Nahum 3:10 - Ika

¹⁰ Kanị, emẹrikwọ wẹ ndị Tẹbẹsi kpụnrụn; e gizidẹ wẹ ụmụẹka wẹ a fịan ọmụma ndị rị ọkpụzọ wẹ ile, a fịangbu wẹ. A tụzịghọ wẹ mkpọ keri ndị w'a gbaye imẹ wẹ, kẹn okẹn-ịhịan ndị rịn'a ẹgbụn.

Nahum 3:10 ပူးပေါင်းရင်းမြစ်များ

Ndị-nze Nke Ẹbụọ 8:12

Ya Hazaẹlụ nọ sị a, “Diọkpa, kị ị rị a kwannị?” Ya Ẹlaịsha nọ sị a, “Makẹni a marịngụọ m eje-ihiẹn ile i jẹnkọ d'e mẹ ndị Izrẹlụ: i jẹnkọ d'e gi ọkụn dụnpụchanrịn ebe ile zeni wẹ tụn w'a gbaban ogẹn agha, gi ọpịa-agha gbuchanrịn ikorọbịa wẹ; gi ụmụ wẹ fịan alị, wasọnmẹ ikpoho wẹ rị-imẹ ẹfọ.”

Jobu 6:27

Nkẹ ụnụ a tụdẹ mkpọ gi weri nwa nwọnlẹni nẹdi; nkẹ ụnụ a hịụndẹ ọwụ ụnụ repụ a.

Ẹbụ-ọma 137:8

Ịyụ nwẹn wụ Babilọnụ, hụn wẹ k'e tikpọ! Ngọzi ya rịnị onyẹ jẹnkọ d'e mẹgwarị ị ihiẹn i mẹ ẹnyi.

Ẹbụ-ọma 137:9

Ngọzi ya rịnị onyẹ hụn k'a nwụnrụn ụmụ ị fịan elu ọmụma!

Ẹbụ-ọma 149:8

kpọma ndị-nze wẹ ẹgan, kpọma ndị-isi wẹ ẹgan-igwe,

Azaya 13:16

Wẹ k'a nọ idẹnya wẹ e gi ụmụ-ndu wẹ a fịan ọmụma, a fịangbu wẹ; wẹ k'e buru ihiẹn rịsọnmẹ iwe wẹ, kwọndọn inyẹnmẹ wẹ e mẹ mgba wẹ.”

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 19:4

M k'e wẹ ndị Ijiptu che ẹka onyẹ ẹfọ jọ kịma; eze e mẹ ẹka-ikẹn ọda-ọda k'a kị wẹ.” Ya kẹ Di-nwọnni-ẹnyi ku — Osolobuẹ ihiẹn ile rị okpuru ẹ.

Azaya 20:4

ẹrịra kẹ eze Asiria k'a dọn gbarị ndị Ijiptu lẹ ndị Ẹtiopịa ọtọ, duru wẹ lẹ ụkụ mmaka d'e họnrin igbọn; ikẹn wẹ ile k'a rị oghe — kẹ ikoro kẹ ndị-ichẹn, nị ifẹnrẹn hụn ụzọ mẹgbu ndị Ijiptu,

Ẹkwan 2:19

Lihi ọtọ imẹ abalị n'ị kwan ẹkwan, ogẹn ndị nche abalị gi e bidọn nche; hupụha ihiẹn rị e sọngbu i obi nọkẹ mirin ihun Osolobuẹ; Kịshi ẹka elu, rịọ a, makẹ ndụn ụmụ ị, hụn rị a sọhịnị yeni ẹgụn isi ọgbara-ogbe ile.

Ẹkwan 4:1

Goru nwẹn egbukezini, ezigbo goru nwẹn a rakpo! Ọmụma ndị nwẹn rị nsọ feyịya nwan isi ọgbara-ogbe ile.

Izikẹlụ 29:7

Izrẹlụ kwọndọn i ẹka n'ị ghọdọn wẹ, y'a kpagi, ẹka nku wẹ ile a kwahị; a danbemẹ wẹ i, ị nọ tigipụ, akị wẹ ile a kwahị.

Hosia 13:16

Ndị Sameria k'a tarịrị afụnfụn njọ a hụn wẹ gi nupụ isi okpuru Chuku wẹ; wẹ k'e gi ọpịa-agha gbu wẹ; wẹ k'e gi ụmụẹka wẹ fịan alị, bụọ ikpoho wẹ rị imẹ ẹfọ.”

Juwẹlụ 3:3

a tụgụọ wẹ mkpọ keri ndị nke m, gi ụmụẹka ikẹnnyẹ wẹ kụ ụgwọ ịgbaraja, gi ịgbagba wẹ ṅọnrin manya ra.

Emọsụ 1:13

Osolobuẹ sị: “Makẹ njọ ẹtọ ndị Amọnụ mẹ, njọ ẹnọ dẹ, erohutọkọ m, m k'e yerịrị wẹ afụnfụn makẹni wẹ bụọ ikpoho Gilẹdị rị imẹ, kẹni wẹ weri alị wẹ cheni nke wẹ.

Obadaya 1:11

ụnụ gi nọye ụsụọ ogẹn hụ, ogẹn hụ ndị alị ọzọ gi buru ihiẹn Jerusalẹm, ogẹn hụ wẹ gi gha ọnụ-mgbọn ẹ, ogẹn hụ wẹ gi keri Jerusalẹm; ụnụ nwẹn mẹchanrịn kẹ ndị-iṅẹnrẹn hụ ụhụọhịn ahụn.