ichẹn, e gi m ọnụma mẹ wẹ ihiẹn, ọ tụma wẹ kẹ manya, e hu m ẹdeke wẹ ye alị.”

Jerimaya 4:5

“Hị ihiẹnni alị Juda, ku ẹ imẹ obodo Jerusalẹm, sị wẹ, Gbu ni (opi) ọdụ ghagbama alịnị ile! Weshi ni olu elu, sị: ‘Zugbama nị! Nị ẹnyi gbashi ni obodo ẹnyi ndị zeni d'a hụarị!’

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Jerimaya 8:14

Ndị alịnị k'a sị, “Kị ẹnyi nọdịzịnị nwan ebeni? Kokomẹ ni nị ẹnyi gbashi obodo ẹnyi ndị ẹnyi tụnhunmẹ mgbọn omẹni ọnwụn rọ, ẹnyi a nọ ebẹhụ nwụn — ebe o mẹni Osolobuẹ wụ Chuku ẹnyi a magụọ ẹnyi ikpe-ọnwụn, o yegụọ ẹnyi afụnfụn ra lekẹ mirin wẹ buche nshi, makẹni ẹnyi e mẹgụọ a njọ.

Hosia 10:8

Wẹ k'e tikpọ ụlọ mmọn ile rị Avẹni — njọ ndị Izrẹlụ. Ogun-lẹ-ọkịnkan k'e rukpumẹ ukpo ile wẹ nọ a kwa ese! A hịma wẹ ugu, “Dodo, zuemẹ ẹnyi!” A rịọma wẹ elu-òke, “Dodo, dankwasị ẹnyi!”

Emọsụ 9:3

Ọsụọn'a elu Ugu Kamẹlụ, m k'a chọ wẹ ru ebẹhụ kpụnrụn wẹ; wẹ hụarị akpakalị ohimin amamgbe m'a hụn we, m k'a sị agwọ ta wẹ.

Maịka 7:17

a ra wẹ uzunzun nọkẹ agwọ nọkẹ ihiẹn a rịnị; a ma wẹ piripiri rụpụhasọnmẹ ebe wẹ te gi dọn ẹnya, gi egun buruhẹ Osolobuẹ, Chuku ẹnyi, a tụ egun ụnụ.

Nahum 1:10

Ndị iṅẹnrẹn ẹ k'a nọ kẹ ogun kụtọnị, a danhunmẹ kẹ ndị manya rị a tụ; ọkụn sikọ d'e rẹnpụ wẹ nọkẹ ẹfịfịa ọkpọ-nkụn.

Nahum 2:1

Onyẹ hụn jẹnkọ d'e tikpọ ị kpayịya e kunrungụọ ị, Ninivẹ! D'e weri ni ọnọdị ụlọ-nche! Chemẹkwọ nị ụwaya ụnụ nche! Kọnrin ni agha ọhụnma-ọhụnma! Kịpụhakwọ nị ndị-agha ụnụ ile!

Luku 23:30

Ogẹn hụ, ịhịan k'a gha a sị ugu, ‘Dodo, dankwasị ẹnyi’, a sị òke, ‘Dodo, kpumẹ ẹnyi!’

Samuẹlụ Nke Ibuzọ 13:6

Mgbe ndị Izrẹlụ gi hụn nị ọnọdị ndị nke wẹ a jọpụ njọ lẹni ihiẹn arịnịnị ndị agha wẹ nkẹ mma, wẹ nọ warịma imẹ okporo lẹ imẹ ọfịa lẹ ebe ọmụma hi-ogbe rịsọnmẹ lẹ imẹ olu lẹ imẹ ọmị;

Samuẹlụ Nke Ibuzọ 14:11

Wẹ ẹbụbụọ nọ we enwẹn wẹ ghọsị ndị-agha Filistia hụ ndị Filistia dọnmẹ ebẹhụ. Ya ndị Filistia hụ nọ yi, “Lee ni! Ndị Hibru a ghagụọ imẹ ọnụ ndị hụ wẹ rụbansọnmẹ gbepụhama!”