Matiu 8:17 - Ika

¹⁷ Ẹnịna kẹ ihiẹn Chuku gi onyẹ-amụma wụ Azaya ku dọn mẹzu. Azaya sị, “O wepụ emu ẹnyi, buru irẹnhụn ẹnyi.”

Matiu 8:17 ပူးပေါင်းရင်းမြစ်များ

Jẹnẹsisi 22:6

Ya Ebraham nọ bu nkụn wẹ jẹnkọ d'e gi chụn ẹjan buye Aziki nwa a, ya lẹ enwẹn ẹ nọ weri ọkụn lẹ ẹbeke; ya lẹ Aziki nọ wịrị jẹnmẹ.

Azaya 53:4

Eziẹ, nsọngbu ẹnyi k'o buru; afụnfụn nkẹ ẹnyi a ta k'ọ ta — kanị ẹnyi weri ẹ nị Osolobuẹ rị e ye ẹ afụnfụn ihiẹn o mẹ, nị ịya rị a fịan a ihiẹn, e mẹshi ẹ ikẹn.

Matiu 1:22

Ihiẹn ndịnị ile mẹ kẹni wẹ gi mẹzu ihiẹn Onyẹ-nwọnni-ẹnyi ku ghahanị onyẹ-amụma, sị,

Matiu 2:15

Wẹ nọ nọdị ebẹhụ d'e ru ni Hẹrọdụ a nwụnhụn. Ọnwan kẹ ihiẹn ahụn Di-nwọnni-ẹnyi gi onyẹ-amụma ku gi mẹzu, nị “A gha m alị Ijiptu kpọpụha nwa m.”

Matiu 2:23

Ọ nọ jẹn d'e biri imẹ obodo w'a kpọ Nazarẹtị. Ẹrịra kẹ ihiẹn ahụn ndị-amụma ku nị “Wẹ jẹnkọ d'a kpọ a onyẹ Nazarẹtị” dọn mẹzu.

Makị 1:32

O ru ẹnyasị, ogẹn anwụn gi rọgụ, wẹ nọ wẹhẹn'ẹ ndị ile emu rị a kụ lẹ ndị eje-mmọn rị imẹ wẹ,

Luku 4:40

Ogẹn anwụn gi rọma, ndị ile nwọn ndị emu ichẹn-ichẹn rị a kụ nọ wẹhẹ wẹ bịanị Jizọsị, ọ nọ bu ẹka kwasị onyẹ-onyẹ, zụọchanrịn wẹ ile.

Ndị Kọrẹntị Nke Ẹbụọ 12:10

Ọ sụọ m nwan a sụọ nị ndụn arị m, nị w'a kpari m, nị m'a ta afụnfụn, nị w'e kpokpo m lẹ ni ọdakin rị ichẹn-ichẹn a bịanị m, ebe o mẹni ufiri Kraịstị rọ. Makẹni, ogẹn ọwụlẹ ndụn gilẹni rị m ya kẹ m gi e kẹnrẹn.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.