Matiu 7:15 - Ika

¹⁵ “Kpachanpụ nị nị ndị amụma-ntụ ẹnya: w'e kọnrin kẹ atụnrụn, a bịa d'e kunrun ụnụ, kanị, eje-ẹwọrọ kẹ wẹ wụ imẹ.

Matiu 7:15 ပူးပေါင်းရင်းမြစ်များ

Ndị-nze Nke Ibuzọ 13:18

Ya onyẹ-amụma hụ ka ẹgẹdi nọ sị a, “Mmẹ nwẹn wụzị onyẹ-amụma nọkẹ yụ. Mmọn-ozi gwa m nị Osolobuẹ sị m: ‘D'e wekinhẹn ẹ, n'o d'a nọ iwe i ri, ra.’ ” (Kanị, ntụ kẹ onyẹ-amụma hụ ka ẹgẹdi rị a tụ a.)

Jerimaya 29:21

Lee ni ihiẹn Osolobuẹ ihiẹn ile rị okpuru ẹ hụn wụ Chuku Izrẹlụ ku banyeni Ehabụ nwa Kolaya lẹ Zẹdikaya nwa Maaseya, madụ ẹbụọ hụ gi ẹfan m e buni ụnụ amụma-ntụ: ‘M jẹnkọ d'e bu wẹ che ẹka Nebukadineza wụ eze alị Babilọnụ, o gbu wẹ idẹnya ụnụ.

Jerimaya 29:32

mmẹ wụ Osolobuẹ rị nwan e ku ẹ nị m jẹnkọ d'e yerịrị Shẹmaya onyẹ Nẹhẹlam lẹ ẹbozo ẹ afụnfụn. Shẹmaya enwọnkọ akpụ onyẹ nke ẹ ohu jẹnkọ d'a họdụnị mọbụ hụn ihiẹn-ọma m jẹnkọ d'e mẹni ndị nke m, makẹni o kugụọ ihiẹn ụnụ e gi a pa oku m.’ ”

Izikẹlụ 13:16

ndị amụma Izrẹlụ nẹi buni Jerusalẹm amụma, a hụnn'a ọhụn nị nsọngbu arịa bụ nsọngbu jun ejun. Ya kẹ Osolobuẹ Nwọn Ihiẹn Ile ku.’ ”

Izikẹlụ 13:22

“ ‘Ụnụ hụ e gi ntụ ụnụ e mẹ ndụn a gụ ndị ezi-omumẹ bụ ẹlẹ mmẹ ku ihiẹn ndị hụ ndụn gi a gụ wẹ, a gba ndị eje-omumẹ umẹ, e mẹ wẹ ahapụlẹ eje-obibi wẹ, hụn te furu w'a hapụ kẹni wẹ rị ndụn.

Izikẹlụ 22:25

“Ndị-amụma rịn'a a kịgbamagụọ, e mẹ kẹ ẹwọrọ rị e dẹnni, a dọrinrin anụ o gbu; wẹ hụ e gbu ịhịan; wẹ hụ e buru ihiẹn rị mma lẹ ihiẹn rị mkpa; wẹ hụ e gbunarịn ikpoho bu ọda rịn'a di wẹ.

Izikẹlụ 22:27

“Ndị-isi rịn'a rịsọnmẹ kẹ eje-anụ wofu ndị rị a dọwa anụ wẹ gbu: wẹ hụ e gbu ịhịan a la iwi kẹni wẹ ri ihiẹn rulẹni wẹ.

Daniẹlụ 11:34

Wẹ dan, ẹkẹrẹ eyemẹka k'a bịanị wẹ, kanị ndị bu ọda gilẹni ezioku bịa sikọ d'a bannị wẹ.

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Zẹkaraya 13:4

Ifẹnrẹn ibu-amụma k'a rị e mẹ ịhịan ogẹn ahụn; eyikọzi wẹ akpụkpọ-anụ nọkẹ ndị amụma amamgbe ịhịan a marịn wẹ.

