Nahum 2:10 - Ika

¹⁰ E tikpọ w'a! E gbukpọ w'a! A gba w'a okpokoro! Obi hụ a nahịn onyẹ ọwụlẹ; ụkụ hụ a ma onyẹ ọwụlẹ nni! Ndụn a gụgụọ onyẹ ọwụlẹ; eje-egun a nwụn ndị Ninivẹ!

Nahum 2:10 ပူးပေါင်းရင်းမြစ်များ

Jẹnẹsisi 1:2

ụwa enwọnni k'ọ nọ; ụwa gbachanrịn okpokoro; elu-ụwa ile gba ishi kitikpọ. Mmọn Chuku hụ a ghahunmẹ elu mirin hụn jun ụzọ ile.

Ẹbụ-ọma 22:14

Ndụn hụ a gụ m, rịkẹ ebe wẹ rị e hupụ mirin. Ọkpụkpụ m ile e kwọnpụchanrịngụọ. Obi rị m hụ kẹ udẹn, o dẹnhinchanrịngụọ.

Azaya 14:23

“M k'e gi ẹ họnrin ebe anụ ọfịa e bi lẹ alị ịkpọtọ la iwi: m k'e gi ẹzịza-ntikpọ zahu ẹ,” ya kẹ Osolobuẹ ihiẹn ile rị okpuru ẹ ku.

Azaya 21:3

Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Azaya 24:1

Lee ẹ, Osolobuẹ jẹnkọ d'e tikpọ ụwa, wiwipụ a; o k'e wiwi ihiẹn rị elu ụwa, feyịya ndị ile rịn'a —

Jerimaya 30:6

D'a jụkwọ nị omẹni okẹnnyẹ a mụ nwa! Omẹni okẹnnyẹ ara mụ nwa, kị haịn nwan m gi a hụn ikẹnnyẹ ile ndụn rị kẹ wẹ gi ẹka kwọndọn ẹfọ lekẹ okpoho imẹ rị e mẹ? Kị haịn ihun onyẹ ọwụlẹ gi e nwun ṅanhịan kẹ ndị ẹdeke gụ ẹhụ?

Jerimaya 49:23

Nke obodo Damaskọsụ, “Ndụn a gụgụọ alị Hamatị lẹ alị Apadị — makẹni wẹ nụ eje-ozi; obi e dẹnhingụọ wẹ yeni uhue, obi a nọ wẹ kẹ ohimin ẹbi rị a kpọ, obi eruzini wẹ alị.

Jerimaya 51:62

Ị gụngụ a, sị, ‘Osolobuẹ, y'e kugụọ n'i jẹnkọ d'e tikpọ ebeni, nke wụnị kẹ ịhịan kẹ anụmanụ ebikọzị a, o gba okpokoro jẹnrin ejẹn.’

Jerimaya 8:21

Jerimaya sị, “Ndụn a gụ m makẹ ihiẹn rị e mẹ ndị nke m; m hụ a kwan a kwangbu enwẹn m.

Izikẹlụ 21:7

Wẹ sị ị, ‘Kị rị a sụnnị udẹn?’ Sị, ‘Ozi lalanị haịn. Obi k'e dẹnhin ịhịan ile, ẹka ile a lịlọhị, ndụn a gụ onyẹ ọwụlẹ obi, mkpụkụ ile a mama piripiri!’ Ọ lala! O k'e mẹrịrị! Ya kẹ Osolobuẹ Nwọn Ihiẹn Ile ku.”

Izikẹlụ 31:15

“ ‘Lee ihiẹn Osolobuẹ Nwọn Ihiẹn Ile ku: Ụhụọhịn ahụn o shi alị mmọn, e mẹghọ m wẹ kwan a ọda-ọda: E gi m mirin rị imẹ-imẹ alị kpumẹ ẹ; e kwọndọn m Iyi ẹ, mirin ẹ ndị hụ ile ehuzini; e mẹzighọ m ẹgboko Lẹbanọnụ kwan a; osisi ile rị ọfịa e gizighọ ufiri ẹ shinwụn.

Daniẹlụ 5:6

Ezigbo egun nọ tụma a — o tirapụ ẹnya, obi a nahịn a, ọ sazịnị ẹka turu, mkpụkụ hụ a kụgbama.

Juwẹlụ 2:6

Alị ọwụlẹ wẹ ru, egun a tụgbu ndị rịn'a, ndụn a gụ wẹ.

Nahum 2:2

Makẹni Osolobuẹ e d'e yekin ụmụ Jekọpụ ọghọ, nọkẹ ọghọ Izrẹlụ; ọsụọn'a nị ndị e tikpọnị e tikpọgụọ wẹ la iwi, kpagichanrịn agalaba wẹ.

Nahum 3:7

Onyẹ hụn ị, ọ gbanị ị ọsọ, sị, ‘Euu, e tikpọgụọ wẹ Ninivẹ la iwi! Onyẹ k'a saẹka hụhụ ị?’ Elebe kẹ m'a nọ hụn onyẹ k'a saẹka hụhụ ị?”

Zẹfanaya 3:6

“E tikpọgụọ m alị ndị ọzọ, obodo ndị wẹ te tụnhunmẹ mgbọn e họnrin nkpọkọ-nkpọkọ; e mẹgụọ m ọgbara-ogbe wẹ gba okpokoro onwọnzini onyẹ a ghanị wẹ; obodo ndị wẹ te bi a gbagụọ okpokoro! onwọnzini onyẹ bi ebẹhụ.

Joshụa 2:11

Ogẹn ẹnyi gi nụ a, obi nọ dẹnhin ẹnyi, ndụn ehulehu arịzị onyẹ ọwụlẹ imẹ ẹnyi makẹ ufiri ụnụ. Makẹni Osolobuẹ wụ Chuku ụnụ wụ Chuku kẹ imẹ elu-igwee hụn rị elu kẹ elu-ụwa hụn rị okpuru.

Joshụa 7:5

gbu ihiẹn nọ kẹ mmadụ ẹnọ arịa ọgụnnaị. Ọnụ-mgbọn obodo hụ kẹ wẹ ghakwọrị chụrụ ndị Izrẹlụ d'e ru Shẹbarim, ebẹhụ ọdanmgbugbu rịsọnmẹ, e gbu wẹ a tọ nkpọtu-oke ndị rịn'a. Ya akpobi nọ dẹnhin ndị Izrẹlụ rịkẹ mirin, ogẹn wẹ gi hụn ihiẹn mẹni.