Matiu 8:25 - Ika

²⁵ Ya wẹ nọ jẹn d'a kpọtiẹn ẹ, sị, “Di-nwọnni-ẹnyi, zụọpụha ẹnyi! Ẹnyi a laọlẹ!”

Matiu 8:25 ပူးပေါင်းရင်းမြစ်များ

Ihiẹn Mẹni Nke Ẹbụọ 14:11

Ya kẹ Asa nọ kpọku Osolobuẹ wụ Chuku, sị, “Osolobuẹ, onwọnni onyẹ nọ kẹ yụ hụn k'e yeni onyẹ nwọnlẹni ndụn ẹka lụsọn dikẹn ọgụn. Osolobuẹ wụ Chuku ẹnyi, dodo yeni ẹnyi ẹka, makẹni ịyụ kẹ ẹnyi gi dọn ẹnya; ẹfan ị kẹ ẹnyi gi bịa d'a lụsọn igunrun-aghanị ọgụn. Osolobuẹ dodo, ịyụ wụ Chuku ẹnyi; anịkwọlẹ ịhịan mẹri i.”

Ihiẹn Mẹni Nke Ẹbụọ 20:12

Euu, Chuku ẹnyi, y'e yekọ wẹ nwan afụnfụn?! Ẹnyi enwọn ikẹn ẹnyi e gi lụsọn igunrun ndị-aghanị bugbu enwẹn wẹ ọda hụn rị a mayeni ẹnyi ọgụn! Ẹnyi amarịn ihiẹn ẹnyi jẹnkọ d'e mẹ — kanị ịyụ kẹ ẹnyi rị e lee ẹnya.”

Ẹbụ-ọma 10:1

Euu Osolobuẹ, k'ị nọteni nwan ebe m rị? Kị y'e zuemẹ enwẹn i ogẹn nsọngbu?

Jona 1:6

Ya kẹ onyẹ-isi ụgbọ nọ jẹnburu ẹ ebẹhụ, sị a, “Elee hụn kẹ ị rị a ranhịnnị? Lihi ọtọ, n'ị kpọku mmọn yụ nwẹn e fe! Ikẹnkwọ o mẹ ọhụnma zụọpụha ẹnyi.”

Matiu 8:2

Ya kẹ okẹnnyẹ ohu emu oti rị a kụ nọ bịa, gbun'ẹ osekpu, sị, “Di-nwọnni-ẹnyi, omẹni y'a chọghọ, i k'e saẹka zụọ m otini, a wụbehi m onyẹ rụnị.”

Matiu 8:24

Ẹbi a kpọma idẹnmizi, nke wụ nị ụgbọ hụ e d'e ruban imẹ mirin yeni okẹn ẹbi hụ, kanị Jizọsị rị ụran.

Matiu 9:18

Ebe ọ rị a gwa wẹ ihiẹn ndịnị, onyẹ-isi ohu nọ banhan idẹnmizi, gbun'ẹ osekpu, sị, “Nwa m okpoho nwụnhụnhụ kikẹnni; ka bịa d'e bu ẹka ị kwasị a, makẹni, i bu ẹka ị kwasị a, ọ sikọ d'a rị ndụn.”

Luku 8:24

Ndị nsọnmazụụn a nọ jẹnburu ẹ, kpọtiẹn ẹ, e yi, “Onyẹ-nwọnni-ẹnyi! Onyẹ-nwọnni-ẹnyi! Ẹnyi e d'a nwụn!!” Jizọsị nọ tẹnhin, jụgbọ ẹbi hụ lẹ ohimin hụ ẹbi rị a kpọhunmẹ; wẹ ile nọ kụsị, ebe ile nọ mẹ rajụụ.