Matiu 10:17

Kpachanpụ nị nị ịhịan ẹnya, makẹni wẹ jẹnkọ d'e wejẹn ụnụ ọgwa rị ichẹn-ichẹn, fịan ụnụ mkpịnsịn imẹ ụlọ-ofufe wẹ.

Matiu 16:11

Kị haịn ụnụ gilẹni ghọha nị ẹlẹ brẹdi mmaka kẹ m rị e ku oku ẹ? Kpachanpụ nị ẹnya makẹ yisti ndị Itu-Farisi lẹ ndị Itu-Sadusi!”

Matiu 16:6

Jizọsị nọ sị wẹ, “Kpachanpụ nị ẹnya makẹ yisti ndị Itu-Farisi lẹ ndị Itu-Sadusi.”

Matiu 24:11

Ndị amụma-ntụ bu ọda jẹnkọ d'a pụha, dufie ndị bu ọda.

Matiu 7:14

Kanị, ọnụ-mgbọn wẹ gha a banye ndụn mẹ warara ọda-ọda, w'a fagha ụzọ a a fagha; ndị a hụnn'a ebuni ọda.

Luku 12:15

Ya ọ nọzị sị igunrun hụ, “Kpachanpụkwọ nị ẹnya; gbanị nị ẹnya-uku ile ọsọ; makẹni, ẹlẹ ihiẹn bu ọda ịhịan nwọn wụ ndụn a.”

Luku 6:26

Nsọngbu rị e che ụnụ ogẹn ọwụlẹ ịhịan ile rị e ku oku ụnụ ọhụnma, makẹni ẹrịra kẹ ndị nẹdi wẹ mẹ ndị amụma-ụgha mbụ-mbụ.

Jọnụ 10:12

Nke onyẹ wẹ we ọrụn, atụnrụn ndị ahụn ẹlẹ nke ẹ. Ọ hụn ẹwọrọ k'ọ lala, ọ la atụnrụn ndị hụ tọ, gbapụ — ẹwọrọ a nwụnrụn atụnrụn, mẹ wẹ gbayịya.

Ọrụn Ndị-ozi 13:40

“Kpachanpụ nị nwan ẹnya amamgbe ihiẹn ndị-amụma ku gha e mẹ ụnụ: ndị amụma sị,

Ọrụn Ndị-ozi 13:6

Ogẹn wẹ gi ghagbarịgụ alị hụ d'e rukwọrị Pafọsụ, wẹ nọ kunrun onyẹ Ju ohu gi ikẹn ọzọ a kpa ikẹn; onyẹ amụma-ntụ k'ọ wụ; ẹfan a wụ Ba-Jizọsị.

Ndị Galeshịa 2:4

kanị ndị ahụn gi nzuzue banhan, e mẹ nọ kẹ sị wẹ wụ ndị kwerini, e te kughọ oku ịkwa ugun. Wẹ bịa d'e lele ụdị inwọnrin-enwẹn hụn ẹnyi nwọn imẹ Kraịstị Jizọsị, kẹni wẹ buzi ẹnyi che imẹ igbọn.

Ndị Ẹfẹsọsụ 4:14

makẹ ẹnyi gha a wụsọnmẹ ụmụẹka, ndị ẹbi e bushi ihun-lẹ-azụụn, ndị-nkuzi ọwụlẹ e buhunmẹ kẹ ufere, ndị ịhịan gi nkuzi ẹro lẹ aghịghọ e dufie.

Ndị Ẹfẹsọsụ 5:6

Anịkwọlẹ ni onyẹ ọwụlẹ gi oku nwọnlẹni isi dufie ụnụ, makẹni ufiri ihiẹn ndịnị kẹ iwe-lẹ-ọnụma Osolobuẹ gi a bịanị ndị nnupụ-isi.

