Nahum 2:13 - Ika

¹³ Mmẹ lẹ ịyụ rọ, Ninivẹ! Ya kẹ Osolobuẹ ihiẹn ile rị okpuru ẹ ku. M k'a dụn ụgbọ-anyịnyan ndị ahụn Ninivẹ nwọn ọkụn, e họnrin wẹ ẹnwụnrụn; ọpịa-agha k'e gbuchanrịn ndị nke i hụn wụ ụmụ ẹwọrọ ị, a napụ m'ị alị ndịnị ị rị e gbu a kwarị ihiẹn wẹ; anụkọzị wẹ olu ndị ụkọ ị!

Nahum 2:13 ပူးပေါင်းရင်းမြစ်များ

Ndị-nze Nke Ẹbụọ 18:17

Eze Asiria nọ gha Lakishi zi Onyẹ-isi agha a, onyẹ-isi ndị-ọrụn a lẹ ọhaịmẹ hụn wụzị ọnụ-eze lẹ igunrun ndị-agha, nị wẹ d'e kunrun Hezikaya imẹ Jerusalẹm. E ru wẹ Jerusalẹm wẹ nọ wuzo ẹhụ uroro-amị mirin gha a e huye Ọmị rị Ibe elu, hụn rị ụzọ wẹ gha e jẹn Ogige Ọsụ-ẹkwa.

Ndị-nze Nke Ẹbụọ 18:19

Ọnụ-eze Asiria nọ sị wẹ: “Gwa nị nwan Hezikaya sị: “Eze kanị, eze Asiria, sị, ‘Kịnị kẹ i gidẹ nwan e dọn ẹnya?

Ndị-nze Nke Ẹbụọ 19:23

Y'e zihẹgụọ ndị ụkọ ị, a kpari wẹ Osolobuẹ ọda-ọda. Ị hụ a sị, ‘Makẹni m nwọn ụgbọ-ẹshin agha bu ọda, e rugụọ m elu ugu ndị jẹnsọnmẹ elu, rudẹ mkpọnụnụ ugu Lẹbanọnụ. E gbutugụọ m osisi sida a ndị kachanrịn e sue, osisi-paịnị a ndị kachanrịn mma. E rugụọ m ebe kachanrịn e te imẹ ọfịa Lẹbanọnụ, ebe kachanrịn ẹnya e kin imẹ ẹgboko Lẹbanọnụ.

Ndị-nze Nke Ẹbụọ 19:9

Eze Asiria wụ Sẹnakaribu nkẹ nọ nụ ozi: “Tir'haka wụ eze Ẹtiopịa lala d'a lụsọn i agha.” Ya ọ nọzị zigụ ụkọ d'e kunrun Hezikaya,

Ihiẹn Mẹni Nke Ẹbụọ 32:19

Wẹ hụ e ku oku Chuku Jerusalẹm kẹ wẹ dọn e ku oku mmọn ichẹn-ichẹn alị ndị ọzọ e fe, mmọn ndị-ọzọ.

Ẹbụ-ọma 46:9

Ọ mẹ wẹ a lụbehi agha imẹ ụwa ile; ọ kpagisọnmẹ ụta, e gungwọnpụ obo, a dụn akpaịn ọkụn.

Jerimaya 21:13

Ihiẹn m k'e mẹ i, Jerusalẹm, ịyụ hụn rị ọdanmgbugbu ahụn ugu fihunmẹ; ịyụ, okẹn-ọmụma ahụn rị etintinnaị alị-aradan. Ụnụ hụ a sị, “Onyẹ k'a s'ẹka bịa ebeni d'a lụsọn ẹnyi agha?! Onyẹ k'a s'ẹka banhan ebeni ẹnyi rị?!”

Jerimaya 46:14

“D'a gwa alị Ijiptu ile — kẹ ndị rị Mig'dọlụ kẹ ndị rị Mẹmfisi lẹ Tapanhẹsị: ‘Kwademẹ ni agha, makẹni agha rị e gburi alị ndị nọkunmẹni ụnụ!’

Jerimaya 50:31

Osolobuẹ ihiẹn ile rị okpuru ẹ sị, “Lee ẹ, m k'e mẹshi i ikẹn, onyẹ mpache, makẹni ogẹn i e rugụọ — ogẹn m'e gi ye i afụnfụn ihiẹn i mẹ.

Jerimaya 51:25

Mmẹ lẹ ịyụ rọ, okẹn-ugu e tikpọ ihiẹn! Ịyụ hụn rị e tikpọ ụwa ile, ẹka m jẹnkọ d'e bitụ ị, nutu i, mẹ i wụrụ ugu la iwi. Mmẹ wụ Osolobuẹ ku ẹ.

Izikẹlụ 13:8

“Ufiri ẹ, Osolobuẹ Nwọn Ihiẹn Ile sị: Mmẹ lẹ ụnụ rọ — ebe omẹni ụnụ rị e ku ihiẹn wụlẹni ezioku, a hụn ọhụn ntụ! Ya kẹ Osolobuẹ Nwọn Ihiẹn Ile ku.

Izikẹlụ 21:3

Sị alị Izrẹlụ, ‘Osolobuẹ sị: Lee ẹ, mmẹ lẹ yụ rọ! M k'e sepụha ọpịa-agha m imẹ ọbụọ a, gbupụ kẹ ndị ezi-omumẹ kẹ ndị-ejẹ rịn'a!

