Nahum 1:5 - Ika

⁵ Ugu hụn a, e mẹhunmẹ wẹ, elu òke hụn a, a rịnranpụ wẹ. Ọ pụha, elu-ụwa a mama piripiri, elu-ụwa lẹ ndị ile rịn'a!

Nahum 1:5 ပူးပေါင်းရင်းမြစ်များ

Samuẹlụ Nke Ẹbụọ 22:8

Alị e zinzin, mẹhunmẹ; igwere e mẹhunmẹ ru ebe ọ gha, e mẹhunmẹ ọda-ọda makẹni ize rị e ze ẹ.

Jobu 26:11

Chuku ban mban, ihiẹn ndị gidọn elu-igwee e mẹhunmẹ, makẹni mban a a tụgbu wẹ ẹnya.

Jobu 9:5

O bupụ ugu wẹ gini d'a marịn; o hukpumẹdẹ wẹ ọ gha e bu olulu.

Ẹbụ-ọma 104:32

Osolobuẹ lehụ ụwa ẹnya, ụwa e zinzinmẹ; o mẹtụhụ ugu ọwụlẹ ẹka, ẹnwụnrụn a lọpụhama!

Ẹbụ-ọma 114:4

Ugu ndị ahụn a wụshimẹ elu rịkẹ ebulu! Okee ndị ahụn a wụshimẹ elu rịkẹ ụmụ atụnrụn!

Ẹbụ-ọma 114:6

Ugu, kị ụnụ wụshimẹni elu rịkẹ ebulu? Okee, kị ụnụ wụshimẹni elu rịkẹ ụmụ atụnrụn?

Ẹbụ-ọma 18:7

Alị e zinzin, mẹhunmẹ; ugu ile nọ zinzinru alị wẹ ile e mẹhunmẹ makẹni iwe we Osolobuẹ!

Ẹbụ-ọma 18:8

Ẹnwụnrụn hụ a gha a oghoro imi a lọpụha; ọkụn hụn a dụnnị hụ a gha a ọnụ a pụha; ikeke-ọkụn hụ a gha a tụpụha.

Ẹbụ-ọma 46:6

Alị ichẹn-ichẹn e susuhu; alị-eze wẹ hụ e mẹhunmẹ — olu Chuku hanhụ, ụwa ile e dẹnhin!!

Ẹbụ-ọma 68:8

alị e mẹhunmẹ, igwere e zue okẹn mirin, makẹni Chuku Saịnaị a pụha, makẹni Chuku Izrẹlụ a pụha!!

Ẹbụ-ọma 98:7

Ohimin lẹ ihiẹn jun imẹ ẹ wẹ zụn ụzụn; ụwa lẹ ndị bin'ẹ wẹ zụn ụzụn!

Ọpụpụ 19:18

Ẹnwụnrụn jun Ugu-Saịnaị, makẹni Osolobuẹ gi ọkụn hidanye ẹ. Ẹnwụnrụn ahụn hụ a lọshi elu rịkẹ ẹnwụnrụn ẹgboko wẹ rị e yi ọkụn; ugu ahụn hụ e zinzin ọda-ọda,

Azaya 24:1

Lee ẹ, Osolobuẹ jẹnkọ d'e tikpọ ụwa, wiwipụ a; o k'e wiwi ihiẹn rị elu ụwa, feyịya ndị ile rịn'a —

Azaya 24:20

Elu-ụwa rị e ruehunmẹ kẹ onyẹ-manya, a mahihie kẹ ụlọ-ubi ufere rị e zinzin; nnupụ-isi ẹ rị e gbu ẹ hụn o k'e gi danchanrịn, o lihikọzị.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Jerimaya 4:24

E lee m ugu ile, wẹ hụ e zinzin, òke ile hụ e rue.

Izikẹlụ 38:20

Azụn rị imẹ ohimin, nnụnụ rị e fe elu, anụmanụ rị ọfịa, ihiẹn ile a rịnị lẹ ịhịan ile rị elu-ụwa k'e mẹhunmẹ makẹ ufiri m. Ugu k'a dan; ugu lẹ ebe ile jẹn elu a gbajịja; mgbọn ile k'a dan alị.

Juwẹlụ 2:10

Wẹ pụha, alị e mẹhunmẹ, igwere e mẹhunmẹ; ẹnyanwụn lẹ ifọn a gba-ishi, kokisẹ e tibehi.

Emọsụ 9:5

Di-nwọnni-ẹnyi Osolobuẹ ihiẹn ile rị okpuru ẹ, onyẹ hụn e mẹtụ ụwa ẹka, ọ rịnranpụ, ndị ile rị imẹ ẹ a kwanma, alị lẹ enwẹn ẹ e buli kẹ Iyi Naịlị, buli, ziẹnban, nọkẹ Iyi Naịlị Ijiptu;

Maịka 1:4

Ugu ichẹn-ichẹn jẹnkọ d'a rịnranpụtọ okpuru ụkụ a, ọdanmgbugbu ichẹn-ichẹn e tiwa, rịkẹ ebe ọkụn nọ rịnranpụ ofugbọn, nọkẹ ebe mirin rị e hutu mkpọtu òke.

Habakọkụ 3:10

Ugu a hụn ị k'ị lala, ọ nọ fịkọma yeni egun; okẹn mirin e zuemẹ; mirin ohimin e yi oro, kịshin'i ẹka elu;

Zẹkaraya 4:7

“Ihiẹn ọwụlẹ ị wụ, uguni jẹngbu enwẹn elu, i k'e ziẹnkpọ ihun Zerubabẹlụ, họnrin alị aradan. Zerubabẹlụ gha a tụngụ ụlọnị, ịhịan ile k'a rị e yi, ‘Ẹfọma rọ; ẹfọma rọ!!’ ”

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Matiu 27:51

Ya kẹ ẹkwa wẹ gi gbọnbepụ Ebẹhụ Kachanrịn Nsọ imẹ Ụlọ-nsọ nọ gbawa ẹbụọ ozigbo, gha elu d'e ru alị. Alị nọ zinzin, ọmụma hụ e tiwa;

Matiu 28:2

Idẹnmizi, alị nọ mahihie ọda-ọda, makẹni mmọn-ozi Di-nwọnni-ẹnyi gha elu-igwee bịa, nupụ ọmụma hụ hi-ogbe, nọdị alị elu ẹ.

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.

Rẹvẹleshọnụ 6:14

Igwere nọ fịfịrị nọkẹ ẹhụhụọ wẹ fịfịma, fopụ; ugu ile lẹ alị ile ohimin fihunmẹ nọ gha ọnọdị wẹ pụ.

Ndị Han Eṅẹn 5:5

Ugu ichẹn-ichẹn nọ zinzinni Osolobuẹ, Osolobuẹ, Chuku Saịnaị, e zinzinni wẹ Osolobuẹ Chuku Izrẹlụ.