Matiu 9:38 - Ika

³⁸ Rịọ nị nwan Onyẹ nwọn ugbo n'o zihẹ ndị-ọrụn sikọ d'a ghọn'a ihiẹn-ugbo ẹ.”

Matiu 9:38 ပူးပေါင်းရင်းမြစ်များ

Ẹbụ-ọma 68:11

Osolobuẹ zi ozi, ndị bu ọda nọ weri ozi ahụn ghagbarị, a sị,

Ẹbụ-ọma 68:18

Ị nọ shi ebẹhụ jẹn elu, dukọ ndị ị nwụnlụa agha — ịhịan hụ e wẹhẹni i ihiẹn wẹ gi a chann'ị ẹnya, kẹ ndị te jụ nị arịkọ wẹ okpuru i — ị nọ shi ebẹhụ kẹni i biri ebẹhụ, Osolobuẹ wụ Chuku.

Jerimaya 3:15

E tumẹni m ụnụ ndị-ndu hụn k'e du ụnụ kẹ m chọ. Wẹ k'e gi amamihiẹn lẹ nghọta du ụnụ.”

Maịka 5:7

Ogẹn hụ, ndị ebọn Jekọpụ k'a họdụnị k'a rị imẹ igunrun alị ndị ọzọ nọkẹ igirigi Osolobuẹ zihẹ; wẹ k'a nọ kẹ mirin zueye irurue hụn ghalẹni e cheri ịhịan, hụn ghalẹni e che ịhịan-mmaka.

Matiu 9:37

Ya k'ọ nọ sị ndị nsọnmazụụn a, “Ihiẹn-ugbo wẹ sikọ d'a ghọ e hikẹ, kanị ndị ọrụn ebuni ọda.

Jọnụ 20:21

Ya Jizọsị nọzị nwan sị wẹ, “Udọn ya rịnị ụnụ. M rị nwan e zi ụnụ kẹ Chuku-Nẹdi dọn zi m.”

Jọnụ 4:35

Ẹlẹ ụnụ a sị, ‘Ọ họdụzị ifọn ẹnọ nị wẹ ghọma ihiẹn-ugbo?’ Kanị, m rị a sị ụnụ, lehunmẹ ni ẹnya nị ụnụ hụn nị ihiẹn-ugbo a kagụọlẹ w'a ghọ.

Ọrụn Ndị-ozi 13:2

Ebe wẹ zu e fe Di-nwọnni-ẹnyi, e bu ọnụ, Mmọn-nsọ nọ sị, “Wepụha nị nị m Banabasị lẹ Sọlụ, nị wẹ hụn ụzọ d'a rụn ọrụn m kpọ wẹ d'a rụn.”

Ọrụn Ndị-ozi 8:4

Ogẹn hụ, ndị hụn gbayịyanị hụ e zi oziọma ebe-lẹ-ebe wẹ ru.

Ndị Kọrẹntị Ibuzọ 12:28

Imẹ ndị ụka, Osolobuẹ e tumẹgụọ ndị rị ichẹn-ichẹn: nke ibuzọ wụ ndị-ozi pụ-ichẹn; nke ẹbụọ wụ ndị-amụma lẹ ndị e zi ozi Osolobuẹ; nke ẹtọ wụ ndị-nkuzi; ndị ọzọ wụ ndị a rụn ọrụn-atụmẹnya, ndị a zụọ emu, ndị e yeni ndị ọzọ ẹka, ndị nwọn oyiye ịkị-ọkịkị lẹ ndị a sụ asụsụ rị ichẹn-ichẹn.

Ndị Ẹfẹsọsụ 4:11

Ịya yesọnmẹ ụka a ndị-ozi pụ-ichẹn, ndị-amụma e zi ozi Osolobuẹ, ndị e jẹnhunmẹ e zi oziọma, ndị ụkọ-Chuku lẹ ndị-nkuzi.

Ndị Tẹsalonika Nke Ẹbụọ 3:1

Umunẹ, nke ikpanzụụn rịn'a wụ ọnwan: e mẹni ni ẹnyi ekpere, nị oku Di-nwọnni-ẹnyi hụn ụzọ ghagbarị ẹgwa; ni w'a gbaye ẹ ebe ile kẹ ụnụ dọn mẹ imẹ igunrun ụnụ.