Izikẹlụ 26:3

Osolobuẹ Nwọn Ihiẹn Ile sị nwan: M k'e mẹ yụ wụ Taya ihiẹn! M wela alị bu ọda d'a maye i nọkẹ ẹbiri-ohimin.

Izikẹlụ 28:22

Sị, ‘Lee ihiẹn Osolobuẹ Nwọn Ihiẹn Ile ku: Alị Sidọnụ, mmẹ lẹ ịyụ rọ! M k'e gi ihiẹn m k'e mẹ imẹ i nwọnrin ọghọ. “ ‘Ịhịan ile k'a marịn nị mmẹ wụ Osolobuẹ, ogẹn m'e gi ye Sidọnụ afụnfụn ndị m k'e ye ẹ. M k'a ghọsị ndị Sidọnụ nị m rị nsọ.

Izikẹlụ 29:10

mmẹ lẹ yụ rọ, kẹ yụ kẹ Iyi Naịlị ị; m k'e mẹ nwan alị Ijiptu họnrin alị la iwi ịhịan bilẹni — ghakwọrị Mig'dọlụ d'e ru Aswanị, d'e rukwọrị okẹn yụ lẹ alị Ẹtiopịa.

Izikẹlụ 29:3

Sị: Osolobuẹ Nwọn Ihiẹn Ile sị: ‘Mmẹ lẹ yụ rọ, Fẹro eze Ijiptu, ẹregede eje-anụ hụn dinẹ ebẹhụ Iyi Naịlị rị, hụn sị, “Iyi Naịlị wụ nke m; ẹka m mẹni m'ẹ.”

Izikẹlụ 35:3

sị, ‘Osolobuẹ Nwọn Ihiẹn Ile sị: Mmẹ lẹ yụ rọ, Ugu Sẹẹ, ẹka m k'e bitụ ị, e mẹ m'i gba okpokoro, mẹ i la iwi.

Izikẹlụ 38:3

sị, ‘Osolobuẹ Nwọn Ihiẹn Ile sị: eze-kanị hụn a kị alị-eze Mẹshẹki lẹ alị-eze Tubalụ, mmẹ lẹ yụ rọ!

Izikẹlụ 39:1

“Nwa-ịhịan, bu amụma ihiẹn k'e mẹ Gọgụ. Sị, Osolobuẹ Nwọn Ihiẹn Ile sị, ‘Gọgụ eze Roshi lẹ Tubalụ-Mẹshẹki, mmẹ lẹ yụ rọ!

Izikẹlụ 5:8

mmẹ wụ Osolobuẹ nwọn ihiẹn ile rị nwan a gwa yụ wụ Jerusalẹm nị mmẹ lẹ yụ rọ! M jẹnkọ d'e mẹshi i ikẹn idẹnya alị ndị ọzọ.

Nahum 2:12

Okẹn-ẹwọrọ wụ Ninivẹ e te gbu a kwalụanị ndị nke ẹ ihiẹn hụn e jun wẹ ẹfọ. Ẹwọrọ hụ e te tagbugụọnị onyẹnnyẹ ẹ anụ ọda-ọda, e bu ihiẹn alị ndị ọzọ e jun alị wẹ, e gbu anụ e jun ebẹhụ o bi.

Nahum 3:1

Nke i a gụgụọ, obodo Ninivẹ, izighẹ! Ntụ lẹ ihiẹn ị kwanarịn ndị ọzọ jun ụzọ ile! Y'a nọ onwọnni onyẹ i bu nụmanị!

Nahum 3:12

Okẹn mgbọn ile ụnụ tụn wụhụ osisi-figi; ụnụ wụhụ mkpụrụ figi-ibuzọ rịn'a, onyẹ zinzin osisi ẹkẹrẹ a danyesọnmẹ w'ẹ ọnụ!

Nahum 3:15

Ọ napụkọ ọkụn a dụnpụlẹ ụnụ! Ọpịa-agha jẹnkọ d'e gbu ụnụ. O k'e mẹ ụnụ ihiẹn igurube mẹ ẹhụhụọ-oyiyi. Ọsụọn'a nị ụnụ e buwayedẹ ọda kẹ igurube, ọsụọn'a nị ụnụ a barahị kẹ igurube!

Nahum 3:5

“Mmẹ lẹ ịyụ rọ, Ninivẹ!” Ya kẹ Osolobuẹ ihiẹn ile rị okpuru ẹ ku. “M sikọ d'a yọshi ẹkwa ị elu, e mẹ m alị ndị ọzọ hụn ọtọ ị a hụn wẹ ihiẹn-ifẹnrẹn i.

Joshụa 11:6

Osolobuẹ nọ sị Joshụa, “Atụlẹ egun wẹ, makẹni mgbeni ekile, m sikọ d'e bu wẹ ile che ụnụ ndị Izrẹlụ ẹka, ụnụ e gbu wẹ. Tụbepụchanrịn nị ẹshin wẹ akwanran rị wẹ azụụn mkpụkụ; kpọ nị ụgbọ-ẹshin wẹ ọkụn.”

Joshụa 11:9

Joshụa nọ mẹ wẹ ihiẹn Osolobuẹ gwa a, ọ tụbepụchanrịn ẹshin wẹ akwanran rịsọnmẹ wẹ azụụn mkpụkụ, kpọ ụgbọ-ẹshin wẹ ọkụn.