Ndị Filipi 3:2

Kpachanpụ nị ẹnya makẹ nkitẹ ndị hụ! Kpachanpụ nị ẹnya makẹ ndị ahụn rị e mẹ eje-ihiẹn! Ẹghẹẹ, kpachanpụ nị ẹnya makẹ ndị hụ e bekika ịhịan ẹhụ nị wẹ rị a kwa ugun!

Ndị Kolosị 2:8

Kpachanpụ nị ẹnya amamgbe w'e gi okẹn ịmarịn-ihiẹn hụn rulẹni alị hụn e dufieni kwọndọn ụnụ: makẹni nkuzi ịhịan lẹ mmọn lẹ iwu ndị wẹ gi e dọn ẹnya elu-ụwanị kẹ wẹ sọnkọ, ẹlẹ Kraịstị.

Timoti Nke Ẹbụọ 3:13

Kanị ndị eje-ịhịan lẹ ndị ndufie jẹnkọ d'a gha a jọwaye njọ; e dufie ndị ọzọ, ndị ọzọ hụ e dufie wẹ.

Timoti Nke Ẹbụọ 4:3

Makẹni ogẹn lala hụn ịhịan jẹnkọlẹni d'e kweri ezigbo nkuzi. Kama, ebe ntịn wẹ rị a chọsọnmẹ n'ọ nụ ihiẹn a sụọnị wẹ, wẹ k'a chọrị ndị k'a kuzi wẹ ihiẹn wẹ chọ nị wẹ nụ.

Pita Nke Ẹbụọ 3:17

Ezi umunẹ m, ụnụ a marịngụọ ihiẹn ndịnị. Dọnrin ni nwan ẹnya, amamgbe mmẹfie ndị e bi k'ọ sụọ wẹ e dufie ụnụ, mẹ ụnụ ewuzozilẹ kẹ ụnụ dọn nwan wuzo.

Jọnụ Ibuzọ 4:1

Ndị nke m, ẹlẹ mmọn ile gi ịhịan ku oku kẹ ụnụ k'e kweyeni, ka e lelegụ nị kẹ wẹ gha ẹka Osolobuẹ bịa nke-esi, makẹni, ndị amụma-ntụ bu ọda a pụhagụọ imẹ ụwa.

Judu 1:4

Makẹni, o nwọnghọ ndị ghalẹni a tụ egun Osolobuẹ hụn gi nzuzue banhan imẹ igunrun ẹnyi, ụdị ịhịan Ẹkụkwọ-nsọ kutọgụ afụnfụn rị e cheni wẹ; ndị gi ẹfọmanị Osolobuẹ mẹ e họnrin oghere wẹ gi e bi eje-obibi, a jụdẹ Jizọsị Kraịstị hụn ịya sụọ wụ Onyẹ nwọn ihiẹn ile lẹ Di-nwọnni-ẹnyi.

Rẹvẹleshọnụ 16:13

M nọ hụn eje-mmọn ẹtọ rịsọnmẹ kẹ ẹwọ kẹ wẹ ghasọnmẹ ọnụ Dragọnụ lẹ ọnụ eje-anụ hụ lẹ ọnụ onyẹ amụma-ntụ hụ pụla.

Rẹvẹleshọnụ 17:6

M nọ hụn a nị ẹdeke okpoho hụ ra, ẹdeke ndị-nsọ lẹ ndị wẹ gbu makẹ oku Jizọsị, rị a tụ a kẹ manya. Okpoho hụ m hụn a tụka m ẹnya!

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 20:10

Wẹ nọ tụ Ekwensụ hụn dufieni wẹ ye imẹ odiyiri ọkụn lẹ nsịn-ẹnyanwụn, ebẹhụ eje-anụ hụ lẹ onyẹ amụma-ntụ hụ rị. Wẹ k'e ye wẹ afụnfụn uhinhin lẹ efinnaị jẹnrin ejẹn.